Apastil Nani Sturka 26:13 - DAWAN BÎLA AISKA

¹³ Sakuna, king Agripa, yabal ra yu 12 aklak kan, ingni kum kaikri kasbrika pura ba wina. Ingnika ba sim yu lapta wal kau karnika bri kan, yang tnaiya kir ingwan, bara baha nani yang wal auya kan ba sut ra sin.

Apastil Nani Sturka 26:13 ပူးပေါင်းရင်းမြစ်များ

Aiseya 24:23

Karnika sut bri Dawanka ba, witin king baku ai warkka daukbia ba ra Saion ilka ba ra, Jerusalem ra. Kati, lapta tihmia takbia bara wihta nani ba Dawan prana ba kaikbia.

Aiseya 30:26

Dawan ba ai uplika klauhanka nani raki, bara klauhanka nani ba kwala ni wilkan kabia. Baku bamna kati ba lapta baku ingni kabia, bara lapta ingnika ba kau aima 7 kau ingni kabia, lapta asla 7 kumi ra ingwi ba ingnika baku kabia.

Matiu 17:2

Bahara Jisas wîna tara ba aihka takan witin nani mawan kat. Ai mawan ba ingni pali kan sim lapta baku, bara ai prâka ba pihni pali sim ingni baku.

Apastil Nani Sturka 22:6

“Sakuna yang yabal ra auna kan, pat Damaskus dimaia man kapri, yu ba 12 aklak kan. Tisku baku kan, kasbrika pura ba wina ingni tara kum yang ra kir aiska ingwan,

Apastil Nani Sturka 22:9

Baha nani yang wal kan ba ingni kaikan ba ra, sirang iwi banhwan, sakuna yang ra aisi kan ba bîla baikra lika walras kan.

Apastil Nani Sturka 26:12

“Baha lukanka ba wal, Damaskus tawanka ra auna kan, prîs wihtka tara nani wina karnika bara adar aikan ba wal.

Apastil Nani Sturka 26:14

Bamna yang nani sut tasba ra kauhi banhri, bara bîla baikra kum yang ra aisi kan Hibru bîla ra: ‘Saulo, Saulo, ¿dîa kan man rau ai sauhkisma ki? Man minam pata ni silak tatwa ra pruki, wînam ra latwan yabisma.’

Apastil Nani Sturka 9:3

Sakuna witin yabal ra auya kan, pat sin Damaskus lamara balan ba ra, kasbrika purara ba wina ingni kum bal witin ra kir ingwan.

Param Marikanka 1:16

Ai mihta aihkika ra slilma 7 bri kan, bara ai bîla ba sord napa wâl mala ba baku kan. Ai mawan ba lika ingni kan sim wan yu lapta ai karnika aiska ni ingwi ba baku.

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.