Apastil Nani Sturka 8:14 - DAWAN BÎLA AISKA

¹⁴ Apastil nani Jerusalem ra banhwi kan ba walan, nahki Sameria uplika nani sin sturi yamni ba brin, bamna bahara Pita bara Jan wal blikan.

Apastil Nani Sturka 8:14 ပူးပေါင်းရင်းမြစ်များ

1 King Nani 13:32

Kasak pali, piua balbia ba ra, aimakbia Dawan bîla aisin ba Betel altarka bâra ba mapara, gâdkas nani Sameria tawanka ra ai purara sunaia watla nani mâkan ba mapara aisin ba sin.

Matiu 13:23

Sakuna saumuk nani tasba yamni ra mangkan ba lika, sturi yamni walan bara tânka ba brisa, ba mita mâ sin pain sakisa, kum kum ba mâ kumi wina 100 sakan ba baku, wala nani 60 sakan ba baku, apia kaka 30 sakan ba baku.”

Luk 22:8

Bamna Jisas mita Pita bara Jan wal blikan wan, bara naku win: —Man nani was, Insal luan Yua Liliaka dukiara tutni pata ba ridi dauki bas.

Jan 12:48

Ani uplika bahki ai kulki bara bîli nani sin wali daukras ba, ya mita pât ra lulkaia ba pat bâra sa. Bîla nani yang aisari ba mita sika tnata piua ra pât ra lulkan kabia.

Apastil Nani Sturka 11:1

Apastil nani bara wan muihni nani Judia ra nani kan ba sturi walan, nahki Ju apia nani sin Dawan sturka yamni ba brin.

Apastil Nani Sturka 15:4

Pal bara Bernabé wal Jerusalem ra balan ba ra, serts ba bui bara baku sin apastil nani ba mita, bara tâ uplika nani ba mita sut sin pain brin. Baha nani ra sin witin nani mita maisa pakan dîa dîa Dawan bui witin nani wal daukan ba.

Apastil Nani Sturka 17:11

Naha Juka nani na kau upla painkira nani kan Tesalonaika nani ba wal. Witin nani ai kupia aiska ni Dawan bîla ba brin kan, bara yu bani Ulbanka nani ba tânka pliki kaiki kan, diara nani aisi kan ba kasak sapa.

Apastil Nani Sturka 2:41

Baku bamna, ai smalkanka bîla alki brin nani ba sut pali tahbi daukan; bara baha yua lika 3,000 lama upla kau lalukra nani wal asla prakan kata.

Apastil Nani Sturka 8:1

Bara Saulo bâra kan, Stiben pruanka ra luki aitani tânka yabi. Bara baha sim yua, Jerusalem ra serts bâra kan ba mapara rausauhkanka tara pali buan. Lalukra nani ban plis plis ra plapan, Judia bara Sameria tasbaya nani ra; sakuna apastil nani lika bâra kan.

Galesha 2:9

Baha mita, Jems, Pita bara Jan, naha nani na serts playka tara nani kulkan ba mita kaikan, Gâd naha warkka yamni na aikan, bara witin nani bui yang Bernabé wal ra ai mihta nani aiki mihti nani sihban. Naha daukan pana pana kupia kumi kaia tânka, bara aitani lukan yang nani na Ju apia uplika nani tilara wih wark taki kamna, bara witin nani lika Ju nani tilara wark taki kaia.

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

1 Tesalonaika 3:2

bara wan muihni Timoti ba man nani mai kaikaia blikri, kan witinka ba lika Gâd warkka dadaukra kum sa, bara yang nani aikuki Kraist sturka yamni ba aisi smalkaia warkka daukan. Witin ba bliki banhwisna wih mai kaikaia, man nani ba kau karna mai daukaia bara kasak lukankam lâka ba tâ baikaia sin,

2 Tesalonaika 2:10

Bara watawi lâka sât sât daukbia, sauhki tikan lâka ra auya nani ba, kunin munaia dukiara; kan baha nani kasakka lâka ba alki briaia bara latwan kaikaia want apia kan, ai swaki sakanka alkaia dukiara.