Apastil Nani Sturka 7:38 - DAWAN BÎLA AISKA

³⁸ Moses kata sika upla iwras tasbaya ra upla nani tilara kan ba; bara Sainai ilka ra baha insalka witin ra aisin ba, wan damika nani ba wal sin bâra kan. Witin sika raya kaia bîla nani ba brin yawan ra wankaia dukiara.

Apastil Nani Sturka 7:38 ပူးပေါင်းရင်းမြစ်များ

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Jan 6:63

Spirit ba sika raya kaia yabi ba; wan wîna tara ba lika bahki pali sa. Bara diara nani yang mai wîri ba lika kasak pali spirit tânka nani sa, bara raya kaia sin yabisa.

Apastil Nani Sturka 7:30

“Mani 40 ningkara, upla iwras tasbaya Sainai ilka lamara, insal kum witin ra latan takan, kiaya dusa kumi ra pauta klauhi kan tilara.

Apastil Nani Sturka 7:35

“Naha Moseska na ra sika Israel luhpia nani mita bahki kulkata ba, naku sin makabi walata ba: ‘¿Man na ya mita wan purara wihta bara lâ dadaukra kaia mai mangkan?’ Baha Moseska sika Gâd mita wihta bara upla pri sasakra baku blikan, insal witin ra latan takan kiaya dusa ra pauta baku klauhi kan ba tilara.

Apastil Nani Sturka 7:53

Man nani sika insal nani bâk lâ briram, sakuna bîla walras sma.

Roman 3:2

Baha ba uya bara aitani pali sin kulkan sa. Pas pali lika, Gâd mita ai smalkanka ba Ju nani mihta ra mangkan kata.

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

Galesha 3:19

Baku sa kaka, ¿Moses lâka ba dîa mapara hilp sa ki? Baha lâka lika ningkara yaban, lâ bîla wali daukras kan ba marikaia. Lâ ba lika yan kan baha “kiamka” aisubi takbia ba kat baman, witinka ra pramis daukan kan ba. Bamna lâ ba insal nani mita aisin, bara Moses lika baha lâka ba upla ra aisi kaia kan.

Kli Smalkanka 33:4

Moses yawan ra lâ ba wankan Jekob tawanka uplika nani prapatika baku,

Hibru Nani 2:2

Piu wala nani ra insal nani bîla aisin tânka ba kasak pali marikan kata, bara ani uplika nani saura dauki baha bîla ba kat wali daukras kan ba, witin nani dîa klalka briaia kan ba kat bri banhwan.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

Hibru Nani 5:12

Piu wihka luan ba wina, man nani lika pat smasmalkra nani kaia kapram; sakuna kau ban man nani want sma upla kum ba, Gâd bîla tânka sirpi lupia nani ba kli mai smalkaia. Man nani uya swapni takram bamna, plun karna piaia watlika ra tiala laya ni disma.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.