Apastil Nani Sturka 8:27 - DAWAN BÎLA AISKA

²⁷ Pilip mahka ridi taki wan. Witin auya kan ba ra, yabal ra Etiopía kuntrika wina waitna kum wal prawan. Witin ba sin yunok kata, Etiopía kwinka Candace suliarka nani wihtka tara kum kan. Witin sin Etiopía kwinka ba lalahka main kakaira kan, bara witin na Jerusalem ra balan Gâd ra ai pura sunaia.

Apastil Nani Sturka 8:27 ပူးပေါင်းရင်းမြစ်များ

1 King Nani 10:1

Sabá kwinka ba walan nahki Salaman nina ba ban tara pali kulkan ba Dawan mawanra mayunra tara pali sa, bara kwin ba Jerusalem ra balan, makabanka karna nani brih balan, Salaman ra makabi wali traika kaikaia dukiara.

Lawana Nani 68:29

Jerusalem, man tempelkam purara ba wina, king nani ai prisantka brih aula,

Lawana Nani 68:31

Idsip wina kuntri lengstarka nani balbia Etiopía uplika nani ba Gâd mapara ai mihta nani bukbia.

Lawana Nani 87:4

“Tawan nani ai kakaira ba, tila wina sip sna nina mâkaia Idsip, Babilon, Filistea, Tiro bara Etiopía; witin nani sut ba man wina aisubi takan.”

Aiseya 18:7

Baha piua ra karnika sut bri ba Dawanka ra, prisantka nani brih balbia, baha uplika nani yakura taya lipni nani, ani anira nisan wala nani mita sîa ba karnakira prautkira nani ba wina, ai tasbaya ra awala nani kir bâra iwi ba, prisantka nani ba Saion ilka ra brih balbia, karnika sut bri ba Dawanka ra baha ra ai pura suni ba ra.

Aiseya 43:6

Yahbra ra wimna: ‘Upla nani ba nâra laki yas’, bara waupasa ra wimna: ‘Man alki takaskpara.’ Luhpi waitna nani ba laih wina bri bal, bara luhpi mairin nani sin, tasba tâ wala ba wina bri bal,

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 60:3

Nisan nani ba ingnikam lamara balbia, king nani man ra yu baiwanka aula ba bâra balbia.

Aiseya 60:6

Kiamil daknika tara nani Madián wina Efá wina man ra aula ba kaikma; Sabá wina nani ba sin sut balbia; witin nani gul bara kîa pain angkaia dukia nani brih balbia, bara Dawan mayunra sturka nani ba dahra aisi kabia.

Aiseya 66:19

Bara witin nani ai tilara sain kum mangkamni: witin nani ai tila wina, tila nani ba plapi swak takan kabia, bara baha nani ba nisan wala nani ra blikamni, Tarsis ra, Libia ra, Lidia ra, witin nani trisba lulki ba kuntrika ra, Tubal ra bara Grik tasbaya ra sin. Kabu un ra laihura iwi nani, yang sturki kau walras nani ra, yang praina ba sin kaikras nani ba baha nani nisanka nani tilara, yang praina ba dahra witin nani aisabia.

Jirimaya 13:23

¿Upla taya siksa kum sip sa ki mapla wala briaia? ¿Limi bulni kum sip sa ki ai bulnika ba tikaia? Bamna man nani sin sip apia, saura dauki kaia pat lan takram ba wina swiaia, bara yamni daukaia.

Jirimaya 38:7

Etiopía wina kum kan nina Ébed-mélec, witin king watla ra kulkanka tara bri kan, witin walan baha nani Jirimaya ra lî watla ra mangkan ba. Baha yua king ba Benjamín getka ra lâ dauki kan upla nani aikuki.

Jirimaya 39:16

“Was Ébed-mélec, Etiopía wina ba ra wis: ‘Dawan karnika sut bri ba, Israel Gâdka ba aisisa: Naha tawanka ra diara saura takbia wîri ba yang aisari ba kat daukaisna, yamnika daukaia lika aisaras. Yang aisari ba takbia ba ra, man bâra kama.

Sofonías 3:10

Upliki nani Etiopía awala baila wala ra yakaban nani ba, baha wina prisantka nani brih, ai pura suni bri sal aikbia.

Matiu 12:42

Waupasa kwinka ba sin lâ daukaia yua ra, naha uplika nani lâka daukbia bamna, witin bubia, naha uplika nani ra pât ra lakbia, kan witin lika tasba laih wina balan Salaman sinska tara bri ba walaia, bara yang bui man nani ra mai wisna, nahara diara kum sa Salaman purkara kau tara ba.

Jan 12:20

Yua tara ba luaia dukiara upla nani Jerusalem ra aidrubi balan Gâd ra ai pura suni mayunaia, bara baha nani tilara Grik nani sin bâra kan.

Apastil Nani Sturka 8:28

Naha waitna ai tawanka mata kli ai bîla tawan ba ra, witin ai karka bilara, prapit Aiseya ulban wauhkataya ba aisi kaiki kan.

Kli Smalkanka 30:13

Kabu baila wala ra sin apia sa, bara wiaia: ‘¿Ya wabia kabu baila wala ra, yawan wan watlika ra wabia, bara yawan ra bri balaia, wan marikaia bara yawan daukaia?’

Hibru Nani 11:8

Kasak lukan lâka mita Ebraham ba Gâd mita paiwan ba ra, ai bîla kat wali, Gâd mita tasba kum yaia pramis munan kan ba mata taki impaki wan. Ai tasbaya pali ba swih wan, bara anira auya sapa sin kaikras kan.