Apastil Nani Sturka 21:3 - DAWAN BÎLA AISKA

³ Yang nani lui auna kan piua ra, Chipre kî dakura ba kaikri. Baha ba wan mihta smihka tani ra swi si, ban Siria kat impakan. Duri tara ba Tiro tawanka ra diara nani kwahki brih auya ba sunaia kan, bamna bahara yang nani dimi wari.

Apastil Nani Sturka 21:3 ပူးပေါင်းရင်းမြစ်များ

2 Samuil 8:6

Ningkara Debit bui Damaskus Siria ra aiklaklabra daknika mangki swin. Siria uplika nani sin yan witin ra bawan, ai lal mana sin aibapaia kan. Baku bamna Debit ani anira wan ba, Dawan wina pura lui buaia karnika ba yan.

Lawana Nani 45:12

Tiro kwinka mairin, upla nani kau yuyakira nani pali ba, diara mana luha wal man kupiam alkaisa.

Lawana Nani 87:4

“Tawan nani ai kakaira ba, tila wina sip sna nina mâkaia Idsip, Babilon, Filistea, Tiro bara Etiopía; witin nani sut ba man wina aisubi takan.”

Aiseya 7:2

Baha piua ra naha bîla na blikan, king Ahaz ra bara ai taya nani ra sin wih win: “Siria uplika nani ba, Efraín aikuki asla takan.” King ba ai uplika nani sin baha walan, tatatwi banhwan pâsa krawan unta ra dus nani wauhi ba baku.

Matiu 11:21

“¡Corazín tawanka, man mampara alai pali kabia! ¡Betsaida tawanka, man mampara sin alai pali kabia! Kan man nani tilamra sain aihka nani daukan baku Tiro bara Sidón tawanka ra sim baku daukan kaka, baha uplika nani pat ai kupia lakan kaia kan, bara latan marikaia kan sari kwalka dimi bara yamhpus sin aimaki.

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

Luk 10:13

“¡Nahki man ra saura kabia, Corazín tawanka! ¡Nahki man ra saura kabia, Betsaida tawanka! Kan sain aihka nani man nani tilamra daukan ba, Tiro bara Sidón ra ni daukan kata kaka, witin nani patitara ai saurka nani wina ai kupia laki, krukus kwalka dimi, yamhpus ni sin ai wîna ra yuki kaia kan.

Luk 2:2

Naha lika nina mangkanka pas kata, Quirinio Siria tasbaya ra wihta tara aimaki kan ba piua ra.

Apastil Nani Sturka 11:19

Stiben ikan ningkara, lalukra wala nani ra sin mahka rausauhkan, bamna tila nani ba Fenicia ra, Chipre ra bara Antíoco ra sin plapan. Bahara Jisas sturka yamni ba Ju nani ra baman smalkan, Ju apia nani ra lika apia.

Apastil Nani Sturka 12:20

Herod lika ai kupia baiki kata, Tiro bara Sidón wal tawanka ra iwi uplika nani mapara, kuna yu kum witin nani sut aidrubi balan witin ba mawanra. Sakuna witin nani lalah ni Herod suldiarka wihtka kumi wal uplika taki banhwan, baha nina ba Blasto kata. Bamna witin bâk kupia kumi lâka makaban, witin nani ai tasbaya ba king kuntrika wina ai pata bri kan bamna.

Apastil Nani Sturka 13:4

Bernabé Saulo wal ba Spirit Holikira mita blikan bamna, witin nani Cilicia ra iwi wih, baha wina duri tara kum ra aimaki Chipre kî dakura ra wan.

Apastil Nani Sturka 15:23

Bara witin nani baha nani wal wauhkataya kum blikan, bahara naku ulban kan: “Yang nani apastil bara serts tâ uplika nani, bara wan muihni nani sut ba mita, Ju apia nani sma ba ra lakula mai blikisna, muihni nani lâka ra, man nani sut Antíoco ra iwisma ba, Siria ra, Cilicia tasbaya ra sin.

Apastil Nani Sturka 15:39

Baha dukiara witin nani uya blahwan, ningkara wal dakwi takan; bara Bernabé mita Jan bara Mark ba brih duri tara ra aimakan, Chipre ra waia.

Apastil Nani Sturka 15:41

Witin nani Siria bara Cilicia bâk lui wan kristian nani bâra ba tâ baiki.

Apastil Nani Sturka 18:18

Pal wan muihni nani wal yu ailal Korint ra takaskan. Ningkara, wan muihni nani ba lakula dauki si, Priscila bara Áquila aikuki duri tara ra aimaki Siria tasbaya ra wan. Witin kau duri tara ra aimakras kan ba ra, Cencreas ra wih ai tâwa irban, witin pramis kum daukan ba tnata alkaia.

Apastil Nani Sturka 21:16

Sesaria wina kristian nani tila wina yang nani wal wan. Witin nani tilara Chipre wina waitna kum kata, nina Mnasón, witin ba pat piua wihka kristian kan; bara witin watla ra takaski banhri.

Apastil Nani Sturka 21:2

Pátara ra duri tara kumi Fenicia ra waia kan ba wal prawi banhri. Yang nani baha duri tara ra aimakri, bara mahka kabu ra taki impaki banhri.

Apastil Nani Sturka 21:7

Yang nani impakanka ba ban bri katna Tiro wina Tolemaida kat. Bahara wan muihni nani ra yang nani lakula daukri, aikuki sin yu kumi takaskri.

Apastil Nani Sturka 27:4

Sidón wina taki, Chipre ba munhta mapara lui banhri, pâsa ba yang nani maipa kat kan bamna.

Apastil Nani Sturka 4:36

Baku sin witin nani ai tilara Libait kum kata nina Josep, witin ba Chipre kî dakura ra aisuban kan, bara apastil nani mita nina wala laki yan, Bernabé, (tânka ba “Maisa Nanihkra luhpia”).

Wihta Nani 10:6

Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.