Apastil Nani Sturka 6:5 - DAWAN BÎLA AISKA

⁵ Naha diara na dukiara upla nani sut aitani lukan, bara witin nani mita Stiben ba ai tila wina pliki sakan. Witin lika waitna kumi kasak lukan lâka ni, Spirit Holikira ni sin banhwan kan. Bara Pilip, Prócoro, Nicanor, Timón, Pármenas, bara Nikolas Antíoco wina, witinka kaina piua ra Ju lâka kakulkra kan ba.

Apastil Nani Sturka 6:5 ပူးပေါင်းရင်းမြစ်များ

Blasi Sturka 41:37

Wark daukaia tânka Josep aisin ba king fero yamni walan, wihta tara nani ba sin baku daukaia aitani lukan.

Sins Lâka 15:1

Swapni ni upla tawa aisaia ba ai kupia baikanka ba daskisa, sakuna sarka paski bîla nani lika kau kupia baikisa.

Sins Lâka 15:23

Pana aisaia bîla pali ba walaia lilia wan sakisa, sakuna nahki prais kau lilia sa baha piua pali kat walaia.

Miqueas 3:8

Ban sakuna, yang maipara lika, Dawan spiritka mita karnika ni ai banhkisa, kasakka lâka tânka kaikaia karnika aikisa; bara kupi lukanka karnika ba sin, Israel, Dawan mapara bûi ba tânka param wiaia, ai saurka nani ba sin, ai mawanra kabia.

Matiu 23:15

“¡Lâ Smasmalkra nani bara parisi nani, kuninkira nani, man nani mampara alai pali kabia! Man nani kabu nani bara kuntri nani sin aiska impakisma upla kum Ju lâka ra lakaia dukiara; bara lakram ba ra, baha uplika ba aima wâl prais man nani purkamra kau saura daukisma, hilp pauta ra waia dukiara.

Apastil Nani Sturka 11:19

Stiben ikan ningkara, lalukra wala nani ra sin mahka rausauhkan, bamna tila nani ba Fenicia ra, Chipre ra bara Antíoco ra sin plapan. Bahara Jisas sturka yamni ba Ju nani ra baman smalkan, Ju apia nani ra lika apia.

Apastil Nani Sturka 11:20

Sakuna lalukra nani tila Chipre bara Cirene wina kan ba mita Antíoco tawanka ra wan, bahara Dawan Jisas swaki wan saki sturka ba Ju apia nani ra smalkan.

Apastil Nani Sturka 11:22

Bara naha sturka na Jerusalem ra serts bâra ba kiama ra diman ba ra, witin nani mita Bernabé saki blikan Antíoco ra.

Apastil Nani Sturka 11:24

Bernabé lika waitna kum pain kata, witin Spirit Holikira ni bara kasak lukan lâka ni sin aibanhwan kan. Baha mita witin mita upla manis Dawan ra bri balan.

Apastil Nani Sturka 11:26

Witin nani bahara serts uplika nani ba wal takaskan mani kum, ban upla nani ra sin smalki kan. Bamna Antíoco ra sika pas lalukra nani nina kristian nani mâkan ba.

Apastil Nani Sturka 11:27

Baha piua ra, Dawan wina sturi bri aisi uplika tila nani, Jerusalem wina Antíoco ra wan.

Apastil Nani Sturka 13:1

Antíoco ra serts bâra kan ba ra, prapit nani bara smasmalkra nani sin bâra kan. Baha nani sika Bernabé, Simian, nina wala Taya Siksa mâki kan ba, Lucio Cirene wina ba, Manahem, witinka Galili kuntrika wihtka, Herod wal pâwan ba, bara Saulo sin.

Apastil Nani Sturka 15:22

Bamna apastil nani bara tâ uplika nani, bara serts aiska ba wilin takan, witin nani ai tila wina upla tila nani saki Antíoco kat blikaia, Pal bara Bernabé aikuki. Witin nani sakan ba lika Judas, nina wala Bernabé mâki ba, wala Silas, witinka waitna pain aihwa kulkan ba wan muihni nani tilara.

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Apastil Nani Sturka 21:8

Yu wala, Pal bara ya nani wala sin yang nani wal kan ba aikuki Sesaria ra wih banhri. Bahara yang nani Pilip watla ra aidrubi wari; witinka sturi yamni ba twatwilkra kan, serts tâ upla 7 kan ba wina kumi kata. Witin wal takaski banhri.

Apastil Nani Sturka 22:20

Man witniskam aisasara Stiben ikan ba ra, yang pali sin baha lamara kaiki kapri, dîa tâwan iki banhwi kan ba sin aitani lukri, Stiben ra iki kan uplika nani kwalka sin main kaiki katna.’

Apastil Nani Sturka 6:10

Sakuna Stiben, Spirit Holikira wina sins lâka yan aisi kan ba mapara, witin nani lika sip buras kan.

Apastil Nani Sturka 6:3

Bahamna, man nani tilam wina waitna pain 7 pliki sâks, sins lâka aitani bri nani ba, bara Spirit Holikira ni sin aibanhwan kaka; baha nani ra naha warkka na yas daukbia.

Apastil Nani Sturka 6:8

Stiben lika waitna kumi Gâd karnika bara yamnika ni aibanhwan kan. Witin lika diara aihka nani bara sain nani sin dauki kata upla nani tilara.

Apastil Nani Sturka 7:1

Bamna prîs tara mita Stiben ra makabi walan: —¿Naha diara nani sut na kasak sa ki?

Param Marikanka 2:15

Baku sin Nikolaitan smalkanka nina bliki tila nani brisma, bara baha smalkanka ba yang mita saura pali kaikisna.

Param Marikanka 2:6

Ban sakuna, naha lika man hilpkam sa: Nikolaitan nani dauki ba man mita kaikan mai daukras, sim yang mita saura kaikisna ba baku.