Apastil Nani Sturka 7:44 - DAWAN BÎLA AISKA

⁴⁴ “Upla iwras tasbaya ra wan damika nani, Gâd upla wal lâ daukan tintka watla ba bri kan. Baha ba baku mâkan, Gâd mita Moses ra win baha nahki mâkaia patrangka dauki marikan baku.

Apastil Nani Sturka 7:44 ပူးပေါင်းရင်းမြစ်များ

1 Kronikas 28:11

Bamna Debit ai luhpia Salaman ra prias watla dimaia durka playa nani nahki bapaia ba bara tempel daukaia kan ba sin sut yan, ai lalahka watla nani, pura rumka nani ba, rum kutbanka nani aiska, angki daukaia watla ba sin.

1 Kronikas 28:19

Naha diara nani sut na ulbanka kumi ra Dawan bui Debit ra marikan ulban kata, bahara sika wark nani bani daukaia kan ba, pat ulbi daukan kan.

2 Kronikas 24:6

Bamna king bui prîs tara Joiadá ra winan, bara naku win: —¿Dîa muni man Libait nani ra karna munras, witin nani Juda bara Jerusalem wina brih balaia, prisantka nani Dawan napakanka Moses bui Israel tawanka ra adar yan ba, baha uplika nani wahbi banhwata ba tint watla ba dukiara?

Impakan Sturka 25:40

bara aman pali damra wali wark ba dauks, il ra yang pat mai wîri baha yarika yahpika diara wala nani ba sin sut nahki daukaia sma ba.

Impakan Sturka 26:30

Bamna utla ba nahki mâkaia patrangka, il purara mamrikatna ba baku mâkma.

Impakan Sturka 27:8

Altar ba tat ni paskma, unta sin lilara swima, dîa il ra mai marikan ba natka kat daukma.

Impakan Sturka 38:21

Moses mita Itamar, prîs Eran luhpia waitna ba ra win, wal lâ daukan tintka watla ba paskaia, Libait nani gul, silbar, bras nani nahki prais yus munaia ba kulki kaikan.

Kulki Kaikanka 10:11

Idsip wina takan ba piua wina mani wâl kati sin wâl bara yu 20 aimakan ba ra, wal lâ daukan tintka watla pura ba wina, kasbrika ba purara bukan.

Kulki Kaikanka 18:2

Sakuna tamya nani Libai kiamka wala nani ba bri bal, aisikam kiamka nani, hilp mai munbia wark ba daukaia tint watla ra.

Kulki Kaikanka 9:15

Tint watla ba bapan yua ra, lâ daukan tintka watla ba purara kasbrika bal madiskan. Tutni yu dimaia ra, pauta klauhan baku tint watla ba purara klauhi kan, ban yu wala titan ba kat.

Hibru Nani 8:2

Witin ba kau plis holikira ba kat prîs warkka daukisa, bara baha sika Dawan mita paskan ba, upla nani mita lika apia.

Hibru Nani 8:5

Witin nani prîs warkka dauki nani ba lika, kasbrika purara ba lilka, patrangka bara natka ra baman daukisa. Yawan kaiki nani ba lilka nani, kan Moses ba tint watla paski kan ba ra, Gâd wisata: “Pain kaiki, il ra lilka mai marikatna ba natka kat dauks.”

Jasua 18:1

Israel luhpia nani sut ba Siló ra asla takan, bamna bahara bapan Dawan wal aisaia tintka watla ba. Baha piua kat tasba lika ailal pura lui brin kan,

Jasua 3:14

Israel luhpia nani ai tintka watla ba wina takan Jordan awala ba baila wala ra luaia dukiara, bara witin nani ai tâura prîs nani ba Dawan lâka auhbaia watla ba brih wapan. Baha piua ba plun mâ nani dâkaia piua kan bamna, awala ba sin lisamra bri kan. Prîs nani ba nan ai mina liura buskan ba ra lî kla wina aubi kan ba ip takaskan, lî ba plapi ban ai klaura Adam kat uli wan Saretán tawan tara karnakira ba lama kat. Awala mâya tani ra lî ba lâwan, ban Kabu Pruan bâk wih lap tiwan. Baku Jordan awala laya ba aihka aihka baiki sakan kan, bara Israel luhpia nani ba bal lui Jeriko tawanka tara ba brin.