Apastil Nani Sturka 27:23 - DAWAN BÎLA AISKA

²³ Naha tihmia luan ra, Gâd ra yang bui witin ra mayuni dukia daukri ba mita insal kum yang ra blikan.

Apastil Nani Sturka 27:23 ပူးပေါင်းရင်းမြစ်များ

Lawana Nani 116:16

¡Man Dawan, yang na man albikam sni! ¡Yang lika man nampakan mairin luhpia waitna sni! Man kiwa nani ai wilkan ba wina ai lanhki ai sakram.

Lawana Nani 135:4

Dawan Jekob ba bâk saki brin, Israel ba, ai dukia kukan kabia wisi.

Lawana Nani 143:12

Kan man kasakkira sma, ¡waihli nani ba sauhki tiks! ¡Waihli nani ba sut âpu dauks, kan yang na man nampakan sna bamna!

Impakan Sturka 19:5

Bahamna man nani diara sut ra yang lâika bîla nani kat wali daukaia mai wîri ba daukma kaka, man nani ba upla wala nani sut tila wina aihka mai saki, yang upliki nani pali mai brimni, tasba aiska ba yang duki sa bamna.

Yamni Kulki Lawana 2:16

Laitwankira waitna ba, yang duki sa bara yang sin witin ai dukia sna. Tangni painkira paura nani tilara, witin ai sîpka daknika ba dakakisa.

Yamni Kulki Lawana 6:3

Yang lika, laitwankira waitna ba dukia sna, bara witin sin yang duki sa. Witin tangni nani ba tilara, ai sîpka daknika nani dakakisa.

Aiseya 44:21

“Naha diara nani dukiara kupiam krauks, Israel man, Jekob tawanka, kan man ba, yang duki dadaukra sma; yang mai daukri, man ba yang duki dadaukra sma; Israel, yang ra âmya ai tikpara.

Aiseya 44:5

Bara tila wina kum wibia: ‘Yang sika Dawan uplika sna’; wala wibia: ‘Yang nani Jekob kiamka sna’, bara wala nani ba ai mihta ra ulbia: ‘Yang Dawan prapatika sna’, bara wala nani ba ai nina Israel mâkbia.”

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Jirimaya 32:38

Witin nani ba yang upliki nani kabia, yang sin witin nani ai Gâdka kamna.

Isikiel 36:38

Baha tawanka sauhki tikan kan nani ba upla ailal pali aibanhbia, sîp ailalkira yua tara ra sakripais daukaia Jerusalem ra brih wi ba baku kabia. Baku mika, ai dara wali banhbia yang sika Dawan sna ba.’ ”

Daniel 3:17

Yang nani Gâdki, witin ra mayuni banhwisna ba sip sa baha kubuska pauta klauhan tara ba wina, bara dîa saura wala kra sin, man king tara, ai munaia lukma ba wina swaki ai saki banhwaia.

Daniel 3:26

Nabucodonosor naha aisi si kubus untika ba lamara wih bara winan: —¡Sadrac, Mesac bara Abed-negó, Gâd Laih Purara ba albika nani, taki nahara bal! Wahma yumhpa ba pauta klauhan ba wina bal takan,

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Daniel 6:16

Bamna king bui win, Daniel ba bri sal layan nani watla ra lulkan kabia. Sakuna kau layan nani watla ra lulkras kan ba ra, king bui Daniel ra win: —¡Gâdkam, man witinka dukia kasakka tânka ra daukisma ba mita, swaki mai sâkbia!

Daniel 6:20

Bara layan nani watla ba lamara auya kan ba ra, king ba sarikira wal ai bîla saki Daniel ra wini, win: —Daniel, Gâd rayakira dukia dadaukra sma ba, ¿baha Gâdka kasak tânka ra dukia daukisma ba, layan nani wina swaki mai sakan sa ki?

Daniel 6:22

Yang Gâdki bui ai insalka blikan, bara layan nani bîla ba prakan yang ra dîa kra ai munbia sîa, kan Gâd kaikisa yang na pâtkas sna, bara sin, king, man mampara sin saura kumi sin daukras sna.

Malaquía 3:17

Karnika sut bri Dawanka ba aisisa: “Piua kum mangkaia yang ridi takisna, baha yua ra upliki nani ba kli yang upliki nani takbia. Luhpia ai aisa warkka dauki ba ra, aisika kaiki kupia swapni taki ba baku, yang sin witin nani ai dukiara baku kupi swapni takbia.

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Apastil Nani Sturka 16:17

Naha tuktan mairin na mahka Pal bara yang nani ninira wapi wini, ban aisi, win: —¡Naha waitna nani na lika Gâd Laih Purara iwi ba dukia dadaukra nani sa, man nani ra sin maisam pakisa swaki sakan yabalka ba dukiara!

Apastil Nani Sturka 18:9

Bamna Dawan mita Pal ra tihmia ra diara aihka kaikan bâk naku win: “Man si bripara; kau aisi smalki bas, bîlam prakpara.

Apastil Nani Sturka 23:11

Tihmia wala ra, Dawan mita Pal ra bal win: “Pal, kupiam karna bri bas; Jerusalem ra, yang witniski aisaram ba baku, man Rom ra sin aisama.”

Apastil Nani Sturka 5:19

Sakuna tihmia ra, Dawan insalka kum mita bal silak watla durka ba kwâki, apastil nani ba latara saki, naku win:

Apastil Nani Sturka 8:26

Naha ningkara, Dawan insalka kumi Pilip ra win: “Man bus bara waupasa tani ra was, baha yabalka Jerusalem wina Gaza ra iwi auya bâk.” Naha yabalka na lika upla iwras tasbaya ra sa.

Roman 1:1

Yang Pal, Jisas Kraist dukia dadaukra sna, Gâd ai paiwan witin ai apastil kaia bara Gâd bui witin swaki wan saki sturka ba upla nani ra smalkaia.

Roman 1:9

Bamna Gâd, yang kupi aiska ni witin warkka daukisna bara ai Luhpia sturka yamni sin aisisna ba, witin ba witnis sa nahki puri sunra bani ra man nani ra lukisna ba,

Roman 6:22

Kuna nanara lika, saurka lâka nani ba wina pri takram, bara Gâd napakanka ni takram sa. Naha lika diara pain mai brih aula, kan Gâd tani ra rayaka kumi holi lâka kaia ba maikisa, bara tnata ra raya ban kaia lâka ba mata mai brih auya.

1 Korint 6:20

Gâd mita mana kum ni mai atkan sa. Baha mita man nani, wînam ra Gâd ra pain kulkaia sma.

Kli Smalkanka 32:9

Jekob uplika nani ba Dawan dukia nani sa.

2 Timoti 1:3

Yang puri sunisna piua nani ra mai lukisna ba ra, tihmia bara kakna ra yang bui Gâd ra tingki wisna, witinka ra kupi lukra klin ni ai warkka daukisna ba, almukki nani ai warkka daukan ba baku.

2 Timoti 2:24

Dawan napakanka kum lika unsabaia apia sa. Witin lika upla sut aikuki pain kaia sa. Witin ba upla smalkaia mapa ra pain kaia sa; bîla kaikanka bri kaia sa,

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

Taitus 1:1

Yang Pal, Gâd dukia dadaukra, Jisas Kraist apastilka sna, ba mita naha bîla ulbisna. Yang na witin mita ai blikan sa, Gâd mita bâk saki brin uplika nani kasak lukanka lâka ba hilp munaia; bara witin nani ba sin, Gâd ra luki kaia tânka kasak ba kakaira taki banhbia dukiara,

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”