Apastil Nani Sturka 7:60 - DAWAN BÎLA AISKA

⁶⁰ Baha ningkara, witin ai lula kriki ai bîla baikra karna wini aisin: “¡Dawan, naha saurka na witin nani ra kulkpara!” Bara naha aisin ningkara, pruan.

Apastil Nani Sturka 7:60 ပူးပေါင်းရင်းမြစ်များ

Esdras 9:5

Bara baha piua kat, yang kupi wirhika ba wina buri, bara prâika kalkri ba ban dimi, mahka Dawan Gâdki ra puri sunri,

Daniel 12:2

Raiti ra yapi banhwi ba ailal pali kli buan kabia: manis raya ban kaia lâka ba bribia, bara wala nani ra lika swira lâka bara pât ban kaia ra takbia.

Daniel 6:10

Daniel walan baha lâka ba ulbi daukan, witin ai watla ra wih ai yapaika windarka ba sakan, baha windarka ba Jerusalem tani ra kan, bamna witin ai lula kriki Gâd ra ai pura suni mayuni kan, naha na witin dauki kan yu bani aima yumhpa, baku witin dauki kata piua bani.

Matiu 27:52

raiti nani ba kwawan, bara Gâd ra kasak luki uplika ailal pruan kan ba kli bukan kan.

Matiu 5:44

Sakuna, nanara yang mai wisna: Waihlam nani ra latwan kaiki bas bara rau mai sauhki nani dukiara sin puram suns.

Luk 22:41

Ningkara, Jisas witin nani wina dakwi takan, sim walpa kum lulkan praiska ba baku, bara bahara witin ai lula krikan ai pura sunaia.

Luk 23:34

Witin nani dus prihni ra sabi kan ba ra, Jisas bila: —Aisa, naha pâtka na witin nani ra ban swih tiks, kan witin nani dîa dauki sapa ai tânka briras. Bamna suldiar nani Jisas kwalka ba yaura tawbia sapa kaikaia, lat lulkan.

Luk 6:28

lamhtubi nani ra pana yamni muns, swiram dauki nani ba dukiara puram suns.

Jan 11:11

Baha ningkara, Jisas sin naku win: —Wan uplika Lasarus ba mahka yapan sa, sakuna yang wih witin ba tatukbi bukamna.

Apastil Nani Sturka 13:36

Debit ai yua nani ra Gâd dukia daukan, dîa witin ra win ba kat. Ningkara, witin pruan ba ra, ai aisika nani raitika lamara bri si bikan, bara ai wîna tara ban sukwi luan.

Apastil Nani Sturka 20:36

Naha diara nani aisin ningkara, Pal ai lula kriki baha nani sut aikuki ai pura sunan.

Apastil Nani Sturka 21:5

Sakuna wik kum ba luan ningkara, yang nani mahka taki impakri. Lalukra nani sut ai maya mairin nani, ai luhpia nani aikuki yang nani yuli kahbi tawan ba wina takan, bara auhya ra luli kriki, puri suni banhri.

Apastil Nani Sturka 9:40

Ningkara, Pita win baha nani sut ba latara takbia, bara witin ai lula kriki ai pura sunan. Mairka pruan ba kat kaiki, naku win: —¡Tabitá, man mahka bus! Bamna mairka ba ai nakra ilingki Pita ra tawi kaikan, bara mahka bûi iwan.

1 Korint 11:30

Baha mita sika man nani tilamra ailal siknis bara swapan banhwisa, bara tila nani sin pat pruan sa.

1 Korint 15:18

Bara baku sa kaka, Kraist ra kasak luki pruan nani ba sin tanis tiwan sa.

1 Korint 15:20

Sakuna kasak pali sa Kraist ba pruan nani tila wina kli bukan kata; pruan nani kli buaia daknika tila wina witin sika mâ tawahkia ba.

1 Korint 15:51

Sakuna dahra prakan kum na wals: Yawan sut lika prubia apia; sakuna sut aihka wan lakan kabia,

1 Korint 15:6

Baha ningkara wan muihni 500 pura witin ba sim piua ra kaikan, bara baha tila wina aihkika ba kau raya sa, bara tila nani lika pat pruan sa.

1 Tesalonaika 5:10

Jisas Kraist yawan dukiara pruan, bara baku mika yawan raya kabia, pruan kabia kra, witin wal asla raya iwi banhbia dukiara.

2 Timoti 4:16

Wihta nani mawanra yang pas pali daihra aisari ba ra, upla kumi sin hilp ai munras; sut ai swih plapan. Yang bui Gâd ra makabisna, baha ba witin nani mapara kulkan kabia apia.

2 Pita 3:4

bara makabi wali kabia: “¿Kraist kli balaia pramis win ba dîa takan? Wan damika nani pruan, bara tasba paskan piua wina naiwa kat dîa kan ba ban sa.”