Apastil Nani Sturka 7:10 - DAWAN BÎLA AISKA

¹⁰ Bamna Gâd mita trabil nani sut wina swaki saki kan, sins lâka ba yan, ban sin Idsip kingka fero mita yamni kaikaia ba sin. Bara Josep lika Idsip wihtka tara mangkan, bara king fero dukia aiska wihtka sin.

Apastil Nani Sturka 7:10 ပူးပေါင်းရင်းမြစ်များ

Blasi Sturka 39:21

Dawan ba Josep lamara kan, ai kupia yamni lâka ba ban mariki kan, bara sin daukan silak watla wihtka ba ban Josep ra yamni lukaia.

Blasi Sturka 42:6

Josep baha tasbaya wihtka mangkan kan bamna, tasba wala uplika nani sut ba witin ra baman waia kan plun atki briaia. Bara Josep muihnika nani sin witin ai mawanra waia kan. Witin ai mawanra sut tasba kat ai lal makupi ai lakula daukan.

Blasi Sturka 44:18

Bamna Juda ba Josep lama pali ra wan bara win: —Âu, yang bui man ra puri sunisni, dawanki, du pliskam, yang lika man wal baman wiria aisaia brin ai daukisa. Pliskam pali, yang ra lawpara, man na king fero wal baku tara sma, man wal aisisna ba king fero wal aisisna baku sa.

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

1 King Nani 8:50

Bara man uplikam nani mampara saura daukan pâtka ba swih tiks, mampara bûi kupiam sauhkanka daukan ba sut ban swih tikma, bara priski brih wan nani ba bui yarka umpira kaikbia.

Lawana Nani 22:24

Umpira nani pât wahwi ba, witin bahki kulkras, tnayak sin lui waras; witin ba ai mawan yukukras witin nani ai sîa; ¡sakuna witin nani ai hilpka makaban ba walan!

Lawana Nani 37:40

Dawan bui witin nani ra tâ baikisa plapi swakwaia. Watawikira nani wina witin baha nani pri saki, swaki sakisa, kan baha nani witin wina ai kan kahbaia plikan bamna.

Sins Lâka 16:7

Upla nani daukanka ra Dawan yamni kaiki ba ra, witin ai waihla nani ra munan, witin wal kupia kumi takisa.

Sins Lâka 2:6

Kan Dawan sika sins lâka wankisa; witin aisi ba wina sika sins lâka bara diara tânka kaikaia lâka ba bal takisa.

Sins Lâka 3:4

baku bamna, Dawan bara upla nakra ra kupia yamni lâka, aitani kulkan lâka sâkma.

Jirimaya 39:12

“Man bui witin ba main kaiki bas, bara saura munpara, witin dîa makabi ba sut yas.”

2 Timoti 4:18

bara witin sin saurka sut wina dakbi ai sâkbia bara kasbrika purara ba ai kingka lâka bara swaki ai saki ai brih wabia. ¡Witin ra prana ba yaban kabia, ban kaia ban kaia ra! Baku kabia.

Jems 5:11

Kaiks, yawan na pât wahwi bapi buan nani ra, yamni kulkisa. Man nani Job bapi buanka ba pat walram, bara kaikram ningkara nahki munan ba Dawan mita; kan Dawan lika kupia swapni bara sin pihni pali sa.

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.