Apastil Nani Sturka 9:11 - DAWAN BÎLA AISKA

¹¹ Bara Dawan mita naku win: “Man bus bara yabal kum nina Wapni wi ba kat was, bara Judas watla ra wama ba ra, Tarso wina waitnika kum nina Saulo wi ba dukiara makabi wals. Witin ai pura sunisa,

Apastil Nani Sturka 9:11 ပူးပေါင်းရင်းမြစ်များ

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Jan 4:10

Bara Jisas pana win: —Gâd diara yabi ba kaikram kata, bara ya sin man ra lî makabi ba, kasak pali mai wisna man bui witin ra lî makabaia kapram; bara witin mita lî rayakira ba maikbia.

Apastil Nani Sturka 11:13

Witin ba mita yang nani ra ai win, ai watla ra insal kumi ai tnaya ra kan ba mita win: ‘Waitna nani Jope tawanka ra blîks, Saiman nina wala Pita wi ba bri balaia,

Apastil Nani Sturka 11:25

Baha ningkara, Bernabé ba Tarso ra wan Saulo plikaia, bara wal prawan ba ra, witin ba Antíoco ra brih wan.

Apastil Nani Sturka 2:21

Bamna, Dawan nina mâki wini nani ba sut lika swaki sakan kabia.’

Apastil Nani Sturka 21:39

Bara Pal bila: —Yang lika Ju, Tarso wina, Cilicia kuntrika tawanka kumi kau tara kulkan ba wina. Sakuna, pliskam sans wiria aik upla nani ra aisaia.

Apastil Nani Sturka 22:3

“Yang lika Ju uplika Tarso tawanka, Cilicia kuntrika ra aisubi takri, sakuna naha tawanka Jerusalem ra pâwri. Gamaliel skulka ra sin dimri, wan damika nani lâka ba sin pain pali ai smalkan. Piua bani ra kupi aiska ni Gâd dukia dauki katna, man nani naiwa daukisma ba baku.

Apastil Nani Sturka 8:22

Naha saurka na swi si Dawan ra puram suns, bara ban kra witin baha kupiam ra lukram ba swih tikbia.

Apastil Nani Sturka 8:26

Naha ningkara, Dawan insalka kumi Pilip ra win: “Man bus bara waupasa tani ra was, baha yabalka Jerusalem wina Gaza ra iwi auya bâk.” Naha yabalka na lika upla iwras tasbaya ra sa.

Apastil Nani Sturka 9:30

Wan muihni nani mita naha na kaikan ba ra, Saulo ba Sesaria ra brih wan, baha wina Tarso ra blikan wan.

Kli Smalkanka 4:29

Sakuna baha tilara Dawan Gâdkam ra pliks, kupiam aiska kira bara sulkam aiska kira, bara sâkma.