Apastil Nani Sturka 7:49 - DAWAN BÎLA AISKA

⁴⁹ ‘Kasbrika purara ba yang king iwaiki sa, tasba ba lika mini taibaika sa. ¿Bamna dîa sât watla man nani paski aikaisma ki? Baku Dawan wisa. ¿Ani pliska ra yang ris briaia kamna ki?

Apastil Nani Sturka 7:49 ပူးပေါင်းရင်းမြစ်များ

1 King Nani 22:19

Bara Micaías kau aisin: —Baku aisaram ba mita, Dawan bîla na wals: Yang kaikri Dawan ba ai king iwaika ra iwi kan, bara kasbrika ra insal nani sut ba lika witin ai tnaya kir bûi banhwi kata, ai mihta aihkika tani bara ai mihta smihka tani ra sin.

1 King Nani 8:27

“Ban sakuna, ¿baha ba kasak sa ki, Gâd ba naha tasba purara iwi kaia? Bara kaiks kasbrika pura ba bara yahpika ba sip alki briras sa, bara nahki sip kabia naha tempel yang bui paski maikri na.

2 Kronikas 6:18

“Ban sakuna, ¿baha ba kasak sa ki, Gâd ba upla wal naha tasba purara iwi kaia? Bara kaiks kasbrika purara nani ba, bara yahpika ba sip alki briras ba apia. ¡Bara nahki sip kabia naha tempel, yang bui paski maikri na!

Lawana Nani 11:4

Dawan ai tempelka holikira ra bâra sa. Dawan, witin ai iwaika kasbrika purara bri ba, witin ai nakra nani aman param, kasak aihwaki kaikisa upla nani ra.

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Matiu 23:22

Baku sin, ya kasbrika purara ba nina mâki swer takisa kaka, Gâd king iwaika ba dukiara swer takisa bara Gâd pali dukiara sin, witinka bahara iwi ba.

Matiu 24:2

Sakuna Jisas witin nani ra win: —¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.

Jan 4:21

Jisas pana win: —Mairin, yang ra pain ai wals, piua ba aula bara man nani Aisa ra puram suni mayuni kama naha ilka ra balras kira, baku sin Jerusalem ra waras kira.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.