Apastil Nani Sturka 5:14 - DAWAN BÎLA AISKA

¹⁴ Upla Dawan ra kasak lukan ba kau ailal takan, waitna nani bara mairin nani sin.

Apastil Nani Sturka 5:14 ပူးပေါင်းရင်းမြစ်များ

2 Samuil 6:19

Baha wina Israel luhpia nani sut bâra kan ba, waitna nani bara mairin nani ra yan brit, dus mâ sâtka ni daukan ba, turtiya, dus mâ damni nani sin piaia yan. Ba ningkara upla sut ai watla ra wan.

Esdras 10:1

Esdras Gâd tempelka ra dimi aisi ai pura suni ai dahra saki kan ba ra, ai lula kriki ai mawan ra kauhi ini, baha dauki kan ba ra Israel luhpia nani dakni kum taki, ai lamara wan: waitna, mairin bara tuktan nani, baha nani sin ai kupia wirha pali ini banhwi kata.

Nihimaya 8:2

Bara prîs Esdras ba, lâ wauhkataya ba bri balan upla nani aslika ba mawanra; bâra kan waitna, mairin bara tuktan sut.

Impakan Sturka 35:22

Waitna bara mairin nani aidrubi balan, witin nani sut ai kupia param ni bri balan, wilkaia dukia nani, mihtadingka nani, bangkil nani, kiama lula nani, gul ni paskan ba dukia sât nani. Upla bani gul dukia nani sât Dawan ra yaia brih balan.

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Apastil Nani Sturka 11:24

Bernabé lika waitna kum pain kata, witin Spirit Holikira ni bara kasak lukan lâka ni sin aibanhwan kan. Baha mita witin mita upla manis Dawan ra bri balan.

Apastil Nani Sturka 2:41

Baku bamna, ai smalkanka bîla alki brin nani ba sut pali tahbi daukan; bara baha yua lika 3,000 lama upla kau lalukra nani wal asla prakan kata.

Apastil Nani Sturka 2:47

Witin nani Gâd nina mayuni kan, bara upla nani sut mita pain pali kaikan; bamna yu bani Dawan mita swaki sakan uplika nani ba kau kau sal witin nani daknika ra asla praki kan.

Apastil Nani Sturka 22:4

Pas piua ra, yang sturi yamni wali uplika nani ra nina bliki rausauhkri, ban ikaia kat; waitna bara mairin nani sut alki priski silak ra mangkri.

Apastil Nani Sturka 4:4

Naha apastil wâl smalkanka ba wina upla manis pali kasak lukan; waitna nani baman kulkan ba 5,000 lamara kata.

Apastil Nani Sturka 6:7

Dawan bîla ba kau pâwi kan, bara kristian nani sin kau ailal taki kan Jerusalem ra. Ban Ju prîska nani wina sin manis kasak lukan lâka ba alkan.

Apastil Nani Sturka 8:12

Sakuna Pilip mita Gâd King aimaki ba, Jisas Kraist sturka sin smalkanka wali kasak lukan bara sut tahbi daukan, waitna nani bara mairin nani sin.

Apastil Nani Sturka 8:3

Bara Saulo lika kau ban serts ra rausauhki kan; witin utla bani ra dimi tauki kan, waitna, apia kaka mairin kra sâkbia kaka, raski saki silak ra mangkaia dukiara.

Apastil Nani Sturka 9:2

Bara lâ daukaia karnika wauhkataya nani makaban, witin baha ba wal Damaskus Ju nani priaska watla nani ra wih plikaia, baha nani sturi yamni nina bliki ba sut alki Jerusalem ra bri sal silak ra atia mangkaia, waitna nani sapa, mairin nani sapa.

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.

Apastil Nani Sturka 9:35

Bamna Lida ra bara Sarón ra iwi nani ba bui witin ba kaikan, bara sut ai lukanka almuk nani ba mahka swi si, Dawan nina blikan.

Apastil Nani Sturka 9:42

Naha sturka na Jope tawanka aiska ra wali banhwan, upla ailal sin Dawan ra kasak lukan.

2 Korint 6:15

¿Nahki Kraist wih Sitan wal asla kabia? ¿Nahki lalukra kum sip lukras uplika kum wal asla kabia ki?

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.