Apastil Nani Sturka 27:20 - DAWAN BÎLA AISKA

²⁰ Yu ailal ban sip wan yu lapta bara slilma nani sin sip kaiki banhras katna. Bara pâsa uya karna wan pruki kan ba mita, yang nani sut swakwamna apia luki banhri.

Apastil Nani Sturka 27:20 ပူးပေါင်းရင်းမြစ်များ

Lawana Nani 105:28

Gâd bui tihmia tara kum blikan baha ni bikan kan, sakuna Idsip uplika nani ba lika ai bîla wali daukras kata.

Aiseya 57:10

Yabalkam ailal pali ba tilara taukram swapram pali, sakuna bahki lâka baman baha tânka briras. Man mihtam ra karnikam alki brisatma lukram, baha mita swapras kapram.

Jirimaya 2:25

“¡Israel, sûs dingkras plapi minam insauhkpara, yabrika lî diras kârmam lâwbiara! Sakuna man wiram: ‘Apia, sip apia baku daukaia; tringsar nani ba latwan sna bara yang lika witin nani wal wamna.’

Isikiel 37:11

Bamna Dawan bui ai win: “Israel luhpia nani ba baha dusa pruan ailal ba baku sa. Aisi taukisa: ‘Wisa yawan wan dusa nani ba lâwan sa; bîla kaikanka kum sin âpu, yawan na tiwan sa.’

Jona 1:4

Sakuna Dawan pâsa karna pali kum blikan, kabu ra pâsa saura pali buan duri ba kriki tikaia praiska kat.

Matiu 24:29

“Baha pât wahwan yua nani lubia wal baku, yu lapta ba tihmu takbia, kati ba ai ingnika yabia apia, slilma nani ba kasbrika purara ba wina kauhbia, kasbrika ba purara karnika nani sin nikban kabia.

Apastil Nani Sturka 27:19

Yu yumhpa kat duri tara bilara diara nani bâra kan ba, yang nani mita mihti pali ni saki kabu ra lulki banhri.

Apastil Nani Sturka 27:21

Yang nani yu ailal plun piras pali kapri bamna, Pal baha nani lilapas kat bûi, naku win: —Upliki nani, man nani bui yang bîli wali banhram kata, yawan Creta wina takaia apia kan, bara naha pâtka na sin wan alkaia apia kan, bara wan dukia nani sin lulkaia apia.

2 Korint 11:25

Rom nani mita aima yumhpa ai wipan, bara aima kum walpa ni ai saban, aima yumhpa ba duri tara ba rungwan, yang impaki katna, bara yu kum kwapi pruna kan, kakna kum bara tihmia kum kabu lalma ra katna.

Epesus 2:12

Baha piua man nani ba Kraist luha katma, Israel nisanka wina laihura kapram, bara Gâd bui Israel nisanka wal lâ nani bara pramis daukan ba sin kakaira apia katma. Naha tasba ra diara kumi sin kainamra bîla kaikras, Gâd sin luha iwi nani katma.

1 Tesalonaika 4:13

Muihki nani, yang nani want sna man nani kaiki kama pruan uplika nani ra dîa taki ba, baku man nani sari bri banhma apia, sim upla wala nani ai kanra diara bîla kaikanka âpu nani ba baku.