Apastil Nani Sturka 3:13 - DAWAN BÎLA AISKA

¹³ Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.

Apastil Nani Sturka 3:13 ပူးပေါင်းရင်းမြစ်များ

Impakan Sturka 3:13

Sakuna Moses kli pana aisi, win: —Trabilka ba sika, Israel luhpia nani ra yang wamna bara wimna: ‘Man nani damikam nani wan kanra lui wan ba Gâdka ba mita ai blikan wimna piua ra’, witin nani bui yang ra makabi walbia: ‘¿Witin nina ba dîa?’ ¿Bara yang bui witin nani ra dîa wimna?

Impakan Sturka 3:15

Baha purkara, Gâd sin Moses ra win: —Israel luhpia nani ra wis: ‘Dawan ba man nani damikam nani sut Gâdka ba, Ebraham, Aisak bara Jekob Gâdka ba mita ai blikan sa man nani ra.’ Naha sika yang nini ban kaia ra ba. Naha nina ba wal upla kiamka nani taki ba tilara yang ra luki kabia.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 20:19

Ju apia nani mihta ra mangkbia witin swira daukaia mata, prukbia bara dus prihni ra sabia; sakuna yu yumhpa ra, pruan wina kli bukan kabia.

Matiu 22:32

‘Yang sika Ebraham, Aisak bara Jekob Gâdka.’ ¡Bara Gâd ba pruan nani Gâdka apia sa, sakuna raya nani Gâdka sa!

Matiu 27:2

Bamna witin nani bui Jisas ba priski Pailat ra brih wan, witin Rom wihta tara ba.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Mark 15:11

Sakuna prîs wihtka nani mita upla nani ra kupia turbi, maisa kapi, win, Barabas ba pri sakaia makabaia.

Luk 22:57

Sakuna Pita apia wisi, naku win: —Mairin, witin ba yang kaikras.

Luk 23:4

Bamna Pailat prîs tara nani ra bara upla sut ra sin win: —Yang naha waitnika na ra pât kumi sin sakras pali.

Luk 6:37

“Upla wala lâka aisi daukpara, baku mika Gâd bui man nani lâmka aisi daukbia apia. Upla wala pât ra dingkpara, baku mika Gâd bui man nani pât ra mai dingkbia apia. Upla nani pâtka swih tiks, baku mika Gâd bui man nani pâtkam swih tikbia.

Jan 12:16

Tâ pali ra, disaipil nani naha diara nani tânka briras kan, sakuna Jisas pruan ba mita lika tânka brin, naha sut ba witin ra takaia kan ba, bara sin witin dukiara dîa ulban ba baku kat sin takan sa.

Jan 18:40

Bamna baha nani sut ai bîla baikra tara ni naku winan: —¡Jisas lika apia! ¡Sakuna Barabas lika lanhks! Naha Barabas na lika waitna kum âimplikra kata.

Jan 19:11

Bamna Jisas pana win: —Man lika yang purira karnika kumi sin âpu kaia kapram, Gâd mita maikras kata kaka. Sakuna ya mita man mihtam ra ai mangkan ba sika, saurka kau tara brisa man ba wal.

Jan 19:12

Baha piua ba wina, Pailat ba trai kaikan Jisas ba pri sakaia. Sakuna Ju nani ai pura karna wini kan: —¡Man baha waitnika pri sâkma kaka, Rom kingka wal uplikam apia sma! ¡Kan ani uplika yakan king taki ba lika, Rom kingka mapara sa!

Jan 19:15

Sakuna Ju nani ai pura wini, naku win: —¡Witin ba prubia! ¡Witin ba prubia! ¡Dus prihni ra sas! Pailat bila: —¿Man nani want sma ki, kingkam ba dus prihni ra sabamna? Sakuna prîs tara nani pana win: —¡Yang nani king wala briras, Rom kingka baman!

Jan 7:39

Naha tânka na wal, Jisas wiaia want kan, ya witin ra kasak lukbia ba Spirit ba bribia. Baha piua ra Spirit ba kau balras kan, Jisas kau ai prana daukras kan bamna.

Apastil Nani Sturka 22:14

Bara witin ai win: ‘Wan damika nani Gâdka ba mita kan piua wina man ba bâk saki mai brin ai kupia lâka tânka kaikaia, bara sin kaikma baha kasakkira ba, ai bîla pali wina sin diara walaia.

Apastil Nani Sturka 24:14

Sakuna diara kasak ba latan mai wisna: yang damiki nani Gâdka dukia daukisna Yabal Raya natka bâk, witin nani mita baha yabalka aihka baku kulki ba. Bamna kasak lukisna dîa dîa Moses lâka ra ulban ba, bara prapit nani ulbanka ba sin.

Apastil Nani Sturka 3:12

Pita naha diara kaikan, bara upla nani ra naku win: “Israel luhpia nani, ¿dîa kan tâ iwan taki, yang nani kat ai kaiki banhwisma? ¿Man nani lukisma naha waitnika witin nanara wapi tauki na, yang nani karniki ni, apia kaka dîa yang nani yamni daukri ba tâka mita rakri?

Apastil Nani Sturka 3:26

Bamna Gâd ai Luhpia Jisas pruan wina kli bukan ba ra, witin ba man nani ra pas blikan man nani ra yamni mai munaia, man nani kumi bani saurkam nani ba swiaia bara kupiam lakaia.”

Apastil Nani Sturka 4:27

“Kasak, naha tawanka ra sika, Herod bara Pontius Pailat wal bara Ju apia nani ba sin, bara Israel luhpia nani aikuki asla aidruban, man nampakan holikira Jisas ba mapara, witin ba man mita Kraist mangkram ba.

Apastil Nani Sturka 4:30

Man mihtam karnika ni siknis nani rakbia, bara sain aihka nani sin daukbia, man Luhpiam holikira Jisas nina ra.”

Apastil Nani Sturka 7:32

‘Yang ra sika man damikam nani Gâdkam ba, Ebraham, Aisak, Jekob Gâdka sin.’ Bara Moses lika sibrin mita tatatwi kan, sip sin tawi kaikras kan.

Roman 9:5

Ju nani sut ba lika pas wan damika nani kata ba kiamka nani sa; bara ai kiamka bâk, wan wîna lâka ba kat Kraist balan, witinka diara sut Gâdka ba, bamna mayunan kabia ban kaia ra. Baku kabia.

Hibru Nani 2:9

Sakuna yawan Jisas ba kaikisa, witinka Gâd mita piu wiria insal nani wina kau mâyara mangkan kan ba. Gâd ai latwanka mita want kan, Jisas ba upla sut dukiara prubia; bara nanara witin prura pâtka wahwan ba mita, prana kraunka ba bara pain kulkan lâka kraunka ba sin witin ra yaban sa.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;