Apastil Nani Sturka 26:24 - DAWAN BÎLA AISKA

²⁴ Naha diara nani na wal Pal ai tânka param saki aisin ba ra, Festo ai tâ baiki wini, aisin: —¡Pal, man diara uya stadi munram ba mita lamla grisi takan!

Apastil Nani Sturka 26:24 ပူးပေါင်းရင်းမြစ်များ

2 King Nani 9:11

Naha diara nani ningkara Jehú ba ai kiaptinka wihtka nani ra wan, bara naha nani bui makabi walan: —¿Dîa trabil? ¿Dîa dukiara naha grisi na man ra balan? Bara witin bui pana win: —Man nani ba kakaira sma bara witin ai daukanka ba sin kakaira sma, nahki ai aisinka natka ba tânka brisma.

Jirimaya 29:26

Dawan mita prîs kum kaia mai mangkan sa Joiadá watlika ra, man tempel ra pura kakaira nani ba sut pura kaiki kaia. Bara upla kum tanis taki prapit aisi baku aisi kabia kaka, man mita alki mina ba dus unta klauhbanka ra mangki, silak ni awa daukan ba ni priski swima.

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Mark 3:21

Jisas taika nani naha kaikan, witin ra brih waia balan, kan upla nani aisi kan Jisas ba lal saura takan sa.

Jan 7:15

Bara Ju nani ba tâ iwi, naku aisin: —¿Nahki naha waitna diara tânka manis kaikisa, skul sin dimras ba?

Jan 8:48

Bamna Ju nani Jisas ra win: —Yang nani aisisna ba lika kasak sa: man ba Sameria uplika kum sma bara pirit saura brisma.

Jan 8:52

Bara Ju nani pana win: —Nanara yang nani kasak kaikisna, man lika pirit saura kum brisma. Ebraham bara prapit nani sut pruan, bamna man wisma: ‘Ya yang bîli alki bribia kaka, prubia apia ban kaia ra.’

Apastil Nani Sturka 17:32

Pruan nani kli buaia dukiara aisin walan ba ra, tila nani mita lawaska kikan. Wala nani bila: —Kau pain kabia piua wala ra kli naha aisanka na walaia.

Apastil Nani Sturka 22:1

“Muihni nani bara aisa nani sin, yang tâinka param aisaisna bamna, man nani pliskam pain wals.”

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.

Apastil Nani Sturka 24:27

Baku mani wâl luan, bara Porcio Festo ba Félix watlika ra wihta tara aimakan. Félix ba Ju nani wal pain kaia wisi, Pal ba silak ra ban swin.

Apastil Nani Sturka 26:11

Aima ailal sin witin nani ra klala yâri, ai kasak lukanka ba swibia wisi. Naha dauki kapri Ju nani priaska watla bani ra. Witin nani mapara sin kupi baiki ban nina bliki rausauhki kapri, plis tringsar nani ra sin.

1 Korint 1:23

sakuna yang nani lika Kraist dus prihni ra pruan sturka ba aisi smalkisna. Sturka yamni na, Ju nani mapa ra swira dukia sa, bara Ju apia nani ba lika sins âpu dukia baku kulki banhwisa;

1 Korint 4:10

Kraist tâwan yang nani na sins âpu baku ai kulkan; sakuna man nani lika Kraist tânka nani briaia mapa ra sinskira nani sma lukisma. Yang nani na swapni, sakuna man nani lika karna. Yang nani bahki ai kulki, sakuna man nani ra lika mai kulkisa.

2 Korint 5:13

Bamna yang nani na tanis atia sna kaka, baha lika Gâd dukiara ba mita; bara tanis apia banhwisna kaka, baha lika man nani dukiamra.

2 Timoti 3:15

kan tuktan lupia piua wina man ba Ulbanka holikira nani kakaira sma, bara baha nani mita sins maikaia sip sa, bara Kraist Jisas ra kasak lukan lâka bri mita, baha nani sin swaki mai sakaia sip sa.