Apastil Nani Sturka 26:3 - DAWAN BÎLA AISKA

³ Baha sut purkara, man pain pali kaikisma, yang nani Ju nani tilira lâika nani brisna ba, bara blahwanka nani brih banhwisna ba sin. Baha mita mamkabisna kupiam alki takaski bri yang ra ai wali kama.

Apastil Nani Sturka 26:3 ပူးပေါင်းရင်းမြစ်များ

Jirimaya 32:11

Bara wauhkataya ulbanka wahia wâl ba briri, wahia kumi sîl taiban baha atkan ba tânka ulban kan, wala ba sin baha tânka ulban kan sîl taibras,

Apastil Nani Sturka 21:21

Witin nani ra win sa, man mita smalkisma baha Ju nani Ju apia tasbaya ra iwi nani ra, Moses lâka ba kulkaia apia, ai luhpia nani ra sin Aisa sainka daukaia apia, wan lâka nani ba sin nina blikaia apia.

Apastil Nani Sturka 24:10

Bamna wihta tara ba Pal ra sain yan aisaia, bara Pal bila: —Pain pali lukisna, tâinka ba param saki man mamwanra aisaia, kan yang pain kaikisna nahki man naha nisanka purara mani ailal wihta tara aimakisma ba.

Apastil Nani Sturka 24:4

Sakuna piuam uya maikrika tikaia apia ba tâwan, mamkabisna kupiam yamnika ba kat yang nani ra wiria ai wali kama.

Apastil Nani Sturka 25:26

Witin na tânka yang dawanki king tara ra diara ulbaia briras pali sna. Bamna witin na man nani mamwanra, bara kau pali, king Agripa, man mamwanra sin saki brih aulna, ai tânka ba pain makabi walma, bara yang sip kamna dîa pan ulbaia.

Apastil Nani Sturka 26:2

“King Agripa, lilia lukisna naku sip sna man mamwanra tâinka ba param aisaia, dîa dîa Ju nani bui daihra kwahki ba dukiara.

Apastil Nani Sturka 26:26

Bamna king Agripa nâra sa, witin naha tânka nani pain kaikisa. Baha mita sika witin mawanra yang tânkira pali aisisna ba, kan pain daira walisna witin naha diara nani sut kaikisa, kan naha diara nani na yukuwi pali daukan dukia apia sa.

Apastil Nani Sturka 26:7

Israel kiamka 12 ba sut bîla kaikisa naha pramiska na aimakbia, baha mita Gâd ra mayuni, dukia sin daukisa, kakna bara tihmia. Bamna king Agripa, naha sim bîla kaikanka brisna dukiara sika Ju nani daihra kwahki banhwi na.

Apastil Nani Sturka 28:17

Witin balan wina yu yumhpa luan ningkara, Rom ra Ju tâ uplika nani bâra ba sut pali Pal mita paiwan. Witin nani bal asla takan ba ra, Pal bila: —Muihki nani, yang pali mita Ju lâka nani mapara, bara wan damika nani lâka nani ba mapara diara saura kumi sin daukras, ban sakuna Jerusalem ra ai alki silak ra ai mangkan Rom nani mihta ra.

Apastil Nani Sturka 6:14

Yang nani sin walri witin aisi kan, baha Jisas Nasaret wina ba mita naha tempelka na sauhkbia, bara Moses lâ nani wankan ba sin aihka lakbia.

1 Korint 13:2

Gâd aikan bîla dahra nani ba aisaia sip kamna kra, dahra prakan tânka nani ba sut kakaira kamna kra, sins lâka sât sât bri kamna kra, il nani ba ai pliska wina kitbi sakaia kasak lukan lâka aitani kat bri kamna kra, sakuna latwan lâka âpu sna kaka, yang lika bahki sni.

Kli Smalkanka 17:18

“King ba ai pliska ra iwbia piua ra, prîs, Libait nani ra naha lâ smalkanka tâura smalkan main kaiki bri ba wina, blîkka ulbi saki briaia.