Apastil Nani Sturka 5:19 - DAWAN BÎLA AISKA

¹⁹ Sakuna tihmia ra, Dawan insalka kum mita bal silak watla durka ba kwâki, apastil nani ba latara saki, naku win:

Apastil Nani Sturka 5:19 ပူးပေါင်းရင်းမြစ်များ

Lawana Nani 146:7

Witin taiban uplika nani ra kasakka kat yabisa; bara sin plun dauki nani ra dakakisa. Dawan baha priskan nani ba lanhki sakisa.

Lawana Nani 34:7

Dawan ra yamni kulki uplika nani ba, Dawan insalka ba mita kan kahbi, swaki sakisa.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Matiu 1:20

Naha luki kan ba ra, Dawan insalka kum yaprisauhkan ra latan taki, naku win: “Josep, Debit kiamka sma ba, man Meri ba mayam briaia si bripara, ai luhpia bribia ba lika Spirit Holikira karnika wina sa bamna.

Matiu 1:24

Josep yapi ai kupia krawan ba ra, Dawan insalka win ba kat daukan, bara Meri ba ai maya brin.

Matiu 2:13

Sinskira nani mahka wan ba ningkara, Dawan insalka kum yaprisauhkan ra Josep ra latan taki, naku win: “Man bus, bara tukta ba ai yaptika wal brih Idsip ra plaps. Bahara takasks yang maisam pakamna ba kat, kan Herod tukta ba ikaia wisi plikbia bamna.”

Matiu 2:19

Sakuna Herod pruan ba ningkara, Idsip tasbaya ra Dawan insalka kum yaprisauhkan ra Josep ra latan taki, win:

Matiu 28:2

Tisku baku kan, tasba nikbanka tara kum takan. Baha ba Dawan insalka kum kasbrika purara ba wina bal iwan, bara raitika ra wih, raiti pura prakan kan walpaya ba karbi saki, baha purara iwan.

Luk 1:11

Dawan insalka kumi Sakaraya ra latan takan, bara baha altarka aihkika tani ra bûi kan.

Luk 2:9

Dawan insalka kumi witin nani ra param takan, bara Dawan prana ba sin witin nani ra kir ingwan; bamna sepad nani ba sut sibrin pali takan.

Apastil Nani Sturka 10:3

Yu kumi tutni 3 aklak kan ra, diara aihka kumi kaikan param pali, nahki Gâd insalka kum witin bâra kan ba kat bal diman, bara win: “¡Cornelio!”

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Apastil Nani Sturka 16:26

Tisku baku kan, tasba nikban, bara silak watla playka nani ba sut sin nikban kata. Baha sim piua ra silak watla durka nani sut ba kwawan, bara silak ra mangkan uplika nani ba sut wilkan nani kan ba lanhwi kauhan.

Apastil Nani Sturka 27:23

Naha tihmia luan ra, Gâd ra yang bui witin ra mayuni dukia daukri ba mita insal kum yang ra blikan.

Apastil Nani Sturka 8:26

Naha ningkara, Dawan insalka kumi Pilip ra win: “Man bus bara waupasa tani ra was, baha yabalka Jerusalem wina Gaza ra iwi auya bâk.” Naha yabalka na lika upla iwras tasbaya ra sa.