Apastil Nani Sturka 5:39 - DAWAN BÎLA AISKA

³⁹ Sakuna Gâd wina sa kaka, man nani sip sauhki tikma apia. Bamna man nani aman kaiks, Gâd mapara aiklapara.

Apastil Nani Sturka 5:39 ပူးပေါင်းရင်းမြစ်များ

Blasi Sturka 24:50

Bamna Labán bara Betuel wal mita pana witin ra win: —Baha sut aisisma ba, lukanka ba lika Dawan wina aula, bamna yang nani mita man ra âu o apia sin sip mai wiras.

2 Samuil 5:2

tânka pali ba kat lika, Saúl ba wan kingka, sakuna kasakka tânka ba kat man sika Israel luhpia nani tâ bri kapram war ra. Ba purkara, Dawan sin man ra pramis maikan, man sika Israel tâ bri pura wihtka aimakaia.”

1 King Nani 12:24

Dawan naku aisin sa: Man nani wapara, muihkam Israel luhpia nani mapara aiklapara, man nani kumi bani kli wamtla ra taws, kan naha diara na yang mita daukri sa.” Bara witin nani Dawan bîla ba walan, bara kli tawi mahka wan, Dawan bîla win ba kat.

2 King Nani 19:22

¿Ya ninara saura aisi lawaska kikram? ¿Ya mapara bîlam karna saki aisaram bara namkra nani ba kwalhwi pura kat bukram? ¡Israel Gâdka holikira ba mapara sika!

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Aiseya 43:13

Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”

Aiseya 45:9

Slaubla sumika, sin sumi wala nani ba wal baku sa, ya mita paskan ba mapara slaubla ba sip aisaras: “¿Man dîa daukisma?” Witin mita paskan ba sin sip wiras: “¿Man wark takaia lan âpu?”

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Apastil Nani Sturka 11:17

Bamna baha lika param sa, Gâd mita baha nani ra Spirit Holikira yan, sim yawan bui Dawan Jisas Kraist ra kasak lukan ba ra wankan ba baku. ¿Bamna yang na yamna, Gâd mapara buaia?

Apastil Nani Sturka 23:9

Sut ba wini banhwi kan; bamna parisi daknika tila ba wina Lâ Smasmalkra tila nani sin buan, bara win: —Naha waitnika na diara saura kumi sin daukras, ban kra spirit kum, apia kaka insal kum sapa witin ra aisin.

Apastil Nani Sturka 6:10

Sakuna Stiben, Spirit Holikira wina sins lâka yan aisi kan ba mapara, witin nani lika sip buras kan.

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Apastil Nani Sturka 9:5

Bara Saulo pana makabi walan: “¿Man ba ya sma ki, Dawan?” Bara bîla baikra ba naku win: “Yang sika Jisas, man bui yang ra sika rau ai sauhkisma ba.

1 Korint 1:25

Bamna, upla nani mita, Gâd sins âpu lâka baku kulki dukia ba, baha lika upla sinska lâka purkara kau sins lâka kakaira ba uplika dukia sa; bara Gâd swapnika baku ba lika, upla karnika purkara kau karnika brisa.

1 Korint 10:22

¿Apia kaka, yawan mita Dawan ba kupia tuskaia want sa ki? ¿Yawan na witin purkara kau karna banhwisa ki?