Apastil Nani Sturka 9:13 - DAWAN BÎLA AISKA

¹³ Naha walan ba ra, Ananías bila: “Dawan, baha waitnika dukiara upla ailal ai win, nahki diara saura manis daukan, man uplikam nani Jerusalem ra iwi nani ba mapara.

Apastil Nani Sturka 9:13 ပူးပေါင်းရင်းမြစ်များ

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Apastil Nani Sturka 22:4

Pas piua ra, yang sturi yamni wali uplika nani ra nina bliki rausauhkri, ban ikaia kat; waitna bara mairin nani sut alki priski silak ra mangkri.

Apastil Nani Sturka 8:3

Bara Saulo lika kau ban serts ra rausauhki kan; witin utla bani ra dimi tauki kan, waitna, apia kaka mairin kra sâkbia kaka, raski saki silak ra mangkaia dukiara.

Apastil Nani Sturka 9:1

Baha pali piua ra, Saulo lika Dawan ra luki uplika nani ra rausauhki, ikaia sin pliki kan. Bamna witin prîs tara ra wan.

Apastil Nani Sturka 9:21

Baha nani wali kan ba sut aihka luki, naku win: —¿Naha sim waitnika apia, Jerusalem ra Jisas nina mâki ai pura suni nani ra rausauhki kata ba? ¿Bara nahara sin balan apia baha nani alki priski bri si prîs tara nani mihta ra mangkaia?

Apastil Nani Sturka 9:32

Pita aimaki wan muihni nani ba kaikaia. Witin Lida ra sin wan, lalukra nani bahara iwi kan ba kaikaia.

Apastil Nani Sturka 9:41

Pita bui mairka ba mihta ra alki bukan; ningkara lalukra nani bara piarka nani ba sut paiwan balan, witin nani ra marikan Tabitá ba kli rawan sa.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

Roman 15:31

Gâd ra puram suni makabi bas, lukras uplika nani Judia ra banhwi ba mihta wina ai dakbi sâkbia, bara naha prisantka Jerusalem ra wan muihni nani ra brih auna na, baha nani pain luki bribia,

Roman 16:15

Laikula wis Filólogo ra, Julia ra, Nereo ai muihni wal ra, bara Olimpas ra bara wan muihni kasak lalukra nani witin nani aikuki ba sut ra.

Roman 16:2

Bamna man nani bui witin na Dawan nina ra luki pain bris, wan muihni nani kasak lukan lâka ra nahki briaia ba baku, bara dîa dîa kra Febe want takbia kaka sin hilp muns, kan witin lika upla ailal ra hilp munan, bara yang pali ra sin.

1 Korint 1:2

Korint tawanka ra wan muihni nani, Gâd sertska uplika nani ba ra ulbisna, witinka nani Kraist Jisas wal asla ba mita Gâd uplika holi takan ba. Gâd bui man nani ba holikira nani kaia mai paiwan sa, ani anira wan Dawan Jisas Kraist nina mâki, witin ra wini uplika nani ba aikuki, witinka lika baha nani Dawanka bara yawan Dawanka sin ba.

1 Korint 14:33

kan Gâd ba kupia kumi lâka Gâdka sa, tanis turban lâka Gâdka lika apia. Gâd uplika nani asla takanka sut ra dauki natka ba baku,

1 Korint 16:1

Bara nanara lika aisisna, Gâd uplika nani Judia ra ba dukiara prisant nani saki blikaia ba; Galesha tasbaya sertska nani ra daukbia wîri ba baku dauks.

1 Korint 6:5

Naha lika man nani swiram daukaia wisi mai wisni: ¿Man nani tilamra sinskira kumi pan âpu sa ki, upla ai muihni wal unsaban bri ba lâka daukaia sip ba?

Epesus 1:1

Yang Pal, Gâd kupia lâka ba mita Jisas Kraist apastilka kum sna, baha tânka ba lika, naha wauhkataya na ulbisna, Epesus tawanka ra Gâd uplika nani bara Kraist Jisas ra kasak luki nani ra.

Pilipai 1:1

Yang nani, Pal bara Timoti wal, Jisas Kraist napakanka nani sna ba, muihni nani sut Pilipai tawanka ra iwi nani ba ra naha wauhkataya ulbisna, pura kakaira nani ra bara hilpa nani ra sin. Witin nani ba Gâd uplika, bara Jisas Kraist wal asla mai prakan banhwisma.

Pilipai 4:22

Nahara Gâd uplika nani na sut lakula blikisa, bara kau pali Rom wihtka watla uplika nani.

Kolosi 1:2

naha wauhkataya ulbisna, Kolosi tawanka ra Gâd uplika nani bara Kraist ra kasak luki nani bahara iwi banhwi ba sut ra. Gâd wan Aisa mita ai kupia yamni lâka bara kupia kumi lâka sin man nani puramra blîkbia.

Hibru Nani 13:24

Tâm bri uplika nani sut ra bara Gâd uplika nani sut ra sin lakula wis. Italia ra wan muihni nani ba mita sin lamkula blikisa.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.

1 Samuil 16:2

—¿Bara yang nahki daukamna waia? —Samuil bila pana win—. ¡Saúl naha sturka na walbia kaka, ai ikbia! Dawan pana witin ra win: —Bîp mairin tiara lupia kum bris, bara wis man Dawan ra sakripais kum dauki yaia auma.