Apastil Nani Sturka 4:27 - DAWAN BÎLA AISKA

²⁷ “Kasak, naha tawanka ra sika, Herod bara Pontius Pailat wal bara Ju apia nani ba sin, bara Israel luhpia nani aikuki asla aidruban, man nampakan holikira Jisas ba mapara, witin ba man mita Kraist mangkram ba.

Apastil Nani Sturka 4:27 ပူးပေါင်းရင်းမြစ်များ

Job 14:4

Upla kumi sin âpu sa diara tâski ba wina diara sunu sakaia.

Job 15:14

Upla sunukira ba âpu sa, ai pâtka wina pri ba sin âpu sa.

Job 25:4

¿Sip sa ki upla bahki kumi ba, Gâd kaiki ba ra pâtkas bara sunukira kaia?

Lawana Nani 2:2

Tasba kingka nani bara wihta nani sut ba, Dawan mapara witin nani buisa, baku sin ai kingka bâk sakan ba mapara.

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Lawana Nani 45:7

Man ba diara yamni nani ba lihkisma, bara diara saura nani ba lika misbara kaikisma. Baha mita sika, Dawan bâk mai saki mai brin, man Dawankam ba mita bara lilia ni mai banhkan sa, uplikam wala nani ba wal.

Aiseya 37:26

¿Man aima kumi sin walras kapram ki, yang, Dawan mita naha dukia nani sut daukri kan ba? Patitara yua nani ba wina pat daukaia luki kapri bara nanara yang mita baha ba daukri sa; baha mita sika man bui tawan karnakira pali kutbanka tara nani daukan ba sin, sauhki âpu daukisma.

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 53:3

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Matiu 14:1

Baha piua ra Herod Galili tasbaya ra wihta tara aimaki kan, bara witin Jisas sturka walan,

Matiu 14:3

Kan Herod mita sika Jan ba alki silak ra mangki, priski bri kan, Herodías tâwan; witinka ba ai muihnika Pilip maya kan.

Matiu 14:6

Sakuna Herod aisubanka yua ra, Herodías luhpia mairin ba taki, paiwan uplika nani mawanra dans pulan. Baha ba Herod lilia takan,

Matiu 21:28

Jisas makabi walan: —¿Naha na man nani nahki lukisma ki? Waitna kum luhpa waitna wâl bri kan, bara kumi ra naku win: ‘Luhpi, man naiwa wainki nasla ra wark takaia was.’

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Matiu 27:2

Bamna witin nani bui Jisas ba priski Pailat ra brih wan, witin Rom wihta tara ba.

Mark 10:33

Witin nani ra win: “Man nani kaikisma, yawan Jerusalem ra uli auya. Bahara sika Upla Luhpia Waitna ba prîs tara nani bara Lâ Smasmalkra nani mihta ra mangkbia, bara witin nani mita pruaia pâtka ra lakbia ba ra, upla tringsar nani mihta ra mangkbia.

Mark 15:31

Baku sin prîs wihtka nani, bara Lâ Smasmalkra nani sin ai lawaska kikan, bara pana pana aisi kan: —Witin bui upla wala nani ra swaki sakan, sakuna witin ai wîna ra lika sip swaki sakras.

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Luk 22:63

Waitna nani Jisas main kaiki bri kan ba ai lawaska kiki, witin ra sin pruki, latwan yaban.

Luk 23:1

Baha nani sut buan, bara Jisas ba Pailat mawanra brih wan.

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Luk 9:22

Bara sin wisata: —Upla Luhpia Waitna pât kasak wahwaia kabia, bara wihta almuk nani mita, prîs wihta nani bara Lâ Smasmalkra nani sin bahki kulkbia, ban sin ikbia, sakuna yu yumhpa ra pruan wina kli buan kabia.

Jan 1:11

Balan ai tasbaya pali ra, sakuna ai uplika nani mita witin ba briras kan.

Jan 10:36

Bamna Gâd mita bâk saki naha tasba ra ai blikan kaka, ¿nahki man nani wiaia sip sma, yang lika Gâd Luhpia sna wîri ba wal ai mapara saura aisari?

Jan 18:28

Bamna Jisas ba Keyapas watla wina tawan wihtka tara watla ra brih wan. Baha piua ba pat yu baiwaia man kan, bara Ju nani lika lâ watla tara ra dimras kan, tâski kulkan kabia apia dukiara, kan baku daukbia kaka, Insal luan Yua Liliaka tutnika pata ba piaia sip apia kan.

Jan 18:29

Baha mita Pailat mita baha nani ra taki wih naku aisi, win: —¿Dîa tâwan man nani naha waitnika na dahra kwahkisma ki?

Jan 19:34

Sakuna suldiar nani ba wina kum mita langsa ni tnaya mina ra sabi klauhban, bamna tala lî wal takan.

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 2:27

Man lika yang sulki ba pruan nani bâra ba pliska ra ban swima apia; dukiam dadaukra holikira ba wîna tara sin sukwi luaia adarka yama apia.

Apastil Nani Sturka 4:30

Man mihtam karnika ni siknis nani rakbia, bara sain aihka nani sin daukbia, man Luhpiam holikira Jisas nina ra.”

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.