Apastil Nani Sturka 9:18 - DAWAN BÎLA AISKA

¹⁸ Baha pali piua ra ai nakra nani wina inska taya nani baku kauhan, bara kli sip kan diara kaikaia. Bamna Saulo mahka buan, bara tahbi sin daukan kan.

Apastil Nani Sturka 9:18 ပူးပေါင်းရင်းမြစ်များ

Apastil Nani Sturka 2:38

Bara Pita baha uplika nani ra win: —Man nani daukankam saura nani ba swi si mahka Dawan ra taws, bara kumi bani sin yarka lî ni tahbi mai daukan kabia Jisas Kraist nina ra; baku mika saurkam nani swih tikan kabia, bara Dawan mita Spirit Holikira ba maikbia.

Apastil Nani Sturka 2:41

Baku bamna, ai smalkanka bîla alki brin nani ba sut pali tahbi daukan; bara baha yua lika 3,000 lama upla kau lalukra nani wal asla prakan kata.

Apastil Nani Sturka 22:13

Ananías balan ai kaikaia, bara naku ai win: ‘Muihki Saulo, man namkra ba kli bris.’ Bara baha sim piua ra naikra kli briri, sip kapri kli diara kaikaia.

Apastil Nani Sturka 22:16

Bara nanara, ¿man dîa bîla kaikisma ki? Mahka, yas tahbi mai daukbia, Dawan nina kat luki, saurkam nani sut sikbi sakaia dukiara.’

Apastil Nani Sturka 9:17

Bamna Ananías wan Saulo bâra kan ba watla kat. Witin diman, bara ai mihta nani witin ra kahbi, win: —Muihni Saulo, man aulma kapram bara yabal ra Dawan Jisas wal prawram ba mita ai blikan man namkra kli yamni briaia, bara Spirit Holikira ni sin aibanhma dukiara.

Apastil Nani Sturka 9:19

Baha ningkara plun pin, ai karnika sin brin, bara lalukra nani Damaskus ra kata nani ba wal yu kulki takaskan.

Apastil Nani Sturka 9:8

Ningkara Saulo tasba wina buan, sakuna ai nakra kwâkan ba ra, sip diara kaikras pali kan. Baku bamna, witin nani mita ai mihta ra alki Damaskus ra brih wan.

2 Korint 3:14

Sakuna witin nani sip tânka briras kata. Bara naiwa kat baha tânka sip briras sa, lâ almuk wauhkataya aisi kaiki banhwi ba ra, baha sim mawan prakaia kwalka ba sakras ban bâra sa bamna; baha kwalka ba sip sa sakaia Kraist mita baman.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.