Apastil Nani Sturka 7:52 - DAWAN BÎLA AISKA

⁵² ¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.

Apastil Nani Sturka 7:52 ပူးပေါင်းရင်းမြစ်များ

1 King Nani 19:10

Witin pana win: “Dawan, daihra walri, Dawan karnika sut alki brisma ba tâwan uya pali lawri sa, kan Israel luhpia nani man lâmka ba swin, bara altarkam nani sut batakan, bara prapit nani sut sin ikan sord ni. Bara yang baman takaskri, bara ai plikisa rayaki na sakaia dukiara.”

1 King Nani 19:14

Bara witin mita pana win: “Daira walri, Dawan, man karnika sut alki brisma ba tâmwan uya lawisna, kan Israel luhpia nani man lâmka ba swin, man altarkam nani ba sut sauhki tikan, bara prapit nani sord ni baman ikan, bara yang baman takaskri, bara yang ra sin ai ikaia plikisa.”

2 Kronikas 36:15

Dawan, ai almukka nani Gâdka ba, piu manis ra maisa paki bliki kan ai sturka twilki uplika nani ba wal, kan witin ai tawanka ra latwan kaiki kan, baha pliska witin nani ai iwaika kan ba.

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 20:2

bara upla blikan wan Jirimaya ra wipaia bara dus unta klauhbanka ra mangki priskaia, Benjamín Getka ba lamara, baha ba tempel wal baila sa.

Jirimaya 26:15

Sakuna naha lika, kasak pali kaiki bas: man nani ai ikma kaka, man nani bara tawanka uplika nani sut pâtkira kama upla pâtkas kum ikuma bamna; yang kasak aisisna Dawan mita ai blikan naha sturka man nani ra param pali mai wiaia.”

Jirimaya 26:23

bara witin Idsip tawanka Urías ba alki bri sal king Joaquim ra yan, baha kingka ba sika win Urías ba iki tasba salhki wîna ba biki swibia win.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 5:12

Liliam pali bas, man nani âmyapah sin bas, kan kasbrika purara mamna tara kum bâra sa bamna, kan baku sin upla saura nani mita prapit nani ra rausauhkan baha nani kainamra bâra kan nani ba ra.

Luk 6:23

Baha piua liliam pali bas, liliam aibanhwi bas, kan man nani kasbrika purara ba wina prisant tara brima; baha sim natka ra sika baha uplika nani damika nani mita prapit nani ra saura munan.

Jan 16:10

¿ya ba pât âpu uplika?: baha sika yang, Aisa ra auna ba, bara man nani kli ai kaikma apia;

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Apastil Nani Sturka 22:14

Bara witin ai win: ‘Wan damika nani Gâdka ba mita kan piua wina man ba bâk saki mai brin ai kupia lâka tânka kaikaia, bara sin kaikma baha kasakkira ba, ai bîla pali wina sin diara walaia.

Apastil Nani Sturka 3:18

Kuna baku natka bâk baman Gâd sip kan, witin ai prapitka nani bâk Misaya ba pât wauhbia dukiara aisin ba, tnata alkaia.

Apastil Nani Sturka 3:24

“Baku bamna, prapit nani sut ba, Samuil wina ai kainara, ban aisin sa naha dukiara.

Apastil Nani Sturka 4:10

Bamna man nani mamwanra param aisisna, Israel luhpia nani sut tânka na pain bribia, naha waitnika aiska rawan man nani mamwanra bûi na lika Jisas Kraist Nasaret wina ba nina karnika ra, witinka ra sika man nani dus ra sabi ikatma ba, sakuna Gâd bui witin ba pruan wina kli bukan.

1 Tesalonaika 2:15

Naha Ju nani sika Dawan Jisas ba ikan, patitara ai prapitka nani ra ikan ba baku; bara yang nani ra sin kangbi ai sakan. Witin nani ba dîa Gâd want ba kat daukras bara upla sut mapara bûi banhwisa.

2 Timoti 3:4

Upla nani ra kunin muni pât ra dingki kabia, ai kupia lukras diara dauki kabia, prautkira nani kabia; Gâd ra plikaia ba watlika ra, ai wîna brinka nani pliki kabia.

1 Pita 1:11

Kraist Spiritka mita, patitara piua wina pât wahwaia kan ba prapit nani ra param mariki kan, bara baha ningkara prana balaia kan ba sin; bara witin nani baha uplika ba ya sapa pliki sakaia trai muni kan, bara baha Spiritka witin nani ra iwi kan ba mita piua mariki kan ba, ani sapa sin kaikaia pliki kan.

1 Jan 2:1

Yang luhpi lupia nani, naha bîla mai ulbisna man nani saura yama apia ba dukiara. Sakuna upla kumi saura daukbia kaka, wan tâwan aisasara kum brisa Aisa mawanra, baha lika Jisas Kraist, bara witin ba kasakkira sa.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba: