Apastil Nani Sturka 9:17 - DAWAN BÎLA AISKA

¹⁷ Bamna Ananías wan Saulo bâra kan ba watla kat. Witin diman, bara ai mihta nani witin ra kahbi, win: —Muihni Saulo, man aulma kapram bara yabal ra Dawan Jisas wal prawram ba mita ai blikan man namkra kli yamni briaia, bara Spirit Holikira ni sin aibanhma dukiara.

Apastil Nani Sturka 9:17 ပူးပေါင်းရင်းမြစ်များ

Blasi Sturka 45:4

Sakuna Josep witin nani ra win: —Man nani, pliskam pali, laimara bal. Ai muihni nani ba ai lamara balan, bara witin nani ra win: —Yang sika Josep man nani muihkam, man nani mita Idsip uplika nani ra ai atkram ba.

Matiu 19:13

Upla kum kum Jisas ra tuktan lupia nani brih balan, witin nani ra ai mihta nani kahbia bara witin nani dukiara ai pura sunbia win, sakuna disaipil nani mita uplika nani ba ra mahka lawi daukan.

Mark 5:23

makaban: —Luhpi mairin pat pruisa, bamna bal mihtam purara kahs, bara rawbia.

Mark 6:5

Bahara Jisas sain tara sip daukras kan; siknis uplika tila nani ra lika ai mihta kahbi rakan.

Luk 1:41

Baku mika, Elisabet Meri ai lakula nan daukan ba ra, ai biara ra ai luhpia ba pulan, witin sin Spirit Holikira ni aibanhwan.

Luk 1:67

Ai aisika Sakaraya ba Spirit Holikira ni aibanhwan, bara Gâd diara aisaia yan ba, naku aisin:

Luk 1:76

Bamna man, luhpi lupia, Gâd Laih Purara iwi ba prapitka mai mâkan kabia, kan Gâd kainara yabalka nani ba man mita ridi dauki wama,

Luk 15:30

Sakuna naha man luhpiam balan sa, witin lika man lalahkam rug mairin saura nani wal bahki ra baman tikan, bara witin dukiara man bîp lupia batanira ba ikram.’

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Luk 2:11

Man nani ra naiwa Debit Tawanka ra Sasakra kum aisubi takan sa, witin sika Kraist, wan Dawan.

Apastil Nani Sturka 10:36

Bamna Gâd bui Israel kiamka nani ra win, Jisas Kraist bâk kupia kumi lâka ba maisa pakan, witinka yawan sut wan Dawanka ba.

Apastil Nani Sturka 13:3

Bamna Gâd ra luki plun piras kira ai pura sunan ba ningkara, ai mihta nani witin nani purara kahbi, mahka blikan wan.

Apastil Nani Sturka 13:52

Sakuna lalukra nani Antíoco ra banhwi kan ba lilia pali kan, Spirit Holikira ni sin aibanhwan kan.

Apastil Nani Sturka 19:6

Pal ai mihta baha nani purara kahban ba ra, sut purara Spirit Holikira bal iwan. Bara mahka witin nani bîla sât sât aisin, Dawan sturka sin aisi kan, Gâd wina yan bamna.

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Apastil Nani Sturka 21:20

Baha nani ba naha diara nani na walan ba ra, Gâd ra mayunan. Ningkara, witin nani Pal ra win: —Muihki, man sin kaikisma nahki Ju nani tausin ailal kasak lukan sa, witin nani sut wisa, Moses lâka ba kulkaia sa.

Apastil Nani Sturka 26:15

Bamna yang mita wîri: ‘¿Man ba ya, Dawan?’ Bara Dawan bila: ‘Yang sika Jisas, witinka ra sika man rausauhkisma ba.

Apastil Nani Sturka 4:31

Ai pura suni takaskan ba ra, witin nani asla taki bâra kan pliska ba nikban; bamna witin nani sut Spirit Holikira ni banhkan kan, bara sibrin âpu Gâd sturka yamni ba aisin.

Apastil Nani Sturka 6:6

Baha nani ba apastil nani mawanra bri balan, bara apastil nani mita ai pura sunan, ai mihta nani sin baha nani purara kahban.

Apastil Nani Sturka 8:17

Bamna Pita bara Jan wal mita baha nani purara ai mihta nani kahban, bara Spirit Holikira brin.

Apastil Nani Sturka 9:18

Baha pali piua ra ai nakra nani wina inska taya nani baku kauhan, bara kli sip kan diara kaikaia. Bamna Saulo mahka buan, bara tahbi sin daukan kan.

Roman 15:7

Baku bamna, man nani pana pana walkam ba muihkam baku bris, sim Kraist mita Gâd prana ra yawan wan brin ba baku.

1 Korint 15:47

Pas upla tasba yuya ni paskan kan ba tasba wina kan; waitna wala witinka ba kasbrika pura wina sa.

1 Korint 15:8

Sut ra latan takan ningkara, yang pali ra sin ai takan, yang na tuktan kum kau ai piua aimakras kan aisubi takan baku kapri sakuna.

1 Korint 9:1

¿Yang na pri sna apia? ¿Yang na apastil sna apia? ¿Yang na Jisas wan Dawan ba kaikri apia? ¿Yang Dawan wal wark takri mâ nani ba man nani apia?

1 Timoti 4:14

Serts almukka nani, Gâd mita witin nani ra ingnika yaban bâk, man puramra ai mihta nani kahbi sins maikan ba, ban alki bri bas.

1 Timoti 5:22

Dawan warkka ba daukaia dukiara, ban pat pali mihtam upla kumi purara sin kahpara. Upla wala nani saurka ba man aikuki asla bripara; wînam ba sunu bri bas.

2 Timoti 1:6

Baha mita yang pain pali mai wisna, man puramra mihti nani kahbri ba ra, Gâd prisantka nani briram ba, ban raya bri kama.

Pilimon 1:16

alba baku lika apia, kuna alba wal kau pain kulkan lâka ra, baha tânka lika, wan muihni latwankira baku lâka ra. Yang bui witin ra uya latwan kaikisna, kuna man pali bui lika kau latwan kaikaia sma, alba baku baman apia, kuna Dawan lâka ra wan muihni baku.

Hibru Nani 6:2

tahbi daukaia lâka smalkanka nani, lalukra nani purara upla ai mihta nani kahbi lâka ba, pruan nani kli buaia ba bara ban kaia lâka daukanka ba sin.

2 Pita 3:15

Bamna luki bas, wan Dawan yawan aikuki wihka bîla kaiki ba lika, yawan sut swaki wan sakaia dukiara sa. Baku sin wan muihni latwankira Pal sin man nani ra ulban sa, Gâd mita sins lâka yan ba tânka kat.