Apastil Nani Sturka 28:9 - DAWAN BÎLA AISKA

⁹ Naha takan ba ra, baha kî dakura ra sikniskira wala nani ba sin balan, bara sut ra sin rakan.

Apastil Nani Sturka 28:9 ပူးပေါင်းရင်းမြစ်များ

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

Apastil Nani Sturka 13:6

Baha kî dakura aiska ba impaki, witin nani ban Pafos ra balan. Bahara Ju waitna kum wal prawan ai nina Bar-Jisas, witin sukia warkka dauki kan. Witin lika kunin aisi win, dîa witin aisi ba lika Gâd wina sa.

Apastil Nani Sturka 28:10

Prisant manis aiki banhwan, bara yang nani kli duri tara ra aimaki banhri ba ra, witin nani mita dîa dîa yang nani impakanki dukia want kapri ba sut aikan.

Apastil Nani Sturka 28:8

Publio aisika lika krikri ra prawi kan, rih bara biara wîna tala plapi sikniska bri kan bamna. Pal bui kaikaia wan, ai pura sunan, ai mihta nani kahban, bara rakan.

Apastil Nani Sturka 5:12

Apastil nani ba mita sain nani bara diara aihka nani uya sin upla nani tilara dauki kan, bara lalukra nani ba sut asla takan Salaman durka wi ba lamara.

Apastil Nani Sturka 5:15

Witin nani mita siknis uplika nani ba yabal nani ra sakan, krikri nani ra bara aitnikaia dukia nani ra sin tniki swin kan, Pita kra bâk lubia ba ra ai distika ba mita kumi ra pan madiskbia dukiara.