Apastil Nani Sturka 8:39 - DAWAN BÎLA AISKA

³⁹ Witin nani lî wina ulan ba ra, Dawan Spiritka mita Pilip ba brih wan, bara waitnika witin ra kli kaikras kan; sakuna witin ai âuyapah ai yabalka ra impakan.

Apastil Nani Sturka 8:39 ပူးပေါင်းရင်းမြစ်များ

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

2 King Nani 2:16

bara naku wi banhwan: —Yang nani tilira kaiks, dukiam dadaukra nani, kupia karnira nani 50 nâra sa. Swis witin nani nanara wabia, bara smasmalkra ba plikaia, ban kra Gâd spiritka bal bukan bara il bahna ra, apia kra il langnika bîla ra kra bri si swin sa baku sa. Bara witin win: —Apia, upla kumi sin man nani blîkpara.

Lawana Nani 119:111

Yang prapatiki ban kaia ra ba lika man lâmka, kan man bîlam nani ba bui lilia ai daukisa.

Lawana Nani 119:14

Yang lilia katna man lâ nani mangkram ba yabalka ra, yuya manis briaia, lilia lâka purkara.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Isikiel 11:1

Gâd karnika ba ai bukan bara ai brih wan, Dawan tempelka dimaia lalma tani kat. Durka ra 25 waitna bâra kan, baha tilara kaikri Jaazanías, Azur luhpia ba, bara sin Pelatías, Benaías luhpia, tawan lalka bâk sakan ba.

Isikiel 11:24

Tisku Gâd karnika bal ai bukan, bara kli ai brih wan Babilon ra, tasbaya wina sakan uplika wala nani bâra kan ba tilara naha takan, kan lilka kum Gâd spiritka mita ai marikan ba mita. Ningkara lilka ba kli lap tiwan.

Isikiel 37:1

Dawan ba ai mihta laila ra kahban, bara ai karnika tara ba aikan, bara ai mangkan il bîla kum ra upla pruan dusa nani man kan tilara.

Isikiel 43:5

Bara Gâd ai karnika ni ai alki ai bukan bara tempel lilapas kat ai brih wan, bara yang kaikri tempel bîla Dawan prana ni banhwan kan.

Isikiel 8:3

Bara baha uplika ai mihta sakban, bara tâiwa ra alkan; bara Gâd karnika ba mita pâsa purara ai bukan, Gâd mita lilka nani daukan ba natka ra, Jerusalem ra ai brih wan, bara tawan bîla getka dimaia kat ai swin, baha wina yahbra tani ra tawi ba bahara sika aidul Dawan kupia tuski kupia baiki ba bâra kan.

Matiu 13:44

“Gâd king aimaki lâka ba tasba kum ra diara manira yukukan ba baku sa. Baha ba upla kum sakisa, bara baha sim tasbaya ra yukukisa. Ai lilia bamna, ai dukia nani bri ba sut wauhi atki muni, baha tasbaya atkisa.

Matiu 3:16

Jisas ra tahbi daukan ba ra, Jisas lî wina mahka takan. Tisku kan, kasbrika purara ba kwawan, bara Jisas kaikan Gâd Spiritka ba butku baku ai purara aula kan.

Mark 1:10

Bara kaiks, lî wina taki aula kan ba ra, Jisas kaikan kasbrika pura ba kwawan, bara Spirit Holikira ba butku baku ai purara bal iwan.

Apastil Nani Sturka 13:52

Sakuna lalukra nani Antíoco ra banhwi kan ba lilia pali kan, Spirit Holikira ni sin aibanhwan kan.

Apastil Nani Sturka 16:34

Ningkara, witin nani ba ai watla ra bri si plun dakakan. Bara witin ai watla uplika sut aikuki lilia pali kan, nahki witin nani Dawan ra kasak lukaia lâka alkan ba dukiara.

Apastil Nani Sturka 8:29

Bara Spirit Holikira mita Pilip ra win: “Man baha karka ba lamara was.”

Apastil Nani Sturka 8:38

Bamna Etiopía waitnika adar yan, kar ba takaskbia, bara wâlsut kar ba wina iwan. Bahara Pilip mita tahbi daukan.

Apastil Nani Sturka 8:8

Baha tâka mita baha tawanka ba lilia kan.

Roman 5:2

Kasak lukan ba mita Kraist bâk yawan lika Gâd lamara balan, ai yamnika briaia dukiara. Bara naha yamnika sika yawan bapi na, bara lilia sa naika Gâd prana ba wan dukia briaia ba mita.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

Jems 4:16

Sakuna man nani uya mamyuni aisisma; bara naha pura luaia lukanka na sika saura.