Apastil Nani Sturka 21:9 - DAWAN BÎLA AISKA

⁹ Pilip lika luhpa mairin walhwal bri kan, kau maya briras; baha nani Gâd sturka yamni smasmalkra kan.

Apastil Nani Sturka 21:9 ပူးပေါင်းရင်းမြစ်များ

2 King Nani 22:14

Bara Hilquías, Ahicam, Acbor, Safán bara Asaías, prapit mairin Huldá kaikaia wan, witin ba Salum maya mairin, witinka na Ticvá luhpia bara Harhás mulika, bara witin ba sin prâk nani ba auhbi aihwaki kaiki kan tempel ra. Huldá ba Jerusalem ra iwi kan, bara tawan bilara Baikanka Wâl bâra kan ba wina kumika ba ra iwi kan. Bara witin ra aisi banhwan ba ra,

Nihimaya 6:14

¡Yang Gâdki: kupiam ra bri bas, Tobías bara Sambalat wal diara daukan ba! ¡Noadías baha prapitka mairin daukan ba sin âmya tikpara, bara prapit wala nani ba sin yang ra sirang ai ikaia daukan ba!

Impakan Sturka 15:20

Bamna Gâd prapitka mairin Meri, Eran lakrika ba, bin dauki aiwanaia singbaika ba brin, bara mairin nani sin sut witin ai nina blikan dans puli singbaika singbi kan.

Isikiel 13:17

“Nanara man, upla luhpia, tawi kaiks tawankam luhpia mairin nani ra, witin nani ba yang nini ra aisisa ai lâka kat.

Joel 2:28

“Naha diara nani ba sut ba bal taki lubia ba ningkara, spiritki ba tasba uplika nani sut purara iwaia blikamna; luhpiam waitna nani bara luhpiam mairin nani sin Gâd dahra aisi kabia, almuk nani yaprisauhkan kaikbia, wahma bara tiara nani sin, naika diara aihka kaikbia.

Luk 2:36

Bahara sin Gâd prapitka mairka kum bâra kata, ai nina ba Ana, witin Penuel luhpia, Aser taika kan. Witin pat almuk pali kata; tiara pali marit taki, ai maya wal mani 7 iwi kan,

Apastil Nani Sturka 13:1

Antíoco ra serts bâra kan ba ra, prapit nani bara smasmalkra nani sin bâra kan. Baha nani sika Bernabé, Simian, nina wala Taya Siksa mâki kan ba, Lucio Cirene wina ba, Manahem, witinka Galili kuntrika wihtka, Herod wal pâwan ba, bara Saulo sin.

Apastil Nani Sturka 2:17

‘Gâd bila: Tnata yua nani ra naku daukamna: Yang Spiritki ba upla bani purara laikamni, bamna luhpiam waitna nani bara luhpiam mairin nani ba sin, yang witniski aisabia; wahma nani sin diara aihka kaikbia, almuk nani lika yaprisauhkan kaikbia.

1 Korint 7:38

Baku bamna, ani waitnika ai luhpia mairin maya baikisa kaka, witin pain daukisa; bara ani waitnika ai luhpia mairin maya baikras ba, witin lika kau pain daukisa.

Param Marikanka 2:20

Sakuna mampara diara kum brisna: baha mairka Jezabel wi ba man mita ban brisma, bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa.

Wihta Nani 4:4

Baha yua nani ra Israel luhpia nani ba prapit mairin Débora, Lapidot maya ba, witin nani wihtka aimaki kan.