Apastil Nani Sturka 7:55 - DAWAN BÎLA AISKA

⁵⁵ Sakuna Stiben, Spirit Holikira ni banhwan kan, kasbrika purara kaikan, bara Gâd prana ba kaikan, Jisas sin kaikan ai aisa mihta aihkika tani ra bûi kan.

Apastil Nani Sturka 7:55 ပူးပေါင်းရင်းမြစ်များ

Lawana Nani 109:31

Kan witin mita upla umpira ba tâwan aisi swaki sakisa, bara wala nani mapara aisi ba pât ra dingkisa.

Isikiel 10:18

Bara baku Dawan prana ba, tempel banhta wina pura tani ra uli kata, bara kirubin lilka nani ba purara aimakata.

Isikiel 10:4

Bara Dawan prana ba, kirubin lilka nani ba lal wina ingnika ba purara ulan bara tempel dimaia ba tani ra wan; bara kasbrika pura nani ni tempel ba banhwan, bara watla kutbanka ba Dawan prana ingnika ni aibanhwan kan.

Isikiel 11:23

baha sin tawan ba purara wina taki pâli laihura wan tawan lalma tani ra ilka ba purara kaia wan.

Isikiel 3:23

Bara yang bui twi ra taki wari bara bahara Dawan prana ba kaikri, baha prana ba Quebar awala un ra kata baku; bara maiwanra wih tasba kat bawatni.

Miqueas 3:8

Ban sakuna, yang maipara lika, Dawan spiritka mita karnika ni ai banhkisa, kasakka lâka tânka kaikaia karnika aikisa; bara kupi lukanka karnika ba sin, Israel, Dawan mapara bûi ba tânka param wiaia, ai saurka nani ba sin, ai mawanra kabia.

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Jan 11:41

Bamna walpa ba sakan. Bara Jisas kasbrika purara kaiki, naku aisin: —Aisa, yang tingki mai wisna man bîli baikra walram bamna.

Jan 12:41

Aiseya naha diara nani ra aisin, witin pali mita Jisas prana ba kaikan bamna, bara baha mita witin Jisas dukiara aisi kata.

Jan 14:3

Bamna yang wih pliskam ridi daukamna ba ningkara, kli balamna man nani mai brih waia, bara baku mika yang anira sna ba pliska ra man nani sin bâra kama.

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Apastil Nani Sturka 4:8

Bamna Pita ba Spirit Holikira ni aibanhwan, bara baha nani ra naku win: —Man nani lika naha uplika nani wihtka nani sma ba, bara almukka nani sin:

Apastil Nani Sturka 6:10

Sakuna Stiben, Spirit Holikira wina sins lâka yan aisi kan ba mapara, witin nani lika sip buras kan.

Apastil Nani Sturka 6:3

Bahamna, man nani tilam wina waitna pain 7 pliki sâks, sins lâka aitani bri nani ba, bara Spirit Holikira ni sin aibanhwan kaka; baha nani ra naha warkka na yas daukbia.

Apastil Nani Sturka 6:5

Naha diara na dukiara upla nani sut aitani lukan, bara witin nani mita Stiben ba ai tila wina pliki sakan. Witin lika waitna kumi kasak lukan lâka ni, Spirit Holikira ni sin banhwan kan. Bara Pilip, Prócoro, Nicanor, Timón, Pármenas, bara Nikolas Antíoco wina, witinka kaina piua ra Ju lâka kakulkra kan ba.

Apastil Nani Sturka 6:8

Stiben lika waitna kumi Gâd karnika bara yamnika ni aibanhwan kan. Witin lika diara aihka nani bara sain nani sin dauki kata upla nani tilara.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 8:1

Yawan diara nani aisi yana tânka kau tara ba sika naha: wan prîs tara ba naku sa, bara kasbrika purara Gâd king iwaika lama pali kat iwisa.

2 Pita 1:17

Yang nani kaikri, Gâd Aisa mita pain kulkan lâka bara prana sin yan ba, bara Gâd bîla baikra baha pranakira ra aisan ba naku natka ra sa: “Naha sika yang luhpi laitwankira, witin ra bâk sakri ba.”

Param Marikanka 21:11

Baha tawanka ba Gâd ingnika ni ingwi kan, bara ai ingnika ba walpa painkira pali baku kan, jasper walpaya baku, glas klin pali baku.