Apastil Nani Sturka 7:51 - DAWAN BÎLA AISKA

⁵¹ “Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Apastil Nani Sturka 7:51 ပူးပေါင်းရင်းမြစ်များ

2 King Nani 17:14

Ban sakuna, witin nani ai kupia ba karna pali daukan, kaina piua ra ai damika nani daukan ba baku, bara sin witin nani Dawan ai Gâd ra kasak lukras kan.

2 Kronikas 30:8

Baku bamna, man nani kiamam karna kapara, damikam nani kan baku; mihtam buks Dawan ra kli lâ nani ba raya daukaia dukiara, bara bal Dawan wal aisaia watla ra, witin holikira ban sa piu bani. Dawan Gâdkam dukia dauks bara witin ai kupia lawanka ba takaskbia man nani wina.

Nihimaya 9:16

“Sakuna witin nani bara wan damika nani sut kiamapara kan tâka mita, adarkam ba wali dauki banhras kan.

Nihimaya 9:30

Witin nani wal man kasak pali kupiam alki takaskram mani nani ailal; bara man spiritkam ni prapitkam nani bâk, witin nani ra aisaram; sakuna witin nani man ra walras kan; baha mita man bui witin nani ba baha tasbaika uplika nani mihta ra mangkram.

Lawana Nani 75:5

man nani karnikam brisma wisi karna aisapara, aisaia sma ba ra upla ra saura aisapara.”

Lawana Nani 78:8

Bara ai damika nani baku kabia apia, mapara babura bara lukras nani kan ba, ai kupia bara ai spiritka nani sip bapi buras, kiamka kum sip kasak lukras ba.

Impakan Sturka 32:9

Baha purkara, Dawan bui Moses ra win: —Baha purkara, yang mita kaikisna naha uplika nani na kiama karna nani sa.

Impakan Sturka 33:3

Baha tasbaya ra tialka laya nasma wal lî laiwi ba ra man nani was. Ban sakuna, yang lika man nani tilamra wamna apia, kan man nani ba warkki daukaia ra kiamam karna ba mita, ban kra yabal ra âpu pali mai daukamna.

Impakan Sturka 33:5

Bara Dawan mita Moses ra win: —Israel luhpia nani ra wis: ‘Man nani lika upla kiama karnira pali sma. Ban kra yang na man nani wal wamna kaka, âpu pali mai daukamna. Bamna gul dukia nani wînam ra brisma ba sut sâks, bara yang kaikamna dîa man ra daukaia sna ba.

Impakan Sturka 34:9

—¡Dawan! ¡Dawan! Rait pali man bui yang ra yamni ai kaikisma kaka, yang nani wal was. Kasak pali naha uplika nani na kiamapara sa, sakuna yang nani saurki watawiki lâka nani ba ban swih tiks, bara uplikam nani pali baku ban wan bris.

Aiseya 48:4

Yang pat kaiki kapri man ba lamla karna sma, karna ayan baku sma, bras daukan baku, sip bulras sma,

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Jirimaya 17:23

Witin nani lika yang ra walras bîli wali daukras kan, sakuna kau lal karna takan wali lan taki wapni takan daukras.

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Jirimaya 6:10

Bara yang pana wîri: “¿Ya yang ra ai walbia, bara witin nani ra aisamna kaka, mai sauhkanka na witin nani ra wimna kaka? Witin nani ai kiama ba prakan sa, Dawan, witin nani sip walras sa; witin nani man aisisma ba lamwaska kikisa, aisisma ba witin nani yamni kulkras.

Isikiel 2:4

Witin nani ai luhpia ba sin, lal karna bara kupia karnira nani sa; bara baha nani ra wima: ‘Dawan Gâd naku wisa.’

Isikiel 44:7

Man nani tempelka ba tâski daukisma, yabram upla tringsar nani ba dimisa, upla yang wal lâ daukan tukinka âpu, ai lukanka ra bara ai wîna tara ra sin apia; tâski daukisa sakripais baku aiki batanka bara sakripaiska tâlia bara lâika nani bara pura lui baha daukanka saura wal.

Isikiel 44:9

“Baha mita, yang Dawan sna ba, aisisni: Tringsar kum sin tempelka ra dimbia apia ai lukanka ra bara ai wîna tara ra wal lâ daukanka tukinka âpu kaka; baha tringsarka Israel tilara iwi nani sin apia.

Libait Lâka 26:41

baku yang bui man nani mampara lukuna bara mai brih wamna waihlam nani tasbaya ra; bahara wama bara idan tasbaya ra bawan lâka brima, saurkam mana aibapi kama.

Kulki Kaikanka 27:14

kan man nani wâlsut bîli lulkram, Sin upla iwras tasbaya ra upla nani maipara aisin ba piua ra, bara witin nani lî makaban ba piua ra man nani bui yang ra bawi ai mayunras kapram. (Naha na Meribá laya kârma dukiara aisisa, baha lika Cadés ra ba, Sin upla iwras tasbaya ra.)

Apastil Nani Sturka 6:10

Sakuna Stiben, Spirit Holikira wina sins lâka yan aisi kan ba mapara, witin nani lika sip buras kan.

Apastil Nani Sturka 7:27

Bara witinka ai muihni ra rausauhki kan ba Moses ra platukbi tnaya ra laki, win: ‘¿Ya mita man ba wihta mai mangkan, wan lâka sin aisi daukaia?

Apastil Nani Sturka 7:35

“Naha Moseska na ra sika Israel luhpia nani mita bahki kulkata ba, naku sin makabi walata ba: ‘¿Man na ya mita wan purara wihta bara lâ dadaukra kaia mai mangkan?’ Baha Moseska sika Gâd mita wihta bara upla pri sasakra baku blikan, insal witin ra latan takan kiaya dusa ra pauta baku klauhi kan ba tilara.

Apastil Nani Sturka 7:39

“Sakuna wan damika nani witin bîla walras kan, kau ni platukbi tnaya ra laki si, witin nani mahka kli Idsip ra tawi waia lukan.

Apastil Nani Sturka 7:9

“Bara Jekob luhpia nani wan damika nani kan ba mita ai muihni Josep ra tuman, ban sin witin ba atkan Idsip kat brih waia, kuna Gâd lika Josep wal ban kan.

Roman 2:25

Bahamna man lâ bîla wali daukisma kaka lika, Aisa sainka mangkram ba man ra hilp kabia. Sakuna man lâ bîla wali daukras sma kaka, baha lika man ba sin Aisa sainka mangkras baku sma.

Epesus 4:30

Gâd Spiritka Holikira ba sarka paskpara, kan man nani aihka saki mai muni baha sim Spiritka Holikira ni, Gâd dukia kaia wisi sîl mai mangkan sa, aiska mai swaki sakan kaia yua witin maikbia ba kat.

Kli Smalkanka 10:16

“Wal lâ daukan lâka ba man nani kupiam ra bris, bara lamla karna kapara,

Kli Smalkanka 30:6

Man nani kupiam ra lâ aisi daukan sainka ba mangkbia bara kiamkam nani ra sin, bara kupiam wina bara sulkam aiska ni latwan kaikma raya kaia dukiara.

Kli Smalkanka 31:27

Kan yang lika man nani kiamam karnika bara kupiam karnika ba sin kaikisni; naiwa bâra ban man nani tilamra raya sni, bara Dawan mapara buram, ¿nahki banhwi kama yang pruamna ningkara?

Kli Smalkanka 9:13

“Dawan mita kli ai win: ‘Yang kaikisni naha uplika nani na lal karna pali sa.

Kli Smalkanka 9:6

Nu bas man nani kasak sma tâwan Dawan baha tasbaya disang ba maikras, kan man nani lika upla kum lamla karna sa.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Kolosi 2:11

Bamna Kraist wal asla takram ba mita, pat Aisa sainka mai daukan sa; wan wîna pali ra Aisa sainka dauki ba sâtka lika apia, sakuna wan wîna saurka nani wina swaki wan sakan ba. Naha sika Aisa sainka lâka Kraist wina aula ba.