Apastil Nani Sturka 7:3 - DAWAN BÎLA AISKA

³ Witin ra naku win: ‘Man tasbayam bara tamya nani sut swis, bara was yang tasba kumi mamrikamna ba kat.’

Apastil Nani Sturka 7:3 ပူးပေါင်းရင်းမြစ်များ

Blasi Sturka 12:1

Bara yu kum Dawan mita Ebram ra maisa paki win: “Tasbayam wina, tamya nani tila wina bara aisikam watla wina sin taki was, tasba kum yang mamrikamna bahara wama.

Blasi Sturka 15:7

Bara witin ra win: —Yang sika Dawan, Caldea uplika nani tasbaya, Ur wina yang mita mai sakri naha tasbaya na man tasbayam maikaia dukiara.

Blasi Sturka 20:13

Gâd mita ai daukan, aisiki watla wina taki waia ai win, bara tringsar baku upla sât wala nani tasbaya ra watauki kaia, bara yang bui witin ra makabi wîri ani tasbaya bani ra yang wal wabia ba ra, witin bui yang dukira upla nani ra aisi kabia yang na ai lakrika sna.

Nihimaya 9:8

Kaikram witin ba waitna kum man ra kasak luki kan, bara man bui witin wal aisi lâ daukram: Kenan uplika nani, hitita nani, amorreo nani, ferezeo nani, Jebús uplika nani bara gergeseo nani tasbaya ba, witin ra bara ai kiamka nani ra sin yabaia wiram; bara man lâ aisi daukram ba bîlam kat daukram, ¡kan man kasakkira sma ba mita aisisma ba kat daukisma!

Matiu 10:37

“Ya ya ai aisika ra, apia kaka ai yaptika ra yang purkira latwan kaikisa kaka, yang upliki kaia sip apia sa; baku sin, ya ai luhpia waitna, apia kaka ai luhpia mairin ra yang purkira latwan kaikisa kaka, yang upliki kaia sip apia sa.

Luk 14:33

Baku sin, ya man nani tilam wina witin dîa bri ba sut swiras kaka, yang disaipilki kaia sip apia sa.

Apastil Nani Sturka 7:4

Bara Ebraham Caldea tasbaya swi si, Harán ra wih iwan. Bahara witin ai aisika ba pruan, ningkara Gâd mita Ebraham naha tasbaya ra brih balan, naiwa man nani nâra iwi banhwisma ba.

2 Korint 6:17

Bamna witin bila sin: “Witin nani lilapaska ba wina dakwi taki bal taks, Dawan bila; diara tâski ba kangbi banhpara. Bâra mika yang mita mai brimna,

Hibru Nani 11:8

Kasak lukan lâka mita Ebraham ba Gâd mita paiwan ba ra, ai bîla kat wali, Gâd mita tasba kum yaia pramis munan kan ba mata taki impaki wan. Ai tasbaya pali ba swih wan, bara anira auya sapa sin kaikras kan.

Jasua 24:3

Éufrates awalka un wina Ebraham ba saki briri, bara Kenan tasbaya ba aiska yâri wapi taukan. Yâri ailal sahwaia, pas ai luhpia Aisak ba sin yâri,