Apastil Nani Sturka 24:14 - DAWAN BÎLA AISKA

¹⁴ Sakuna diara kasak ba latan mai wisna: yang damiki nani Gâdka dukia daukisna Yabal Raya natka bâk, witin nani mita baha yabalka aihka baku kulki ba. Bamna kasak lukisna dîa dîa Moses lâka ra ulban ba, bara prapit nani ulbanka ba sin.

Apastil Nani Sturka 24:14 ပူးပေါင်းရင်းမြစ်များ

1 Kronikas 29:18

Dawan, almukki nani Ebraham, Aisak bara Israel Gâdka, naha man uplikam nani ai kupia wilinkira lâka bri ba ban kaia ra bris, bara yarka ai kupia ba man kat wapi kabia.

Lawana Nani 119:46

Bara man lâmka bîla nani ba, king nani mawanra aisamni bara yang swiri brimna apia.

Impakan Sturka 3:15

Baha purkara, Gâd sin Moses ra win: —Israel luhpia nani ra wis: ‘Dawan ba man nani damikam nani sut Gâdka ba, Ebraham, Aisak bara Jekob Gâdka ba mita ai blikan sa man nani ra.’ Naha sika yang nini ban kaia ra ba. Naha nina ba wal upla kiamka nani taki ba tilara yang ra luki kabia.

Emus 8:14

Baha nani, Sameria uplika gâdka bahki nani ra luki tniwi swer taki aisi nani ba, witin nani wisa: ‘Dan gâdka ba kau raya sa’, bara: ‘Beerseba gâdka nani sin kau raya sa’. Baku aisi nani ba sut kauhbia, bara kli sin bubia apia.”

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Matiu 10:32

“Upla kum kra yang daihra upla nani mawanra latan aisabia kaka, yang sin Aisiki kasbrika purara ba mawanra ai dahra latan aisamna.

Matiu 22:40

Naha lâ bîla wâl na ra Moses lâka bara prapit nani smalkanka nani ba asla prawan sa.

Matiu 7:12

“Baku bamna, upla wala nani man nani ra dîa mai daukaia brin mai dauki ba baku, man nani sin dauks; kan baha daukaia sika lâ ra wan aisi ba prapit nani ulbanka ra sin.

Luk 1:70

Patitara piua wina witin baku pramis daukan, ai prapitka holikira nani bâk:

Luk 16:16

“Jan Tatahbra piua kat baman, Moses lâka bara prapit nani smalkanka ba ban kan. Baha wina lika Gâd king aimaki lâka sturka yamni ba smalkan sa, bara upla sut sin dimaia trai kaikisa.

Luk 16:29

Sakuna Ebraham bila: ‘Baha nani ba brisa, dîa Moses ulban lâka nani bara prapit nani ulban ba sin; ¡swis baha nani bîla walbia!’

Luk 24:27

Bamna mahka Ulbanka nani witin ai tânka aisi nani ba saki tânka smalkan, Moses wauhkataya nani wina ban prapit nani ulbanka nani ba kat.

Luk 24:44

Ningkara, witin bila: —Dîa yang ra takan ba tânka sika sut mai wîri, kau man nani wal katna ba ra: Baha ba sut aimakaia kan, yang dukira dîa Moses lâka ra ulban ba, prapit nani Ulbanka ra ba, bara Pura Sunra Lawana nani ra sin.

Jan 1:45

Bamna Pilip lika wan Natanael pliki, bara naku win: —Yang nani waitna kum kaikri, witinka dukiara Moses bara prapit nani mita ulban kan ba. Baha ba lika Jisas Nasaret wina, Josep luhpia ba.

Apastil Nani Sturka 10:43

Bamna patitara piua ba wina, prapit nani sin Jisas tânka naku aisin: ‘Ya ya witin ra luki ba, ai nina karnika ba mita saurka nani sut swih tikan kabia.’

Apastil Nani Sturka 13:15

Bamna Moses lâ ulban wauhkataya, bara prapit nani ulban wauhkataya nani ba aisi kaikan ningkara, prias watla wihtka nani ba mita naku maisa pakaia blikan: —Muihki nani, upla nani ra kupia kraukanka bîla brisma kaka, sip sma nanara aisaia.

Apastil Nani Sturka 15:5

Parisi daknika wina, tila nani kasak luki banhwan nani ba, ai mina ra bûi, naku aisin: —Ju apia nani kasak luki banhwi ba sut, ai wîna ra Aisa sainka ba briaia sa, Moses lâ nani wankan ba sin kulkaia sa.

Apastil Nani Sturka 19:23

Baha piua ra bin tara turban kum takan, sturi yamni dukiara.

Apastil Nani Sturka 19:9

Sakuna tila nani ai kupia karna daukan, kasak sin lukan daukras kan, kau ni upla nani mawanra sturi yamni ba mapara saura ni aisin. Bara Pal baha nani swi si, kristian nani ba Tirano skulka watla ra brih wan; bahara witin yu bani aisi kan.

Apastil Nani Sturka 22:14

Bara witin ai win: ‘Wan damika nani Gâdka ba mita kan piua wina man ba bâk saki mai brin ai kupia lâka tânka kaikaia, bara sin kaikma baha kasakkira ba, ai bîla pali wina sin diara walaia.

Apastil Nani Sturka 24:22

Félix lika kristian lâka tânka ba pain param walan kan, bara witin aidrubanka ba takaskan, sakuna win: —Kamandanti Lisias balbia ba ra, man nani tânkam ba kau walamna.

Apastil Nani Sturka 24:5

Naha waitnika lika uya saura pali kan yang nani sakri, Ju nani sut tasba aiska ra ba kupia turbisa, witin na sin Nasarin nani tâ uplika kumi sa.

Apastil Nani Sturka 25:8

Bamna Pal ai tânka ba dukiara param saki aisin: —Yang diara saura kumi sin daukras, Ju nani lâka mapara, tempel ba mapara sapa, bara Rom kingka mapara sin apia.

Apastil Nani Sturka 26:22

Sakuna Dawan hilpka ba mita, ban nanara kat bapi buisna, bara sip sna upla sut ra Dawan sturka yamni ba wiaia. Moses bara prapit nani mita dîa takbia aisin ba, diara sât wala kumi sin yang aisaras.

Apastil Nani Sturka 26:27

Bamna, king Agripa, ¿man kasak lukisma ki prapit nani aisin ba kasak sa? Yang kaikisna man ba kasak lukisma.

Apastil Nani Sturka 26:4

“Ju nani sut pain kaikisa, yang tasbayi ra bara Jerusalem ra sin nahki iwi kapri ba, tuktan katna piua wina.

Apastil Nani Sturka 26:6

Baha nanara witin nani lâ ra ai bri balan na lika, kainira diara bîla kaikisna ba dukiara baku, Gâd mita wan damika nani ra pramis munan ba, witin pruan nani ba kli bukbia sa.

Apastil Nani Sturka 28:22

Sakuna yang nani lika man wina wirâ walaia want sna, man lukankam tânka ba dîa sapa, kan yang nani sin kaikisna plis ailal ra mampara aisisa, baha lâka raya man brisma ba dukiara.

Apastil Nani Sturka 28:23

Bamna yu kumi mangki yan, bara baha yua ra upla ailal pali balan Pal takaski kan ba watla ra. Titan wina tutni kat baha nani ra aisin Gâd King aimaki Lâka ba dukiara. Bara Pal baku Jisas tânka aisi baha nani ba kupia lakaia muni kan, Moses lâka wina, bara prapit nani Ulbanka ba wina sin.

Apastil Nani Sturka 3:13

Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.

Apastil Nani Sturka 5:30

Wan damika nani Gâdka mita Jisas ba pruan wina kli bukan, witinka ra sika man nani dus prihni kum ra pami ikram ba.

Apastil Nani Sturka 7:32

‘Yang ra sika man damikam nani Gâdkam ba, Ebraham, Aisak, Jekob Gâdka sin.’ Bara Moses lika sibrin mita tatatwi kan, sip sin tawi kaikras kan.

Apastil Nani Sturka 9:2

Bara lâ daukaia karnika wauhkataya nani makaban, witin baha ba wal Damaskus Ju nani priaska watla nani ra wih plikaia, baha nani sturi yamni nina bliki ba sut alki Jerusalem ra bri sal silak ra atia mangkaia, waitna nani sapa, mairin nani sapa.

Roman 1:9

Bamna Gâd, yang kupi aiska ni witin warkka daukisna bara ai Luhpia sturka yamni sin aisisna ba, witin ba witnis sa nahki puri sunra bani ra man nani ra lukisna ba,

Roman 3:21

Sakuna nanara, lâ ba tnaya ra swi si, Gâd bui marikan sa, nahki yawan ra kasakkira nani wan dauki ba, bara naha na lâ wauhkataya nani bara prapit nani ba sin aisi kaiki baha ba kasak marikisa:

1 Korint 11:19

¡Bamna, man nani ba aihka dakwi takaia sma, bara baku mika baha nani kasak kristian nani ba latan kaikan kabia!

Galesha 5:20

aidul nani ra mayunaia, sukia warkka daukaia. Upla ra misbara kaikaia, tar baiwan lâka, bara nina tâwan lawaia nani. Diara bahki dukiara wan kupia baikaia, bara wan kupia lâka baman pliki daukaia, dakwi takaia lâka, bara dakni sât sât paskaia sin.

2 Timoti 1:3

Yang puri sunisna piua nani ra mai lukisna ba ra, tihmia bara kakna ra yang bui Gâd ra tingki wisna, witinka ra kupi lukra klin ni ai warkka daukisna ba, almukki nani ai warkka daukan ba baku.

Taitus 3:10

Upla kum mita serts ra dakwi takan lâka daukisa kaka, witin ba aima kumi, apia kaka aima wâl kupia krauks, bara bîlam walras sa kaka, kangbi sâks;

1 Pita 1:11

Kraist Spiritka mita, patitara piua wina pât wahwaia kan ba prapit nani ra param mariki kan, bara baha ningkara prana balaia kan ba sin; bara witin nani baha uplika ba ya sapa pliki sakaia trai muni kan, bara baha Spiritka witin nani ra iwi kan ba mita piua mariki kan ba, ani sapa sin kaikaia pliki kan.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.