Apastil Nani Sturka 23:12 - DAWAN BÎLA AISKA

¹² Yu wala titan, Ju nani asla taki swer taki kira lâ daukan, witin nani plun pibia apia, diara sin dibia apia, Pal ikbia ba kat.

Apastil Nani Sturka 23:12 ပူးပေါင်းရင်းမြစ်များ

Blasi Sturka 37:18

Ban sakuna, witin nani ba laih wina pat kaikan witin aula kan ba, bara kau lamara balras kan taim ai mânka lâ dauki banhwan ikaia wisi.

1 King Nani 19:2

Bara Jezabel bui maisa papakra kum Ilayas ra blikan bara win: “¡Man ba Ilayas sma, yang na Jezabel! Yauhka naha awarka ra yang bui baha Baal prapitka nani ra munram ba baku, man ra mai munras sna kaka, gâd nani ba bui kau saura pali ai munbia.”

2 King Nani 6:31

Bara king ba wini aisin: “¡Gâd bui yang ra klala aikbia naiwa, yang bui Ilaidsa Safat luhpia waitna nana ba dakbras kamna kaka!”

Nihimaya 10:29

ai taya nani aikuki, wihtka nani sut aikuki asla takan, bara swer takan Gâd lâka kat dauki kaia, baha Gâd napakan Moses mita lâ yaban ba, Dawan adarka nani, smalkanka nani ba, lâka nani ba sin alki daukaia.

Ester 2:22

Bara Mardoqueo wali, kwin mairin Ester ra win, bara Ester bui king ra win, Mardoqueo win dahra ba.

Lawana Nani 31:13

Sip sni walaia upla nani pusbi aisi ba: “Sibrin wan dingkisa tnaya bani ra.” Witin nani ai mânka lâ aisi daukisa maipara; ¡diara daukaia aisi kaikisa yang na ai ikaia!

Jirimaya 11:19

Yang sika daira walras katna, sîp kum daiwan ikaia watla ra bri auya ba baku, yang maipara diara daukaia witin nani aikuki aisi kan ba. Witin nani aisi kan: “Baha dusa ai karnika aiska bri pâwi ba kaisa yawan klakaia; naha tasba wina daiki sâkpi rayaka bri nani ba tila wina, bara upla kumi sin witin ra kli ai kupia kraukbia apia.”

Jirimaya 44:25

Dawan karnika sut bri ba, Israel Gâdka, aisisa: ‘Mairin nani man nani baku aisi sin daukisma. Man nani wisma pat pramis takram Kasbrika Purara Kwinka ba ra kîa pain nani angki wain prisantka nani sin yabaia, man nani dîa aisaram ba kat daukma. ¡Pain pali, aisaram ba baku warkka ba sin dauks!

Libait Lâka 27:29

Upla kum pruaia pâtka ra lakan ba, baha sin kli atki pri sâkbia: win ba kat witin pruaia sa.

Matiu 26:4

Bahara lâ daukan, Jisas ba kunin muni alki, ikaia.

Matiu 26:74

Baha wina mahka witin swer taki, win: —¡Yang baha waitnika ba kaikras! Bamna baha sim pali piua kalila kum aiwanan.

Matiu 27:25

Bara upla sut mita pana win: —¡Yang nani, bara luhpi nani sin witin pruanka ba dukiara pâtkira taki banhwisna!

Apastil Nani Sturka 23:13

Pal ikaia swer taki ba lika waitna asla 40 pura kan.

Apastil Nani Sturka 23:14

Witin nani prîs tara nani ra bara wihta almuk nani ra sin wih win: —Yang nani swer taki kira lâ daukri, plun piaia apia, diara sin diaia apia, Pal ikamna ba kat.

Apastil Nani Sturka 23:21

Bamna man baha nani bîla walpara; kan witin nani tila wina waitna 40 pura yukuwi bîla kaikisa, swer sin taki banhwan plun piaia apia, diara sin diaia apia, Pal ikbia ba kat. Bara nanara baha nani ridi pali sa, dîa man wima ba bîlam kaikisa.

Apastil Nani Sturka 23:30

Sakuna yang sturi walri, Ju nani mita witin na ikaia lâ daukan, bamna man ra blikuna, bara yang wîri dahra kwakwahkra nani ba sin man mamwanra bal aisabia. Bamna aisabi.”

Apastil Nani Sturka 25:3

Witin nani makaban, witin nani ra pain luki kaka, du pali Pal ba Jerusalem ra bri balbia. Witin nani pat lâ daukan kan Pal ba yabal ra ikaia,

Apastil Nani Sturka 9:23

Yu ailal luan ningkara, Ju nani ai mânka asla taki lâ daukan Saulo ba ikaia.

Apastil Nani Sturka 9:24

Sakuna witin mita baha walan. Kakna bara tihmia sin witin nani tawan wina takaia getka ra aihwaki banhwi kan witin ra ikaia.

1 Korint 16:22

Ani uplika Dawan Jisas Kraist ra latwan kaikras kaka, witin ba lahtuban kabia. ¡Wan Dawanka, bal!

2 Korint 11:26

Yang impakanka ailal briri bara baha piua nani ra trabil manis wal sin prawri, awala nani ra, âimplikra nani wal trabil briri bara kuntrika uplika nani tilara, bara Ju apia nani tilara sin. Baku sin trabil nani wal prawri tawan nani ra, twi ra, kabu ra, bara ban sin muihki kuninkira nani tilara.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

1 Tesalonaika 2:16

Ju apia nani ba ra sin yang nani aisaia lukri, witin nani sin swaki sakan kaia mata, sakuna witin nani bui yang nani ai swin aisaras. Bara baku natka ra witin nani saura daukan ba kau tara daukan. Sakuna nanara lâs kat, klala saura pali ba Gâd wina witin nani purara balan sa.

Jasua 6:26

Baha ningkara Jasua swer taki naku aisin: “Dawan nakra ra ya pali kli Jeriko tawanka ba paskaia bubia ba, saura pali kaikan kabia. Ai luhpia tawahkia ba purara tawanka playka tara ba sunbia, bara ai luhpia sirpika ba purara tawanka getka ba sunbia.”,

Jasua 7:1

Sakuna waitna kumi bâra kan, Juda taika tila wina, nina ba Acán, Carmí luhpia waitna, Zabdí mulika bara Zérah snawika. Diara nani sut sauhki tikaia kan ba tila wina witin diara nani ba brin, bamna baha daukan ba tâka Israel luhpia nani sut Dawan mawanra pâtkira kulkata, kan Dawan bui witin nani ra pat kasak win kata diara sut sauhki tikaia. Baha tâwan, Dawan kupia baiwanka ba witin nani mapara balan.

Jasua 7:15

Bara ani waitnika baha implikan dukia nani bri ba, witin ai taya nani ba, ai dukia nani ba sut aikuki angki sauhki âpu tikbia, kan witin bui Israel luhpia nani tilara baha swira lâka daukan bara Dawan lâka ra lâ daukan ba kat daukras kan ba tâwan.

1 Samuil 14:24

Ban sakuna, Israel luhpia nani baha yua ba swapan pali kan, upla kumi sin plun piras kata, kan Saúl upla sut ra swer aisin ba mita, witin win: “Baha uplika ra naiwa lahtuban kabia witin pas plun pibia kaka, yang bui pas waihli nani ra pana muni pura luras sna kaka.”