Apastil Nani Sturka 26:20 - DAWAN BÎLA AISKA

²⁰ Bamna yang pas Damaskus ra sturi yamni ba smalkri, ningkara Jerusalem ra, Judia tasbaya aiska ra, bara Ju apia nani sut ra sin. Witin nani ra wîri ai saurka ba swi si Dawan ra tawbia, ai kupia lakan warkka tânka ba sin marikbia.

Apastil Nani Sturka 26:20 ပူးပေါင်းရင်းမြစ်များ

Lawana Nani 22:27

Nisan kiamka sât nani sut, upla nani sut tasba aiska ra iwisma ba, man nani bui Dawan ra kupiam krauki bas, man nani lika witin ra bal; ¡ai mawanra lulam kriks!

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Jirimaya 18:11

“Bamna wis, Juda uplika nani ra, Jerusalem ra iwi uplika nani ra sin, yang Dawan, witin nani ra wisna: ‘Yang luki kaikisna witin nani mapara diara daukaia; witin nani ba klala yabaia lukisna. Yabal saura ba witin nani mahka swibia; ai daukanka nani bara ai warkka saura nani ba yamni daukbia.’

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Inanka Nani 3:40

Kaisa wan daukanka nani ba kli laki kaikaia, bara Dawan ra kli tawi waia.

Oseas 12:6

Baku bamna, Israel, Gâdkam ra kli tawi bal; kunin âpu wapni lâka ra diara dauks, bara piu sut Gâdkam ra baman kasak luki bas.

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Matiu 3:2

ai smalkanka ra aisi kan: “¡Man nani kupiam laks, kan Gâd king aimaki lâka ba pat baila sa bamna!”

Matiu 3:8

Man nani daukankam ni mariks nahki saurkam nani wina kasak pali kupiam lakram ba,

Matiu 4:17

Baha piua wina Jisas mahka aisi smalkan, naku aisi: “Man nani saurkam nani wina kupiam laks, Gâd Kingka aimaki ba lâka pat baila sa bamna.”

Matiu 9:13

Man nani was, bara Ulbanka ra naha tânka na lan taks: ‘Yang want sna man nani uplikam ra umpira kaikma, daiwan nani sakripais daukanka ba lika apia.’ Kan yang lika upla kasakkira nani ba paiwaia balras, sakuna saura dadaukra nani lika.

Mark 6:12

Bara witin nani taki wih, upla nani ra smalkan ai saurka wina ai kupia lakaia.

Luk 1:16

Witin mita Israel luhpia nani manis kli ai Dawan Gâdka ra laki bri balbia.

Luk 13:3

Yang mai wisni, apia; man nani sin saurkam nani wina Gâd ra kupiam lakras sma kaka, sut tanis tiwma.

Luk 13:5

Yang mai wisni, apia; man nani saurkam wina Gâd ra kupiam lakras kaka, sim baku tanis tiwma.”

Luk 15:10

Yang mai wisni, baha sim natka ra, Gâd insalka nani ba lilia sa upla saurakira kum ai kupia lakuya ba ra.”

Luk 15:7

Yang mai wisni, baha sim natka ra, kasbrika purara ba ra kau lilia tara bâra sa upla saurakira kumi ai kupia lakuya ba piua, sakuna upla pain 99 ai kupia lakaia âpu kan ba dukiara lika baku apia sa.

Apastil Nani Sturka 11:18

Bara wan muihni nani Jerusalem ra nani ba naha sturka walan ba ra, mapara aisi kata ba sâp takan, Gâd ra ni mayuni, naku win: —Baku sa kaka, Gâd mita Ju apia nani ra sin sans yaban ai kupia lakaia, bara raya ban kaia lâka briaia.

Apastil Nani Sturka 15:19

“Baha mita yang lukanki ba lika naku sa: yawan Ju apia nani ra trabil munaia apia sa, witin nani ai lukanka almuk ba swi si, Dawan nina blikuya kaka aitani sa.

Apastil Nani Sturka 17:30

Gâd lika patitara piua ra upla nani diara tânka kaikras kan ba mapara ai nakra prakan kan. Sakuna naiwa yua ra lika plis bani ra upla nani iwi ba sut ra param wisa, ai saurka nani ba wina ai kupia lakaia sa.

Apastil Nani Sturka 2:38

Bara Pita baha uplika nani ra win: —Man nani daukankam saura nani ba swi si mahka Dawan ra taws, bara kumi bani sin yarka lî ni tahbi mai daukan kabia Jisas Kraist nina ra; baku mika saurkam nani swih tikan kabia, bara Dawan mita Spirit Holikira ba maikbia.

Apastil Nani Sturka 20:21

Ju nani ra bara Ju apia nani sut ra smalki kapri, ai saurka nani ba wina ai kupia lakbia Gâd mawanra, bara kasak lukbia Dawan Jisas ra.

Apastil Nani Sturka 26:17

Yang swaki mai sakamna, Ju nani wina bara Ju apia nani wina sin, nanara baha nani tilara mai blikuna ba.

Apastil Nani Sturka 26:19

“Baku bamna, king Agripa, yang kasbrika purara ba wina diara aihka kaikri ba, bîla wali daukras kaia sip apia kapri.

Apastil Nani Sturka 3:19

Baku bamna, man nani sut daukankam saura nani wina mahka Dawan ra taws, bâra mika saurkam nani sut ba diki sakan kabia. Baku bamna, Dawan bui man nani mai rakaia piua ba blîkbia,

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Apastil Nani Sturka 9:35

Bamna Lida ra bara Sarón ra iwi nani ba bui witin ba kaikan, bara sut ai lukanka almuk nani ba mahka swi si, Dawan nina blikan.

Roman 2:4

Apia kaka, ¿man lika Gâd yamnika manis ba, bara wihka takaski lâka ba sin bahki kulkisma, bara damra sin walras pali sma, Gâd yamnika lâka ba lika kupiam lakaia dukiara sa?

2 Korint 3:16

Sakuna upla kum Dawan ra tawi ba, kwalka ba witin wina âpu takuya.

2 Korint 7:10

Bahamna sarka lâka kum Gâd mita pain kaiki ba tânka kat sa kaka, baha lika kupia lakan ba tânka kum swaki sakan lâka wina aula ba; bara baha mita sari kaia apia sa. Sakuna sarka lâka kum naha tasba wina sa kaka, baha lika prura paskisa.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

Param Marikanka 16:11

bara witin nani kasbrika pura Gâdka mapara diara saura nani aisan, ai latwanka nani bara ai wîna sukwanka tâka ba mita. Sakuna witin nani saura dauki banhwi kan ba swi si ai kupia lakras kan.

Param Marikanka 2:21

Witin ra sans yâri ai kupia lakaia, sakuna swin daukras sa witin ai rugka lâka ba wina.

Param Marikanka 2:5

Baha mita, man pain damra wals ani pali wina kauhram ba, kupiam laks, bara pas piua dauki katma dukia nani ba kli dauks. Kupiam lakras sma kaka, pat pali mampara yang wamna, bara kiandilkam mina ba ai pliska wina sakamna.

Param Marikanka 3:3

Kupiam krauki bas smalkanka briram ba, bara baha nina blîks bara kli tawi Gâd ra bal. Man raya apia kama kaka, âimplikra baku man ra wamna, bîli kaikras kama ba ra.