Apastil Nani Sturka 3:10 - DAWAN BÎLA AISKA

¹⁰ Baha diara aihka takan ba dukiara upla nani sut tâ iwan pali takan, aihka sin lukata, kan witin nani mita waitnika na kasak kakaira pali kan bamna; witin sika tempel durka Painkira wi ba lamara iwi hilp makabi kan ba.

Apastil Nani Sturka 3:10 ပူးပေါင်းရင်းမြစ်များ

Matiu 14:35

Baha tasbaya uplika nani ba pat kaikan baha ba Jisas, bara tasbaya ba aiska ra sturka ba aisan, bara sikniskira nani ba sut witin bâra kan ba kat brih balan.

Luk 4:36

Upla sut tâ iwan, bara pana pana tawi, aisi kan: —¿Naha dîa bîla atia? Naha waitna adar brisa bara karnika sin brisa pirit saura nani ra aisabia ba ra, upla nani wina takaia.

Luk 9:43

Bara upla sut tâ iwan Gâd karnika ba dukiara. Jisas diara dauki kan ba dukiara upla sut tâ iwan taki kan, witin ai disaipilka nani ra win:

Jan 5:20

Aisa ba ai Luhpia ra latwan kaikisa bamna, dîa witin dauki ba sut marikisa. Bamna witin ra kau diara tara sin marikbia, bara baku mika tâ iwan pali taki banhma.

Jan 9:3

Jisas pana win: —Witin ai saurka ba mita apia bara ai aisika nani saurka ba mita sin apia; sakuna Gâd karnika witin bâk marikan kaia ba mata sa.

Jan 9:8

Bamna ai watla tnaya ra iwi nani ba, witin diara makabi kan kaikan uplika nani ba sin, naku win: —¿Naha waitnika apia, iwi upla ra diara makabi kata ba?

Apastil Nani Sturka 2:12

Witin nani sut tâ iwan, dîa lukaia sapa sin kaikras kan, bara pana pana ai walka ra tawi naku aisi banhwi kan: —¿Naha na dîa tânka sa ki?

Apastil Nani Sturka 2:7

Witin nani tâ iwi, aihka sin lukan, bara pana pana ai walka ra tawi aisin: —Naha uplika nani aisi na, ¿sut ba Galili wina apia?

Apastil Nani Sturka 3:2

Yu bani tempel durka Painkira wi ba lamara, waitna kumi aisubi takan wina skahwa kan ba, bri sal iki swin kan, upla nani dimi auya nani ra lalah hilpka makabia dukiara.