Apastil Nani Sturka 20:7 - DAWAN BÎLA AISKA

⁷ Wik yua pas pali ra, wan muihni nani asla takan brit krikaia; bahara Pal mita smalki kan. Witin yu wala ba mahka waia kan bamna, tihmia wâl bakriki kat ban aisi kan.

Apastil Nani Sturka 20:7 ပူးပေါင်းရင်းမြစ်များ

Nihimaya 8:3

Bara lâ wauhkataya ba aisi kaikan lî watla getka ba lamara, titan wina yu wan lal kat. Bara lâ aisi kaiki kan ba, upla sut aman pali wali kan.

Nihimaya 9:3

Sut pali ai pliska kat bûi kan awar yumhpa, bara Dawan ai Gâdka lâka wauhkataya ba aisi kaiki banhwan, bara awar yumhpa wala ba lika ai saurka nani dahra saki Dawan ra mayuni banhwi kan.

Mark 16:9

Jisas buan ningkara, wik yua pas pali titanka ra, Meri Magdalin ra pas latan takan; witinka wina sika pirit saura 7 kangbi sakan ba.

Luk 22:19

Baha ningkara, brit ba ai mihta ra brih, tingki wih, kriki, disaipil nani ra yabi, win: —Naha sika wîni tara, man nani sut dukiamra yan kabia ba. Naha na yang ra luki, dauki bas.

Luk 24:35

Baha wina witin nani wâl mita win dîa yabal ra takan ba; Jisas brit krikan bara latan kaikan ba tânka sin wisata.

Jan 20:1

Wik yua pas, Meri Magdalin ba raiti ra wan titan pali, kau tihmia kata witin kaikan, walpa raiti pura prakan kata ba sakan kan.

Jan 20:19

Baha sim piua tihmika tutni pali ra, disaipil sut asla taki kan, bamna utla durka nani sut prakan kan, Ju nani sîa. Jisas bal dimi, disaipil nani lilapas kat buan, baha nani ra lakula dauki, naku win: —¡Kupia kumi lâka man nani wal kabia!

Jan 20:26

Yu 8 luan ningkara, disaipil nani ba kli utla kum ra asla taki banhwan kan, bara naha piua lika Tamas sin baha nani tilara kan. Bamna dur nani ba sut prakan kan, sakuna Jisas ban dimi disaipil nani lilapas kat buan, lakula dauki, naku win: —¡Kupia kumi lâka man nani wal kabia!

Apastil Nani Sturka 16:10

Pal naha diara aihka kaikan ba ra, yang nani mahka ridi taki banhri Macedonia ra waia. Bamna lukri baha ba kasak pali Dawan mita paiwi kan, Macedonia ra wih Dawan sturka yamni ba yang nani smalkaia.

Apastil Nani Sturka 2:42

Baha uplika nani lika yu bani takaskras kira, apastil nani smalkanka nani wina diara lan taki kan, bara witin nani sin pana pana ai walka dukiara luki kan, ai pura sin suni banhwi kan, sut sin asla taki brit kriki pi kan.

Apastil Nani Sturka 2:46

Yu bani witin nani tempel ra asla taki kan, bara utla bani ra asla taki, liliakira ai kupia kumi lâka ra ai pata pi kan.

Apastil Nani Sturka 20:11

Baha ningkara, Pal mita utla purara kli uli wih brit kriki pin. Witin kau ban smalki kan; bara titan kat witin mahka wan.

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

Apastil Nani Sturka 20:5

Naha wan muihni nani na lika wan kainara Troas ra wih, wan bîla kaikan kan.

Apastil Nani Sturka 20:9

Windar kum ra wahma kum iwi kan, nina ba Eutico. Pal ai smalkanka yari daukan bamna, wahma ba yapan daukan bara mahka yapan. Uya karna yapi si utla yumhpa pura wina tasba kat kauhan; bara upla wih alki bukan ba ra, pat pruan kan.

Apastil Nani Sturka 28:23

Bamna yu kumi mangki yan, bara baha yua ra upla ailal pali balan Pal takaski kan ba watla ra. Titan wina tutni kat baha nani ra aisin Gâd King aimaki Lâka ba dukiara. Bara Pal baku Jisas tânka aisi baha nani ba kupia lakaia muni kan, Moses lâka wina, bara prapit nani Ulbanka ba wina sin.

1 Korint 10:16

Yamni munan kapka wina yawan di ba ra Gâd ra tingki wisa, yawan Kraist aikuki kumi takisa witin ai tâlia ra; yawan brit kriki ba pi ba ra, yawan Kraist aikuki kumi takisa ai wîna ra.

1 Korint 15:10

Sakuna yang dîa sna ba lika, Gâd bui yang wal ai kupia pihni brin ba mita; bara yang wal ai kupia yamni lâka brin ba bahki ra tawras sa. Sakuna, yang sika apastil nani sut purkara kau wark takri ba; baha ba yang pali lika apia, sakuna Gâd sika ai kupia yamni lâka ni yang wal ba.

1 Korint 16:2

Wik bani yua pas pali ra, man nani kumi bani lalah wiria tnaya ra laki swiaia sma, dîa pura sakan ba praiska kat; bamna baha ba suni bri bas, bara baku mika yang balamna ba ra, man nani lalah plikaia apia kama.

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Param Marikanka 1:10

Bara Dawan yua kumi ra, Spirit Holikira mita ai karnika munhtara ai brisata, bara nini tani ra bîla baikra tara kum walri, sim trumpit binka baku,