Apastil Nani Sturka 3:6 - DAWAN BÎLA AISKA

⁶ Sakuna Pita bila: —Yang silbar bara gul kumi sin maikaia âpu sna; ban sakuna dîa brisna ba, baha lika sip kamna maikaia: ¡Jisas Kraist Nasaret wina ba nina mâki mai wisna, man mahka bûi, waps!

Apastil Nani Sturka 3:6 ပူးပေါင်းရင်းမြစ်များ

Matiu 10:9

“Gul, silbar bara bras sin brih wapara,

Matiu 7:22

Baha yua balbia ba ra, upla ailal ai wibia: ‘Dawan, Dawan, yang nani lika man ninam mâki sturi yamni aisi banhri, ninam mâki pirit saura nani kangbi sakri, bara ninam mâki sin sain tara ailal dauki banhri.’

Mark 14:8

Naha mairka dîa daukaia sip kan ba kat daukan; kau wina, wîni tara na batana kîa ni yukan, tasba ra ai bikaia dukiara.

Mark 16:17

Bara kasak luki nani ra naha sainka nani ai yula kahbia: yang nini mâki pirit saura nani kangbi sâkbia; bîla raya nani sin aisabia;

Jan 19:19

Bamna Pailat mita wauhtaya kum ulbi, Jisas dusa prihni purara mangkan, bahara naku ulban kata: “Jisas Nasaret wina, Ju nani Kingka ba.”

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 16:18

Yu ailal baku dauki kan. Ban piua kum kat Pal kupia sauhkan, bara tawi baha piritka saura tukta mairin ra kan ba ra win: —Jisas Kraist nina ra yang mai wisna, witin ba wina taks. Bara baha minitka ra pirit saura witin ba swin.

Apastil Nani Sturka 2:22

“Israel luhpia nani, pliskam naha na pain wals, dîa pali dukiara aisi kamna ba: Baha Jisas Nasaret wina kan ba Gâd mita witin ba waitna painkira kulkan kata, man nani mamwan kat witin mita diara aihka tara nani, sain nani sin daukan. Bara baha tânka ba pain kaikram.

Apastil Nani Sturka 2:36

“Israel nisanka ba sut naha diara na dukiara pain ai dara walaia sa: Baha sim Jisaska man nani dus ra sabi ikram ba, Gâd mita witin ba Dawan bara Misaya sin mangkan sa.”

Apastil Nani Sturka 3:16

Naha sim Jisaska nina ra kasak luki ba mita sika naha waitna wapaia karnika brin, naiwa man nani sut kaikisma na, Jisas nina ra kasak lukan lâka ba mita sika. Baha kasak lukan mita sika aiska pali rawan na, baku man nani sut kaikaia sip sma.

Apastil Nani Sturka 3:5

Bara waitna ba witin nani kat tawi kaikan, ai kupia ra lukan witin ra diara yabia.

Apastil Nani Sturka 3:7

Bara Pita mita mihta aihkika kat alki tâ baiki bukan, bara baha pali piua ra ai mina nani, ai lukutbaika nani sin pain takan.

Apastil Nani Sturka 4:10

Bamna man nani mamwanra param aisisna, Israel luhpia nani sut tânka na pain bribia, naha waitnika aiska rawan man nani mamwanra bûi na lika Jisas Kraist Nasaret wina ba nina karnika ra, witinka ra sika man nani dus ra sabi ikatma ba, sakuna Gâd bui witin ba pruan wina kli bukan.

Apastil Nani Sturka 4:7

Bamna Pita Jan wal bri bal witin nani ai mawan kat yan buan, bara makabi walan: —¿Man nani dîa pali karnika ni, ya nina sin bri mâki naha diara nani na daukisma ki?

Apastil Nani Sturka 9:34

Bara Pita bila: —Eneas, Jisas Kraist mai rakuya. Bûi muni, krikrikam ba pain dauks. Baha pali piua ra Eneas mahka buan.

1 Korint 4:11

Naiwa yua pali kat plun wahwi banhwisna, din wan daukisa, bara kwala sin âpu banhwisna, upla nani rau wan sauhkisa, yang nani waitla pali âpu,

2 Korint 6:10

Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.

2 Korint 8:12

Bamna upla kumi wilin pali diara yan daukisa kaka, Gâd mita baha prisantka bri ba pain bribia. Gâd bui upla dîa briras ba makabras.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

1 Pita 4:10

Kumi bani Gâd mita ai sinska yaban praiska kat ai uplika nani dukia dauki kaia sa, Gâd yamnika sât sât ba bisniska dadaukra painkira nani baku.