Apastil Nani Sturka 8:7 - DAWAN BÎLA AISKA

⁷ Upla ailal pirit tâski bri kan ba rakan kan. Pirit tâski nani ba ai bîla baikra karna wini kira upla nani wina taki kan. Bara wakia lâwan nani bara skahwa nani sin rakan.

Apastil Nani Sturka 8:7 ပူးပေါင်းရင်းမြစ်များ

Aiseya 35:6

bâra mika skahwa nani ba sula srutwi pâli baku srutwi kabia, bara baha nani sturi aisaras twisa nani ba sin ai pura winbia. Upla iwras tasbaya, tasba lâwan wina lî kârma nani sin takbia.

Matiu 10:1

Bara Jisas ai disaipilka 12 ba paiwan bara karnika yan pirit saura nani kangbi sakaia, siknis sât sât bara wîna latwanka nani sin rakaia.

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

Mark 9:26

Bara piritka ba ai bîla baikra karna winan, tuktika ra kli yan lasa prukan, bara pruan baku swi si, taki wan. Ban upla nani lukan tuktika ba pruan sa.

Luk 10:17

Baha piua ra 72 ba liliakira kli tawi balan bara naku win: —Dawan, pirit saura nani ba sin wan walan, man ninam mâki aisi banhri ba ra.

Jan 14:12

Kasak pali mai wisni, yang ra kasak luki uplika ba, diara nani daukisna ba witin mita sin daukbia, kau diara tara nani sin daukbia, kan yang Aisa bâra ba pliska ra auna.

Apastil Nani Sturka 5:16

Jerusalem tnaya ra tawan nani ba wina upla manis pali balan, sikniskira nani bara pirit saura nani bri nani ba sut brih balan; bara baha nani sut ba rakan kan.

Apastil Nani Sturka 8:6

Upla nani bal asla taki kan ba, sut lika Pilip dîa aisi kan ba kat aman wali kan, sain aihka nani dauki kan ba sin kaikan.

Hibru Nani 2:4

Bara Gâd sin baha dukiara witnis aisin sa, sain nani dauki, diara aihkakira nani ni bara sain aihkakira ailal daukan ba mita sin. Witin mita sin Spirit Holikira prisantka nani ba yawan ra sât sât yuan sa, witin ai kupia lâka ba kat.