Apastil Nani Sturka 8:23 - DAWAN BÎLA AISKA

²³ Yang kaikisni man lika kupiam tahplika ni aibanhram pali sa, bara saurka lâka mita priski mai brisa.

Apastil Nani Sturka 8:23 ပူးပေါင်းရင်းမြစ်များ

Job 20:14

Sakuna ningkara, ai biara bilara puisin takuya, piuta saura puisinka ba baku.

Lawana Nani 116:16

¡Man Dawan, yang na man albikam sni! ¡Yang lika man nampakan mairin luhpia waitna sni! Man kiwa nani ai wilkan ba wina ai lanhki ai sakram.

Sins Lâka 5:22

Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

Aiseya 28:22

Bamna, ¡nanara man nani, upla mina praprukra lawaska kakikra nani kapara!, mai priskanka nani ba kau karna mai taibaia apia. Kan sauhki tikaia karnika sut bri Dawanka ba wina yang walri, pat luki kaikan sa kuntri aiska purara daukaia ba.

Aiseya 58:6

Baha apia sika. Kaiki plun wahwi tânka yang yamni kaikisna ba sika naha: kasak apia lâka ra silak ra priskan ba wina kriki sakisma ba, lal wilkaika dusa ra taibi wilkan ba wina lanhkisma ba; taiban uplika nani pri sakisma ba. Baku sin man tataibra nani ba âpu daukisma ba sika.

Jirimaya 4:18

“Juda, man tânkam daukankam saura nani ba tâka mita sika naha diara sut man ra taki ba; watawikam lâka daukram ba tâka wina naha mâ tahpla nani na bal takan, bara kupiam ra mai sabisa.”

Jirimaya 9:15

Baha mita, yang Dawan, karnika sut brisna ba, Israel Gâdka ba, aisisna: Baha nani ra diara tahpla pali kum diaia yabaisna ba puisin laya.

Inanka Nani 3:19

Kupi krawisa latwanki nani wauhri ba, bara sairka tara ba sin, misbara lâka, tahpla pali ba sin;

Inanka Nani 3:5

witin mita laima kir ba pât tara tahpla pali wal ai kutbi lakan sa;

Jan 8:34

Jisas baha nani ra win: —Kasak pali mai wisni, baha nani saura dauki ba lika saurka lâka albika sa.

Epesus 4:31

Kupiam tahplika nani sut ba mahka swis, brinka saura nani, kupiam baiwanka nani, bara upla ra pura wini swira daukaia lâka nani, bara diara saura bani sut ba mahka swis.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

2 Pita 2:19

Pramis munisa pri lâka ra iwi kaia sakuna sim piua ra, witin nani lika tâski lâka ba albika sa; bamna upla bani ani dukia mita witin ra yan taibi ba, baha dukia albika sa.

2 Pita 2:4

Gâd mita insal nani saura daukan ba saurka swih tikras, kuna baha nani ba sut hil pauta ra lulki tihmu pali ra swin sa, sîn ni priski lâ tara yua ba kat lâka daukaia.