Apastil Nani Sturka 27:1 - DAWAN BÎLA AISKA

¹ Italia ra wan blikaia wilin taki banhwan ba ra, Pal bara silak uplika wala nani sut ba kiaptin Julio mihta ra mangkan. Suldiarka nani nina ba mâki kan Rom ra king tara ba daknika.

Apastil Nani Sturka 27:1 ပူးပေါင်းရင်းမြစ်များ

Blasi Sturka 50:20

Man nani bui yang ra saura ai munaia luki daukram, sakuna Gâd lika man nani lukankam saura ba wina diara yamni ra lakan ba naiwa man nani kaikisma. Yang na upla ailal rayaka ba swaki sakaia ai mangkan.

Lawana Nani 33:11

sakuna Dawan diara daukaia lâka nani daukan ba, kauhras ban bâra sa.

Lawana Nani 76:10

Bara upla kupia baiwanka nani baman mayunra ra lakisma; witin nani ai waihla pali nani ba sin kraunkam takisa.

Sins Lâka 19:21

Upla kupia ra diara daukaia lukanka nani manis bâra sa; sakuna lâ tânka, Dawan lukan ba kat lukras sa kaka ban kabia.

Inanka Nani 3:27

Kanra yamni sa, upla kau almuk takras ba wina bawaia lâka briaia.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Luk 23:47

Rom kiaptinka baha kaikan, Gâd ra mayuni, win: —Kasak pali naha waitnika na pâtkas pali kata.

Luk 7:2

Bahara Rom kiaptin wihtka kum iwi kan, witin ai albika latwan pali kaiki kan ba siknis alkan, bara pruaia man kata.

Apastil Nani Sturka 10:1

Sesaria tawanka ra waitna kumi bâra kan nina ba Cornelio, witin lika Rom suldiar daknika kiaptinka kata, nina Italia wina ba.

Apastil Nani Sturka 10:22

Witin nani bila: —Kiaptin Cornelio mita ai blikan. Witin waitna kasakkira, Gâd ra sin sibrin lukisa, Ju nani sut mita sin witin ra latwan kaikisa. Bamna Dawan insalka kumi mita witin ra win, man mai paiwbia ai watla ra wama, bara dîa dîa aisama ba witin walbia.

Apastil Nani Sturka 16:10

Pal naha diara aihka kaikan ba ra, yang nani mahka ridi taki banhri Macedonia ra waia. Bamna lukri baha ba kasak pali Dawan mita paiwi kan, Macedonia ra wih Dawan sturka yamni ba yang nani smalkaia.

Apastil Nani Sturka 18:2

Bahara witin Ju waitna kum wal prawan, ai nina Áquila kata; witin ba Ponto tasbaya ra aisubi takan. Áquila lika ai maya wal bisi pali Italia kuntrika wina balan kata, kan king Claudio mita Ju nani sut Rom tawanka wina kangbi sakan kan bamna, witin nani sin baha wina takan. Bara Pal wan witin nani ba kaikaia.

Apastil Nani Sturka 19:21

Naha diara nani ningkara, Pal brin daukan Macedonia bara Acaya ba wih kaikaia, bara baha wina ban Jerusalem ra waia. Witin sin aisi kan, Jerusalem ra wabia ningkara, Rom ra sin waia.

Apastil Nani Sturka 21:32

Kamandanti ba ai suldiar nani ba bara suldiar nani bara kiaptin nani ba sin asla kuki brih, upla nani bâra kan ba kat plapi wan. Witin nani kamandanti bara suldiar daknika ba kaikan ba ra, Pal ra pruki kan ba, mahka swin.

Apastil Nani Sturka 22:26

Kiaptin ba naha walan ba ra, kamandanti ra wih win: —¿Dîa daukaisma ba man damra walisma ki? Aman kaiks, naha waitnika na lika Rom suliarka waitnika kum sa bamna.

Apastil Nani Sturka 23:11

Tihmia wala ra, Dawan mita Pal ra bal win: “Pal, kupiam karna bri bas; Jerusalem ra, yang witniski aisaram ba baku, man Rom ra sin aisama.”

Apastil Nani Sturka 23:17

Bamna Pal mita kiaptin kum winan witin ra balan, bara win: —Naha tukta waitna wahma na kamandanti ra brih was; witin sturi brisa wiaia.

Apastil Nani Sturka 24:23

Bamna Félix ba kiaptin adar yan, Pal ba main kaiki bri kabia, bara pri swibia, ai uplika nani ra sin sans yabia witin wal aisi kaia.

Apastil Nani Sturka 25:12

Festo ai kupia krauki uplika nani wal aisin ba ningkara, witin bila: —Rom kingka mita lâmka daukaia makabram bamna, man bahara waia sma.

Apastil Nani Sturka 25:25

Sakuna yang kaikisna witin pruaia pâtka briaia diara kumi sin daukras sa. Sakuna witin makaban Rom ra king tara ba mita ai lâka ba daukbia, bamna yang wilin takri sa witin na king tara ra blikaia.

Apastil Nani Sturka 27:11

Sakuna suldiar nani kiaptin ba mita Pal bîla kulkras, duri tara dawanka bara duri tara kiaptinka dîa aisin ba bîla ni alkan.

Apastil Nani Sturka 27:43

Sakuna suldiar nani kiaptinka mita lika Pal ba swaki sakaia lukan, bamna baku daukaia adar yaras kan, sakuna win ya ya yawaia sip sa kaka, trai muni mahka dimwi yawbia sauhka ra ulaia,

Apastil Nani Sturka 27:6

Bahara suldiar nani kiaptinka ba duri tara kum wal prawan Alejandría wina mahka Italia ra waia kan. Bamna baha duri tara ra wan mangkan mahka impakaia.

Apastil Nani Sturka 28:1

Pat swakwan kan, bara yang nani walri baha kî dakura nina Malta kata.

Apastil Nani Sturka 28:16

Rom ra yang nani wari ba ra, suldiar kiaptinka mita win Pal lika plis kum ra tnaya ra yakan kabia, suldiar kum wal swin main kaiki kaia.

Hibru Nani 13:24

Tâm bri uplika nani sut ra bara Gâd uplika nani sut ra sin lakula wis. Italia ra wan muihni nani ba mita sin lamkula blikisa.