Apastil Nani Sturka 5:20 - DAWAN BÎLA AISKA

²⁰ “Man nani tempel ra wih, upla nani ra naha raya sturka yamni na, param aisi smalks.”

Apastil Nani Sturka 5:20 ပူးပေါင်းရင်းမြစ်များ

Impakan Sturka 24:3

Moses kli tawi wan bara upla nani ra wih diara nani sut witin daukaia Dawan mita win yaba aisi win. Bara upla nani sut ai bîla baikra kumi ni pana aisin: —¡Diara sut Dawan aisin ba, yang nani daukamna!

Aiseya 58:1

Dawan bui ai win: “Sibrin âpu karnikam aiska ni wins, dîa wiaia sma ba alki takaskpara, trumpit baku bîlam baikra buks, bara yang upliki nani ra param wis witin nani maipara buan ba, bara Jekob watla uplika nani ra sin wis saura daukan ba dukiara.

Jirimaya 26:2

bara win: “Tempel ra dimaia durka ba ra wih bus, bara dîa sut man aisaia yang mai wîri ba Juda tawanka nani wina upla nani ai pura sunaia aula nani ba ra wis. Mai wîri ba sut pali aisas.

Jirimaya 36:10

Tempel kutbanka bîla kau purara ba ra Baruc wan, tempel Getka Raya ra ba dimaika ra, Safán sturi âiulbra luhpia waitna Guemarías wauhkataya âiulbra ba kutbanka ra, bahara witin buan, baha wina ulbanka ba aisi kaikan upla nani ra, Jirimaya aisin bîla nani ba.

Jirimaya 7:2

“Man Dawan tempelka durka ra bûi naha smalkanka na wis: Juda wina uplika nani sut, nahara bal dimi Dawan mayuni banhwisma ba, naha bîla man nani ra blikan na wals.

Isikiel 33:7

“Kan man ra, upla luhpia, yang aihwawakra baku mai mangkri, Israel tawanka dukiara. Man sturi mai wisna ba walaia sma, bara maisa pakaia kupia kraukanka ba.

Matiu 10:27

Dîa tihmu tilara mai wisna na, man nani yu ingnika ra aisas; bara dîa wan mânka man mai wisna na, man nani utla bahna nani wina bîlam baikra tara ni aisas.

Matiu 21:23

Jisas tempel ra diman, bara baha ra smalki kan, prîs wihtka nani bara Ju wihtka almuk nani ai lamara balan, bara witin ra makabi walan: —¿Dîa karnika ni naha dukia nani daukisma? ¿Ya mita naha karnika na maikan?

Jan 12:50

Bara yang kaikisna Aisiki lâka ba lika raya ban kaia dukiara sa. Baku bamna, dîa aisisna ba lika Aisa adarka ba kat aisisna.”

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 17:8

smalkaia wisi man aikram ba sut yâri, bamna witin nani baha alki brin. Tânka sin brin yang na man wina balri ba, bara kasak sin lukan ai blikram.

Jan 18:20

Jisas mita pana win: —Yang lika upla sut mawanra param pali aisari; piua bani Ju nani priaska watla nani ra, bara tempel ra sin smalki katna, Ju nani sut bahara asla taki kan ba ra; yang diara kumi sin yukuki smalkras katna.

Jan 6:63

Spirit ba sika raya kaia yabi ba; wan wîna tara ba lika bahki pali sa. Bara diara nani yang mai wîri ba lika kasak pali spirit tânka nani sa, bara raya kaia sin yabisa.

Jan 6:68

Sakuna Saiman Pita mita pana win: —Dawan, ¿yaura yang nani wamna ki? Man bîlam nani ba lika raya ban kaia bîla nani sa.

Apastil Nani Sturka 11:14

bara witin mita mai wibia nahki sip kama swaki mai sakan kaia, man bara wamtla uplika aiska.’

Apastil Nani Sturka 13:26

“Muihki nani, Ebraham kiamka nani sma ba, bara Ju apia nani Gâd ra sibrin luki banhwisma ba sin: man nani sut dukiam sa naha swaki sakan lâka sturka na.