Apastil Nani Sturka 4:31 - DAWAN BÎLA AISKA

³¹ Ai pura suni takaskan ba ra, witin nani asla taki bâra kan pliska ba nikban; bamna witin nani sut Spirit Holikira ni banhkan kan, bara sibrin âpu Gâd sturka yamni ba aisin.

Apastil Nani Sturka 4:31 ပူးပေါင်းရင်းမြစ်များ

Aiseya 65:24

Witin nani mita kau ai winras ba ra, yang mita pat witin nani ra pana aisamna; witin nani kau ai aisaras ba ra, yang pat witin nani ra pana walri kabia.

Matiu 21:22

Bara man nani kasak luki puram sunra ra makama ba, sut brima.

Jan 14:12

Kasak pali mai wisni, yang ra kasak luki uplika ba, diara nani daukisna ba witin mita sin daukbia, kau diara tara nani sin daukbia, kan yang Aisa bâra ba pliska ra auna.

Jan 15:16

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Jan 15:7

“Man nani ba yang wal asla ban sma kaka, bara dîa mai smalkri ba sin âmya tikras sma kaka, dîa dîa want sma ba makas, bara maikan kabia.

Apastil Nani Sturka 14:3

Apastil nani ba bahara piua wihka takaskan, bara ai kupia aiska ni sibrin âpu Dawan dukiara aisi kan. Gâd latwanka lâka dukiara aisi kan bamna, Dawan mita kau tâ baiki karnika sin yan, sain nani, wark aihka nani sin daukaia.

Apastil Nani Sturka 2:1

Pentikus yua balan ba ra, lalukra nani sut plis kumi ra asla takan kan.

Apastil Nani Sturka 2:2

Bara tisku kan witin nani walan bin kum bal iwan, sim pali pâsa karna krawi binka baku. Baha watla bilara witin nani bâra kan ba sut banhkan.

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Apastil Nani Sturka 4:13

Aidrubanka wihtka nani ba mita kaikan, Pita Jan wal lika sibrin âpu kira aisi kan, bara kaikan baha nani wauhkataya uya lan takras kan, upla wala nani wal baku. Bamna tâ iwi banhwata, kan latan kaikan naha nani Jisas wal tauki kan.

Apastil Nani Sturka 4:29

Bara nanara, Dawan, kaiks witin nani sirang wan iki ba, kuna man nampakan nani ra kupia karna dauks, man smalkankam ba sibrin âpu aisaia ba dukiara.

Pilipai 1:14

Bara silak ra sna ai kaiki, wan muihni nani ailal Dawan ra kau kasak luki ai tâ baiki, Gâd sturka yamni ba sibrin âpu smalki banhwisa.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.