Apastil Nani Sturka 23:6 - DAWAN BÎLA AISKA

⁶ Bamna Pal kaikan, Ju lâka dadaukra wihtka tila nani ba sadiusi nani, bara wala nani ba parisi nani kan. Bara witin ai bîla baikra karna ni wini, aisin: —Muihki nani, yang na parisi sika, kan aisiki ba parisi kan bamna. Bara nahara lâ ra ai bri na lika, pruan nani kli raya bubia bîla kaikisna ba tâwan.

Apastil Nani Sturka 23:6 ပူးပေါင်းရင်းမြစ်များ

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Matiu 22:23

Baha sim yua, sadiusi kum kum Jisas ra kaikaia wan. sadiusi nani wisa pruan nani ba lika kli sip bubia apia; bamna naha tânka na Jisas ra makabi walan:

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Apastil Nani Sturka 22:3

“Yang lika Ju uplika Tarso tawanka, Cilicia kuntrika ra aisubi takri, sakuna naha tawanka Jerusalem ra pâwri. Gamaliel skulka ra sin dimri, wan damika nani lâka ba sin pain pali ai smalkan. Piua bani ra kupi aiska ni Gâd dukia dauki katna, man nani naiwa daukisma ba baku.

Apastil Nani Sturka 22:30

Yu wala, suldiar kiaptinka ba pain kaikaia want kan, dîa dukiara Ju nani mita Pal mapara bûi kan sapa. Bara Pal mihta ra sîn wilkan ba lanhkan, bamna adar yan prîs tara nani ba sut asla aidrubia. Bamna Pal ba sakan baha nani mawanra.

Apastil Nani Sturka 22:5

Prîs wihtka tara bara almuk nani sin witnis sa, witin nani wina wauhkataya nani briri wan muihni Ju uplika Damaskus ra iwi nani ra brih waia. Kristian nani pliki wari, bara alki Jerusalem ra bri sal klala yaia dukiara.

Apastil Nani Sturka 23:1

Pal ba Ju lâka dadaukra wihtka nani ba kaiki, naku win: —Muihki nani, piua bani ban naiwa kat sin, Gâd mapara lukanki na pain brisna.

Apastil Nani Sturka 23:15

Bamna man nani bara Ju lâka dadaukra wihtka nani aikuki kamandanti ra aisas, yauhka Pal ba man nani mamwanra bri balbia, ai lâka ba kau pain pliki kaikaia baku. Bara kaiks, yang nani lika pat ridi kamna Pal ba ikaia, kau man nani mamwanra waras ba ra.

Apastil Nani Sturka 23:20

Bara tukta waitna wahma ba bila: —Ju nani lâ daukan mamkabaia, yauhka man Pal ba Ju wihtka nani mawanra bri waia, kunin baman ai tânka ba kau pain pliki kaikaia baku.

Apastil Nani Sturka 23:7

Naha aisin ba ra, parisi nani bara sadiusi nani aikuki mahka pana pana aisi blahwan, bamna aidrubanka ba dakni wâl takan.

Apastil Nani Sturka 24:15

Bara witin nani na wal baku Gâd wina diara bîla kaikisni; pruan nani ba kli buaia sa, upla pain nani, upla saura nani sin.

Apastil Nani Sturka 24:21

Naha bîla dukiara kaka lika, witin nani tilara katna ba ra yang bîli baikra karna wini naku aisari ba: ‘Naiwa man nani lâ ra ai dingkram na lika, pruan nani kli buaia ba dukiara kasak lukisna ba tâwan sika.’

Apastil Nani Sturka 28:20

Baha dukiara sika man nani mai paiwri aikuki prawi, aisi kaikaia. Yawan Israel luhpia nani naika wan kainara diara briaia bîla kaiki ba dukiara sika, naiwa mihti priskan na.

Pilipai 3:5

Kan yang lika ai baikan wik kum alkri ba ra, Aisa sainka ba ai daukan. Yang na Israel kiamka, Benjamín taika wina; aisubi takri Hibru sna, bara aisiki nani ba Hibru sa. Ju nani lâ bri ba kat yang na parisi katna;

Kolosi 1:5

latwan lâka kum, bîla kaikanka yamni man ra maikaia ridi dauki swin sa kasbrika purara ba baku. Man nani naha bîla kaikanka briram, smalkanka kasak pali ba walram bamna, swak sakan sturka yamni ba.

Hibru Nani 6:19

Yawan wan kainara diara briaia lâka bri ba mita, wan sulka ba ban bapi brisa bara sip sin yaban kitbras, sim grapin ba duri tara bapi bri ba baku. Naha grapinka yawan bri ba lika kasbrika purara tempel dur pamaika kwalka nina mapa wina alki brisa,