Apastil Nani Sturka 8:21 - DAWAN BÎLA AISKA

²¹ Yang nani warkki na tilara, man dukiam briaia wiria sin âpu sa, kan man kupiam ba Gâd tani ra kasak apia sma bamna.

Apastil Nani Sturka 8:21 ပူးပေါင်းရင်းမြစ်များ

2 Kronikas 25:2

Amasías daukanka nani ba Dawan mawanra wapni kan, kuna ai kupia aiska wal lika apia kata.

Nihimaya 2:20

Sakuna yang pana witin nani ra naku wîri: —Gâd kasbrika purara bâra ba, yang nani daukisna na sut yamni takaia daukbia. Yang nani witin ai warkka dadaukra nani, naha kutbanka tara kli paski banhwamna. Man nani lika nâra diara kumi sin daukaia lukras sma, diara paskaia smatka âpu nani sma, bara raitkam sin âpu Jerusalem dukiara lukaia.

Lawana Nani 36:1

Watawi lâka ba mita watawikira kupia lukanka pali kat dimi aisisa, witin ai lukanka ra, Dawan ra sibrin lukaia tânka âpu pali sa.

Isikiel 14:3

“Upla luhpia, naha uplika nani na aidul lâka ai kupia ra mangkan, bara ai saurka ra ai mina pruki kauhaia ba ai kainara mangkan. ¿Baha nani dukiara natka kum ra yang makabi walaia sna ki?

Libait Lâka 13:8

Bara prîs ba kli sikniska ba laki kaikbia, sukwanka ba kau ban taya aiska ra auya kaka, bara witin param aisi wibia witinka ba lipar alkan bara tâski sa.

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Apastil Nani Sturka 8:37

[Pilip bila: —Man kupiam aiska ni kasak lukisma kaka, man sip sma. Bara waitnika ba bila: —Yang kasak lukisni, Jisas Kraist ba Gâd Luhpia sa.]

Epesus 5:5

Man nani pat kaikisma, sunu uplika marit takras kira ban ai maya brisa, diara tâski pali daukisa, gridikira pali sa kaka (baha lika aidul ra mayunaia tânka wal baku sa), baha ba sip sa Kraist bara Gâd wal king aimaki ba tasbaya ra dimaia.

Kli Smalkanka 10:9

Baha mita, Libait nani ai muihni nani wal baku diara briras, kan Dawan ba witin nani ai dukia brin, Dawan witin aisin ba baku.)

Kli Smalkanka 12:12

Dawan Gâdkam mawanra luhpiam albikam nani aikuki lilia daukma, bara Libait uplika man nani tilamra iwi kabia ba aikuki sin, kan witin nani ba man nani tilamra tasbaya ba wina ai dukia briras bamna.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Jasua 22:25

Dawan mita Jordan ba mangkan man nani wina dakbi wan sakaia dukiara, Ruben kiamka bara Gad kiamka uplika nani ba. Man nani lika Dawan wal diara âpu daukaia.’ Baku man nani luhpiam nani bui yang nani luhpi nani ra munka Dawan ra kulkanka lâka yabaia apia ba mata.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

Param Marikanka 20:6

Yamni pali bara holikira sa, baha nani naha pruan wina pas buanka tilara bubia nani ba. Prura wala ba witin nani purara karnika kumi sin âpu sa; ban sakuna, witin nani Gâd bara Kraist wal baku nani kabia, bara witin wal mani 1,000 king aimaki kabia.

Param Marikanka 22:19

Bara upla naha dahra aisin wauhkataya bîla nani na wina diara kum dakbi sâkbia kaka, Gâd mita witin ai dukia briaia ba dakbi sâkbia, raya kaia dusa ba wina sin bara tawan holikira ba wina sin dakbia, bara baha nani tânka ba naha wauhkataya ra ulban sa.