Apastil Nani Sturka 5:29 - DAWAN BÎLA AISKA

²⁹ Sakuna Pita bara apastil wala nani sut, naku win: —Yang nani Gâd bîla ba kau walaia sna, upla nani ra lika apia.

Apastil Nani Sturka 5:29 ပူးပေါင်းရင်းမြစ်များ

Blasi Sturka 3:17

Bara waitna ra sin win: —Man mayam bîla baikra wali bîla walram bamna, man ra mai wisatna baha dusa ba wina mâ pipara, sakuna man ban dusa ba wina mâ piram; bamna man tamka, tasba na lahtuban kabia. Rayakam yua nani sut sarkam lâka ra tasba wina patam saki pi kama.

2 Samuil 24:4

Ban sakuna, king adarka ba Joab purara, suldiar nani purara sin pat kahban ba mita, Joab bara suldiar nani ba sin king mawan wina mahka taki wan, upla an Israel ra bâra ba kulki kaikaia.

2 King Nani 16:16

Bara prîs Urías ba dîa king Ahaz mita win kata ba kat daukan.

Impakan Sturka 1:17

Sakuna grandi mairin nani ba Gâd ra sibrin luki uplika nani kata, bamna dîa king bui witin nani ra win ba kat daukras, tuktan waitna nani ba sin ban swin raya kan.

Jirimaya 26:12

Baha Jirimaya aisin wihta nani ra bara upla sut ra sin, witin win: “Dawan sika witin ai nina ra yang ai blikan, naha tempelka mapara aisaia, naha tawanka mapara sin aisaia, yang aisari man nani sut walram.

Daniel 6:13

Bamna witin nani ban aisi, win: —Daniel lika, priski Juda wina brih balan ba tila wina kumika sa, witin ba man ra king mai kulkras sa, man lâ mangkram ba sin kulkras, witin yu bani aima yumhpa ban ai pura sunisa.

Apastil Nani Sturka 4:19

Kuna Pita Jan wal pana win: —Man nani pali luki kaiks, Gâd mawanra aitani kabia sapa yang nani Gâd bîla walaia katna ba swi si, man nani bîlam walamna kaka.

1 Samuil 15:24

Bara Saúl bui Samuil ra win: —Âu, yang saura daukri, Dawan adarka nani pura lui wari, man kupi kraukram bîla nani sin bîla walras kapri, upliki nani ra sibrin lukri bara witin nani bîla wali makabanka ba kat daukri.