Apastil Nani Sturka 4:17 - DAWAN BÎLA AISKA

¹⁷ Ban sakuna, naha diara na upla nani tilara kau bukaia apia ba mata, kaisa witin nani ra yawan bui sirang iki bara wip, naiwa wina kli Jisas nina mâki upla nani ra aisabia apia.

Apastil Nani Sturka 4:17 ပူးပေါင်းရင်းမြစ်များ

Jirimaya 38:4

Bara wihta tara nani ba wih king ra win: —Naha waitnika na ikaia sa, witin aisi ba mita suldiar nani tawan ra nâra ba lukanka, upla nani sut lukanka ba swapni daukisa. Waitnika na upla nani tâ baikaia daukras, sakuna saura munaia baman aisisa.

Emus 2:12

“Sakuna man nani lika Nasariu nani ra wain taibi muni yabram din, bara prapit nani ra sin wiram, yang nini ba dahra aisabia apia.

Matiu 27:64

Baha mita adar yas raitika ba pain aihwaki bri kabia yu yumhpa ba kat, bara baku mika ai disaipilka nani ba sip bal witin wîna tara ba impliki, upla nani ra ban kra naku wibiara: “Witin pruan wina kli buan sa.” Baku takbia kaka lika, tâura kuninka aisin ba naha kuninka wal, naha lâs na kau saura kabia.

Matiu 9:30

Bara ai nakra kli diara kaikan. Jisas mita karna smalki, naku wisata: —Man nani naha na upla kumi ra sin wipara.

Jan 15:21

Naha diara sut yang tâiwan man nani ra mai munan kabia, kan naha tasba wina uplika nani mita, witinka yang ai blikan ba kakaira apia sa.

Apastil Nani Sturka 4:21

Bara aidrubanka wihtka nani ba mita karna pali smalki mahka pri swin, witin nani mita nahki pât dingkaia sapa tânka sip sakras kan bamna, kan upla nani sut Gâd ra mayuni kata diara takan ba dukiara.

Apastil Nani Sturka 5:24

Bara prîs tara nani, tempel main kakaira wihtka ba sin naha diara walan ba ra, witin nani aisi kan: —¿Dîa pali apastil nani ra takan ni?

Apastil Nani Sturka 5:28

—Yang nani bui man nani ra adar maikri, baha waitnika nina mâki kli smalkaia apia, ban sakuna, kaiks dîa daukisma ba. Man nani smalkankam ni Jerusalem aiska banhkram sa, bara sin trai kaikisma baha waitna pruan ba dukiara yang nani na pâtkira ai daukaia.

Epesus 6:9

Bara man nani, alba dawanka nani sma ba, trai kaiks baha sim natka ra albikam nani ba yarka warkkam dauki kaia, taiban lâka âpu kira. Kupiam krauki bas, man nani wih alba nani wal Dawankam kasbrika purara ba mihta ra sma, bara witin lika upla kumi ba upla wala wal aihka baku kulkras sa.

1 Tesalonaika 1:8

Dawan sturka yamni ba, baku man nani mita smalki laihura blikram; bara Macedonia ra bara Acaya ra baman apia, kuna kasak lukankam lâka Gâd ra brisma sturka ba plis sut ra kaikisa. Baku bamna, yang nani diara kumi sin aisaia want apia sna.

1 Pita 2:23

Witin ra lahtubi kan ba ra, pana lahtuban kumi sin aisaras kata; pât nani yaban wahwi kan ba ra, pana witin mita saura munaia wiras kata, sakuna ai tânka nani ba Gâd mihta ra mangki kan, witinka kasakka lâka kat lâ dauki ba.