Apastil Nani Sturka 5:38 - DAWAN BÎLA AISKA

³⁸ Bahamna, man nani naha waitnika nani na ban swis, witin nani tilara dimpara. Naha diara na upla wina sa kaka, sut ba bahki ra tiwbia.

Apastil Nani Sturka 5:38 ပူးပေါင်းရင်းမြစ်များ

Nihimaya 4:15

Bara wan waihla nani ba walan, yang nani ai mapara aiklabaia kapri ba, bara Gâd mita sin witin nani daukaia luki kan ba slingbi sauhkan, bara yang nani sut kli tawi balri taim, kutbanka paskaia warkka bri banhri.

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Aiseya 14:25

Asiria ba sauhki tikamna yang tasbayi ra, yang ilki nani ra ba mini ra taibamni; upla ra wirhika kahban dusa ba sakamna, wirhika nani upla pahpaya ra ba sin sakan kabia.

Inanka Nani 3:37

Ahkia piua ra diara kum aisisa ba ra, diara kum takisa ba ra, baha lika Dawan adarka sa.

Matiu 15:13

Sakuna witin bila: —Ani dusa Aisiki kasbrika purara ba mita mangkras ba, ai plamaika wina daikan kabia.

Mark 11:30

¿Jan ba ya mita tahbi daukaia blikan ki, Gâd mita, apia kaka, upla nani mita? ¡Ai wis!

Jan 11:48

Yawan baku ban swibia kaka, upla sut witin ra kasak lukbia, bara Rom wihtka nani bal wan tempelka bara wan nisanka nani sut âpu daukbia.

Apastil Nani Sturka 5:35

Ningkara, baha aidrubanka wihtka nani ra win: —Israel luhpika nani, aman kaiks dîa daukaisma ba naha waitnika nani wal.

1 Korint 3:19

Kan naha tasba sinska lâka ba Gâd mapa ra sins âpu dukia baku sa. Ulbanka ra wi ba baku: “Gâd mita sinskira nani ba ai âuyama lâka kat prak alkbia.”