Apastil Nani Sturka 5:9 - DAWAN BÎLA AISKA

⁹ Pita bila: —¿Dîa kan man mayam wal lâmka dauki Dawan Spiritka ra traika kaikisma? Kaiks, mayam bri si bikan wahmika nani ba lata wina dimi aula, bara man sin mai brih taki wabia.

Apastil Nani Sturka 5:9 ပူးပေါင်းရင်းမြစ်များ

Blasi Sturka 20:13

Gâd mita ai daukan, aisiki watla wina taki waia ai win, bara tringsar baku upla sât wala nani tasbaya ra watauki kaia, bara yang bui witin ra makabi wîri ani tasbaya bani ra yang wal wabia ba ra, witin bui yang dukira upla nani ra aisi kabia yang na ai lakrika sna.

2 King Nani 6:32

Bara Ilaidsa ai watla ra kan, witin almuk nani ba wal aisi kan. Bara sim piua ra, king ba ai uplika nani wina kum blikan wan witin ra. Bamna blikan uplika ba witin ra kau balras kan ba ra, Ilaidsa bui almuk nani ra naku win: —Kaiki kaiks nahki naha waitnika upla âikra kum luhpia ba, yang naina dakbia wisi upla blikan aula ba. Bamna kaiks, blikan uplika nani kau balras ba ra, dur ba praks bara swirka dimbiara, kan witin ai ninara ai dawanka aula mina binka ba walisa.

Lawana Nani 50:18

Man âimplikra nani ra lika yamni bri banhwisma; marit lâka sasauhkra nani wal sin asla takisma.

Lawana Nani 78:56

Sakuna witinka mapara bûi Gâd Laih Purara iwi ba ra traika kaiki banhwata, ai adarka mangkan bîla nani sin walras kan;

Impakan Sturka 17:2

Upla nani ba kli Moses ra ini aisin: —Yang nani lî diaia aik. Moses pana win: —¿Man nani dîa muni yang ra inisma? ¿Dîa muni Gâd traika kaikisma?

Impakan Sturka 17:7

Bara witin baha pliska nina ba, Meribá mâkata, kan Israel luhpia nani rangbi aisin bamna, Masá mâkan, kan witin nani sin Gâd traika kaikan bamna; kan witin nani win: “¿Dawan ba yawan wal sa ki, apia kaka yawan wal apia sa ki?”

Sins Lâka 11:21

Kasak pali watawikira ba, klala briras takaskbia apia, sakuna kasakkira nani ba pain pri takbia.

Sins Lâka 16:5

Kupia praut uplika nani ba Dawan bui saura pali kulkisa, naiwa, yauhka kabia pat pali klala bribia.

Miqueas 7:3

Witin nani lika, diara saura daukaia smasmalkrika nani sa; wark lalka tara nani ba, pana yabia dukiara taibi munisa, lâ dadaukra nani ba ai mana tara kulki implikisa; upla tara karnika bri ba sin, ai kupia brinka ba kat baman lâ nani ba daukisa, bara tawan uplika nani sin witin nani dauki ba wal warha daukisa.

Kulki Kaikanka 14:22

Baha nani sut Idsip ra praina kaikan ba, naha upla iwras tasbaya ra sin sain nani daukri kaikan. Pat aima ailal traiki kaikan bara bîli ba sip wali banhras sa,

Matiu 4:7

Jisas bila witin ra: —Ulbanka ra sin wisa: ‘Man bui Dawan Gâdkam ra traika kaikpara.’

Luk 16:2

Bamna wark uplika dawanka ba mita paiwi, win: ‘¿Man dukiamra upla nani ai wi na dîa sa ki? Man warkkam nani wauhkataya ba bri sal aik, kan man kli yang warkki dauki kama apia.’

Apastil Nani Sturka 15:10

Bara nanara, ¿dîa kan man nani lika Gâd diara daukan ba mapara aihka lukisma, ban naha lalukra nani ra yarka karban wirha twilkaia munisma, baha karbanka yawan bara wan damika nani sin sip twilkras kan ba?

Apastil Nani Sturka 5:6

Bara wahma nani kum kum aidrubi bal, wîna tara ba kwala ra karbi raiti ra bri si bikan.

Roman 10:15

¿Bara nahki sturi yamni ba smalkbia, blîkka wih smalkaia ba âpu sa bamna? Ulbanka ra wi ba baku: “¡Kupia kumi lâka sturka bara sturi yamni smalkaia brih aula uplika mina nani ba painkira pali sa!”

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

1 Korint 10:9

Yawan sin Kraist ra traika kaikaia apia sa, wan damika tila nani daukan ba baku, baha nani ra piuta mita sami iki âpu daukan.