Apastil Nani Sturka 21:16 - DAWAN BÎLA AISKA

¹⁶ Sesaria wina kristian nani tila wina yang nani wal wan. Witin nani tilara Chipre wina waitna kum kata, nina Mnasón, witin ba pat piua wihka kristian kan; bara witin watla ra takaski banhri.

Apastil Nani Sturka 21:16 ပူးပေါင်းရင်းမြစ်များ

Lawana Nani 92:14

Almuk takbia sin ban ai mâ saki kabia; piu sut karna kabia bara raya kabia sin,

Sins Lâka 16:31

Wan tâwa pihwan ba lika prana tara kraunka kum sa, baha sika kasakka lâka yabalka ra kasak wapi tauki ba tânka.

Apastil Nani Sturka 10:24

Yu wala witin nani Sesaria ra diman, bahara sika Cornelio witin bîla kaiki kan ba, ai taya nani, bara ai uplika nani sin kau witin wal asla nani ba kan paiwan.

Apastil Nani Sturka 10:48

Bara adar yan, baha nani ba Jisas Kraist nina ra tahbi daukaia. Baha ningkara, Pita ra makaban yu wiria pan witin nani wal takaskaia.

Apastil Nani Sturka 11:19

Stiben ikan ningkara, lalukra wala nani ra sin mahka rausauhkan, bamna tila nani ba Fenicia ra, Chipre ra bara Antíoco ra sin plapan. Bahara Jisas sturka yamni ba Ju nani ra baman smalkan, Ju apia nani ra lika apia.

Apastil Nani Sturka 15:39

Baha dukiara witin nani uya blahwan, ningkara wal dakwi takan; bara Bernabé mita Jan bara Mark ba brih duri tara ra aimakan, Chipre ra waia.

Apastil Nani Sturka 15:7

Pana pana kasak aisi blahwan ningkara, Pita buan, bara naku aisin: —Muihni nani, man nani pain kaikisma, nahki Gâd mita man nani tilam wina bâk ai saki ai brin, Ju apia nani ra sin swaki sakan lâka sturka ba smalkaia, baha nani sin kasak lukbia dukiara.

Apastil Nani Sturka 21:8

Yu wala, Pal bara ya nani wala sin yang nani wal kan ba aikuki Sesaria ra wih banhri. Bahara yang nani Pilip watla ra aidrubi wari; witinka sturi yamni ba twatwilkra kan, serts tâ upla 7 kan ba wina kumi kata. Witin wal takaski banhri.

Apastil Nani Sturka 4:36

Baku sin witin nani ai tilara Libait kum kata nina Josep, witin ba Chipre kî dakura ra aisuban kan, bara apastil nani mita nina wala laki yan, Bernabé, (tânka ba “Maisa Nanihkra luhpia”).

Apastil Nani Sturka 8:40

Pilip ai dahra walan, witin ba Azoto ra kan. Bamna witin tawan bani ra wapi, sturi yamni ba smalki ban Sesaria kat wan.

Roman 16:7

Lakula wis yang kuntriki wina ba Andrónico bara Junias ra sin, witin nani wâl sika yang silak ra ai mangkan, bara witin nani pas sika yang kainira Kraist ra kasak lukan, bara apastil nani tilara tara pali kulkan sa bamna.

Pilimon 1:9

sakuna latwan lâka ba nina ra man ra mamkaban ai daukisa. Yang Pal lika pat almuk pali sna, bara nanara sin Kraist Jisas tâwan silak ra ai brisa.