Apastil Nani Sturka 21:8 - DAWAN BÎLA AISKA

⁸ Yu wala, Pal bara ya nani wala sin yang nani wal kan ba aikuki Sesaria ra wih banhri. Bahara yang nani Pilip watla ra aidrubi wari; witinka sturi yamni ba twatwilkra kan, serts tâ upla 7 kan ba wina kumi kata. Witin wal takaski banhri.

Apastil Nani Sturka 21:8 ပူးပေါင်းရင်းမြစ်များ

Apastil Nani Sturka 10:1

Sesaria tawanka ra waitna kumi bâra kan nina ba Cornelio, witin lika Rom suldiar daknika kiaptinka kata, nina Italia wina ba.

Apastil Nani Sturka 16:10

Pal naha diara aihka kaikan ba ra, yang nani mahka ridi taki banhri Macedonia ra waia. Bamna lukri baha ba kasak pali Dawan mita paiwi kan, Macedonia ra wih Dawan sturka yamni ba yang nani smalkaia.

Apastil Nani Sturka 16:13

Ris yua kum ra, yang nani tawan ba wina lata tani ra taki wari, awala un ra. Upla nani ai natka kan, bahara wih ai pura sunaia. Bamna yang nani mahka iwi, mairin nani bahara bal asla takan nani ra Dawan sturka yamni ba smalki banhri.

Apastil Nani Sturka 16:16

Yu kumi yang nani pura sunaia pliska ra taki auna kan ba ra, tukta mairin kum wal prawi banhri; witin sukia, diara kaikaia piritka bri kata. Witin alba kan, bara diara kaikaia warkka dauki ba wina ai dawanka nani ba lalah uya pali saki yabi kan.

Apastil Nani Sturka 18:22

Sesaria ra wan ba ra, Pal mita Jerusalem ra wan lalukra nani lakula daukan, ningkara Antíoco ra iwi wan.

Apastil Nani Sturka 20:13

Yang nani duri tara ra aimaki kainara impaki Aso ra wari, bara bahara Pal ba mangkaia duri tara ra, witin lika sauhkak waia win bamna.

Apastil Nani Sturka 20:6

Brit îs âpu daukan ba piaia yua tara ba luan ningkara, yang nani Pilipai wina duri tara ra aimaki impaki banhri, bara yu nani matsip kat Troas ra balri. Bahara yang nani yu 7 takaskri.

Apastil Nani Sturka 21:16

Sesaria wina kristian nani tila wina yang nani wal wan. Witin nani tilara Chipre wina waitna kum kata, nina Mnasón, witin ba pat piua wihka kristian kan; bara witin watla ra takaski banhri.

Apastil Nani Sturka 23:23

Kamandanti bui kiaptin wâl witin ra winan balan, bara adar yan suldiar nani ridi sâkbia Sesaria ra waia, tihmia 9 aklak, 200 suldiar ai mina ra wapaia, 70 ba lika aras ra uli, wala 200 ba lika langsa bri kan.

Apastil Nani Sturka 27:1

Italia ra wan blikaia wilin taki banhwan ba ra, Pal bara silak uplika wala nani sut ba kiaptin Julio mihta ra mangkan. Suldiarka nani nina ba mâki kan Rom ra king tara ba daknika.

Apastil Nani Sturka 28:11

Kati yumhpa luan ningkara, Alejandría wina duri tara kumi baha kî dakura ra lî auhi piua luaia takaskan kata. Baha ra aimaki banhri; duri tara ba ai nina sainka ba bri kan ba: Cástor, Pólux.

Apastil Nani Sturka 28:16

Rom ra yang nani wari ba ra, suldiar kiaptinka mita win Pal lika plis kum ra tnaya ra yakan kabia, suldiar kum wal swin main kaiki kaia.

Apastil Nani Sturka 6:5

Naha diara na dukiara upla nani sut aitani lukan, bara witin nani mita Stiben ba ai tila wina pliki sakan. Witin lika waitna kumi kasak lukan lâka ni, Spirit Holikira ni sin banhwan kan. Bara Pilip, Prócoro, Nicanor, Timón, Pármenas, bara Nikolas Antíoco wina, witinka kaina piua ra Ju lâka kakulkra kan ba.

Apastil Nani Sturka 9:30

Wan muihni nani mita naha na kaikan ba ra, Saulo ba Sesaria ra brih wan, baha wina Tarso ra blikan wan.

Epesus 4:11

Bara upla nani ra prisant nani yan, tila nani apastil nani kaia, wala nani ra lika Gâd dahra aisaia, bara wala nani ra swaki sakan lâka sturka ba smalkaia, wala nani ra lika sepad nani bara smasmalkra nani kaia.

2 Timoti 4:5

Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.