Apastil Nani Sturka 26:10 - DAWAN BÎLA AISKA

¹⁰ Prîs wihtka tara nani wina adar brih, yang baku daukri, bara Jerusalem ra kristian nani manis pali silak ra mangkri; iki banhwi kan ba ra sin, baha ba aitani pali lukri.

Apastil Nani Sturka 26:10 ပူးပေါင်းရင်းမြစ်များ

Lawana Nani 16:3

Aidul nani kuntri ra bâra ba, karnika tara brisa, baha nani ra mayuni ai âuyapah taki nani ba baku wisa.

Apastil Nani Sturka 7:58

Bara tawan ba wina saki, walpa ni sabi kan. Bamna witnis nani naha diara daukan ba ai kwalka nani ba waitna wahma kumi nina Saulo, bahara yan main kaikaia.

Apastil Nani Sturka 8:1

Bara Saulo bâra kan, Stiben pruanka ra luki aitani tânka yabi. Bara baha sim yua, Jerusalem ra serts bâra kan ba mapara rausauhkanka tara pali buan. Lalukra nani ban plis plis ra plapan, Judia bara Sameria tasbaya nani ra; sakuna apastil nani lika bâra kan.

Apastil Nani Sturka 8:3

Bara Saulo lika kau ban serts ra rausauhki kan; witin utla bani ra dimi tauki kan, waitna, apia kaka mairin kra sâkbia kaka, raski saki silak ra mangkaia dukiara.

Apastil Nani Sturka 9:21

Baha nani wali kan ba sut aihka luki, naku win: —¿Naha sim waitnika apia, Jerusalem ra Jisas nina mâki ai pura suni nani ra rausauhki kata ba? ¿Bara nahara sin balan apia baha nani alki priski bri si prîs tara nani mihta ra mangkaia?

Apastil Nani Sturka 9:26

Saulo Jerusalem ra wan ba ra, trai kaikan lalukra nani wal asla takaia, sakuna sut mita witin ra sibri kan. Witin nani mita pain lukras kan, Saulo ba kasak Dawan ra tawan sapa.

Apastil Nani Sturka 9:32

Pita aimaki wan muihni nani ba kaikaia. Witin Lida ra sin wan, lalukra nani bahara iwi kan ba kaikaia.

Apastil Nani Sturka 9:41

Pita bui mairka ba mihta ra alki bukan; ningkara lalukra nani bara piarka nani ba sut paiwan balan, witin nani ra marikan Tabitá ba kli rawan sa.

1 Korint 15:9

Kan yang na apastil sut tilara kau mâyara sna, bara apastil ai mâkaia sin aitani apia sni, yang pali sika Gâd sertska rausauhkri ba.

Galesha 1:13

Man nani pain kaikisma, pas piua yang Ju nani lâka nina bliki kapri bara nahki katna ba. Pat kaiki banhwisma, yang bui Gâd sertska ba âpu daukaia wisi, nina bliki rausauhki kapri ba.

Epesus 1:1

Yang Pal, Gâd kupia lâka ba mita Jisas Kraist apastilka kum sna, baha tânka ba lika, naha wauhkataya na ulbisna, Epesus tawanka ra Gâd uplika nani bara Kraist Jisas ra kasak luki nani ra.

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.